晚餐@Cafe Heato (海圖)

一開始是在FB看另一個追開的專頁, 知道有這間cafe, 驚訝屋企附近這個冇咩人留意的小社區, 終於開了一間特色cafe, 點都想食一次~~

第一次係中午去搵位, 點知爆場, 冇空位, cafe又得一個人 (我估係老板), 冇人派飛或什麼排隊等位...唔, 於是決定同一日夜晚再來, 估唔到人少好多...幾乎包哂場~~

不過店子生意不錯, 好多食物都賣哂, 於是就叫了仲有的all day breakfast, 還有雞肉翠香汁意粉~~

食物未到, 就影吓周圍, 另一枱的2個女仔都喺度不停影影影, 我們都影了不少~~ 裝潢是近來熱門的旅行、簡約style~ 周圍掛滿不少特別的裝飾和明信片, 有點似"牧羊少年．咖啡．茶"或其他特色cafe~

吉卜力工作室展覽、Cloud Candy、晚餐@明珠閣

好雜碎的一篇, 又有展覽, 又有食物 ^^~~

其實一知道有吉卜力工作室的展覽, 已經好想快點抽時間去睇, 不過又怕多人, 諗住8月幾乎係展覽尾聲, 加埋揀平日去睇, 應該少啲人, 事實就係去到都要排半小時先有得入~~

排隊的時候做咩? 除了撥扇, 就是在吃這盒Cloud Candy, 是近來有不少宣傳的手工牛奶糖, 標榜香港人手製作, 天然材料, 於是趁一田有佢同其他手工果占的展銷會, 於是匆匆買了一盒, 48蚊不算平, 不過好想試吓~~ 買了原味~

街坊蛋糕小食班 (上)~

趁住有時間又可以請假, 報了一個附近社區中心舉辦的蛋糕+甜點+小食班~~ 每堂可以做2款不同的蛋糕/甜點/小食, 而且價錢不太貴, 決定一試~~

第一堂, 知道了上堂的情況, 又聽到其他同學同導師的談話, 就知有少少"中伏"......工具要一齊分嚟用都預咗, 但這次所有人要共用一個電子磅, 因為另外2個都壞咗, 唯有逐個人排隊, 由其中一個同學幫手量材料; 打蛋機得3個, 碗碟廚具都要自己攞、自己洗......比起去工x會仲辛苦, 起碼工x會工具都多dd, 仲有一個助手幫手洗碗...

另外佢哋話社區中心不時超收學生, 之前試過同時有十幾二十個人一齊整麵包, 好明顯工具唔夠分, 又唔夠時間完成製品, 當然好多人投訴啦~~

幸好今次計埋得8個人報名, 而且焗爐同雪櫃都夠位, 2個人一齊整, share啲用具都唔係等好耐.....

至於導師, 是退休的廚師, 都算有耐心教學, 不過由於他同他女兒本身都另有公司教人整蛋糕, 所以社區中心的工作都係"玩票", 以及借機宣傳一下他們的公司, 所以有時材料唔係買得好足夠, 睇埋落去就知~~

第一堂的其中一個成品是藍莓蛋糕~~ 製成時覺得有點似"莎莉蛋糕", 不過唔知係咪粉漿唔夠, 定係我們打發得有點過時, 不算發得好起, 另外藍莓果醬要大家一齊分, 可能份量不太夠, 食完覺得冇咩藍莓味~ 不過都食到嘅~~

晚飯@深井陳記燒鵝

有很久時間冇食過燒鵝, 老公都好想食, 於是叫埋奶奶, 一行3人去了深井~~ 我們冇做咩資料搜集, 覺得"陳記"睇落ok就入去~~ 後來上網再看, 似乎"裕記"好評較多, 不過飲食永遠是"各花入各眼", 有人覺得好味的食店, 其他人可能覺得不外如是, 唔緊要啦~~

點餐不夠10分鐘, 鹹魚雞粒炒飯就已經上枱......炒得咁快, 似乎忽略了質素, 雖然食落乾身, 不過有雞肉、飯味, 就係冇鹹魚味, 普普通通~ 炒飯一碟都要60蚊~

之後"主角"上場, 半隻燒鵝~~ 依家食一隻要4百幾, 食半隻都要2百幾, 唔平, 不過依然好多人慕名幫襯~~ 至於味道, 燒鵝皮脆, 熱呼呼時食幾好味, 肉質都合格, 不過可能係切的部位問題, 唔係舊舊都有肉, 有幾舊都係得層皮同骨, 唔好味......質素總算合格, 都好味嘅~

另外叫多個魚香茄子煲~~ 熱騰騰食都不錯, 不過真係要食快少少, 凍咗就出油, 油淋淋咁就麻麻哋~

叫了3樣餸, 質素尚可, 計埋加一要4百幾, 難怪好多人都話依家愈來愈唔抵食......就算係裕記、傅記, 價錢也不差太遠, 唯有當好耐冇食過出名的"深井燒鵝", 還一還心願啦~~ 唯一平日來食的好處就係有室內卡位坐, 同埋唔駛同人迫和等位~~

http://www.openrice.com/restaurant/sr2.htm?shopid=3080&tc=sr1

https://www.facebook.com/chankeemacau

http://europaexplorer.pixnet.net/blog/post/47902600

http://kfchu614.mysinablog.com/index.php?op=ViewArticle&articleId=3679548

再訪吉利尼Killiney~

這晚行經附近, 想起有一段時間冇試過, 於是又坐低試吓~~

裝潢冇變, 晚市剛開始, 人不太多~~

老公叫了柚子紅茶~ 望落似乎ok, 不過原來味道好淡......佢話唔好飲...

自己的凍檸水就不過不失~~ 可惜晚上不想飲奶茶、咖啡, 唔係其實想試架, 因為以前第一次來都冇飲到~

老公又再一次叫了叻沙~~ 其實材料不少, 有蛋、魚片、豆卜等, 湯底也可接受, 但老公覺得不算好味, 看來冇咩進步......

自己今次就叫了餐牌上說"限量"的豬扒飯~~ 一上枱, 見到得白飯同一塊豬扒, 有少少失望, 不過煎豬扒味道合格, 而白飯澆了一點附上的醬油同辣汁就多了一點味, 但好好食又算不上...

可能都係上次食的咖央多士比較好味, 如果下次再來都係食tea好啲~~

http://www.openrice.com/restaurant/sr2.htm?shopid=141888&region=0&s=3

定係另外2間分店可能好食啲?~

http://www.openrice.com/restaurant/sr2.htm?shopid=78274&region=0&s=3 (尖沙咀)

http://www.openrice.com/restaurant/sr2.htm?shopid=163901&region=0&s=3 (沙田)

http://blog.roodo.com/moonroof/archives/19422966.html

http://reporterm.blogspot.hk/2013/08/killiney.html#axzz3AQneaTeF

http://chikpifantasy.blogspot.hk/2014/03/killiney.html

http://karrielife.blogspot.hk/2014/01/blog-post_11.html

近來入手~~

近來又買了幾件衫褲啦~~

這件100蚊, 價錢普通, 不過看來有layer (其實只係一件來的), 而且顏色ok, 就買了~~~

呢件在另一間小店購買, 因為店舖就嚟關門, 所以50蚊, 好平~~ 不過有點透視, 所以要著打底先可以著架~~

再訪祥興記上海生煎包~

之前已經吃過一次, 不過見到group buyer團購有優惠, 2人餐比原價平, 於是就再去幫襯~~

先來6個生煎包~~~ 熱辣辣, 又爆汁, 始終都係這裡的主打菜式~~

老公叫了一份蘿蔔湯~~ 吃了一舊蘿蔔, 味道都合格~~ 這款比較清淡~~

我叫了柑桔汁, 老公就叫了粟米汁~~ 個人覺得柑桔汁比較清甜, 粟米汁就甜少少~~

再吃咖哩牛肉粉絲湯~~ 味道似乎比上次辣少少, 牛肉、豆卜等材料都ok, 麵線都ok, 都係嗰句, 如果湯底可以更濃郁, 唔好似水咁就更加好~~

這次有減價, 大致滿意~~ 不過這間分店晚市真係冇咩人, 看來都要諗吓其他招客的方法~~

另外今次去到見到有排骨麵, 似乎係新加的, 有機會就試一下啦~~

http://www.openrice.com/restaurant/sr2.htm?shopid=164202&tc=sr1

晚飯@餃子工坊~

一間新開的小店, 裝修好透明, 店內一目了然, 個個都要搭枱~~ 不過新開自然多人幫襯, 我們也去湊熱鬧~~

老公叫了韮菜餃加上海麵 (冇影相添), 韮菜餃的味道不錯, 麵就比較淡但都合格, 因為有不少蔥粒, 加添了一點味道~~

至於自己就叫了芝士豬肉煎餃配麵 (上圖), 餃子的賣相同味道都不錯, 麵都ok~~ 總體都算合格~~

不過這裡暫時有不少"限制", 韮菜餃只可以係湯餃, 冇得煎, 而芝士餃就只可以煎, 冇湯餃......另外每叫一款餃子只可以單味, 唔可以雙拼......而且湯餃只有3款, 煎餃又只有3款, 選擇比較少......如果唔改善這些限制, 可能好快就冇咩人幫襯......

http://www.openrice.com/restaurant/sr2.htm?shopid=176382&region=0&s=3

漫遊西貢海岸(3): 橋咀洲、火山探知館、滿記甜品~

原本甕缸群島景區很值得參觀, 可惜自己暈船浪, 搞到睇唔到漂亮的岩石......不過終於有機會落船, 在橋咀洲逛逛, 應該可以舒緩一下暈浪的症狀......而且總算看到了橋咀洲的名物: 菠蘿包石~~

還有第一次行連島沙洲~~

自助午餐@皇家太平洋酒店~

第一次來這裡吃自助午餐, 因為同事留意到這裡有優惠, 最低有6折, 4歲或以下小朋友又可以免費, 於是一大班同事就一家大細嚟食~~ 自己都想湊熱鬧, 就來試食了~~

這裡正式名稱叫"柏景餐廳" (Cafe on the PARK), 在酒店的園景座2樓~ 從中港城上電梯到平台, 找了園景座的入口, 沿指示及樓梯下行就是了~~

自己一向食力麻麻, 所以唯有吃一些貴夾唔飽的食物~~ 先來了一份壽司、魚生及天婦羅~~ 魚生同壽司味道普通, 天婦羅個人覺得不錯, 有蝦、魚、魷魚、蕃薯、瓜片等等, 不過吃幾塊已經有點飽~~

晚飯@羅麥記~

呢間店其實都開了一段時間, 終於找到機會去試吓~~

相信食過的朋友都見過這本"手冊"~~

還有這個用來夾單的大木夾~~ 裝潢同飾物都有花過心思, 不知食物如何?

與朋友晚飯@秀韓國餐館

終於又有時間約埋一班朋友吃飯吹水~~ 今次其中一位朋友是韓國迷, 於是選了"秀", 是一間韓式食店~~ 我們去了在尖東幸福中心的分店~~

我今次最早到, 安排坐在門口位置~ 如果大家想幫襯, 可以去openrice上網訂位~~

其他人都冇我咁早, 成間餐廳冇人, 於是偷影一下~~ 之後就愈來愈多食客了~~

分店原來是用iPad做menu, 都幾有趣~~ 可惜這間店沒有wifi, 而且個iPad又唔可以上網, 咁其實同用一本紙造menu冇咩分別......不過畫面就靚好多嘅~

漫遊西貢海岸(2): 萬宜水庫東壩、破邊洲、甕缸群島景區~

上一篇提到我們參觀了天文公園, 又去了糧船灣的酒家吃海鮮午餐, 上船之後就是參觀行程的各個重點景區~~ 讓大家看看部份相片先~~

宏偉的六角柱岩~~~

破邊洲~~~

海蝕拱, 即係可以穿過的海蝕洞~~ 坐船又要天氣好, 才有機會看到的~~~

特別的手信~

之前其他親友去完旅行, 都收到很多特色或美味的手信, 但咁樣同大家分享, 應該係第一次, 因為呢份"禮物"收到都覺得很特別同難得~~

唔開估係咩先, 等大家看看外觀~~

如果淨係睇個盒同上面的字, 大家估到和什麼有關呢?~~

午餐@樂亭~

如果屋企夠近, 去屯門碼頭可以搭船去大澳, 比起坐幾轉巴士更方便, 周末假日都好多人來坐~~ 它的附近有不少屋苑及幾個商場, 其中一個就是海趣坊~

"樂亭"前身是一間日式、沖繩style的食店, 現在就變回一間普通的日式食店~ 可惜之前行過好多次都冇試過沖繩特色食物, 今次有機會試吓它們的午餐~

自己叫了一個蝦天婦羅冷烏冬~~ 先來了一份壽司, 很迷你......樣子的骰, 不過如果可以再大一點會開心d~~

這份冷烏冬的樣子不錯~~ 最初以為3條都是蝦天婦羅, 再細看才發現另外2條是獅子狗(魚蛋)天婦羅, 蝦其實只有一條, 有少少失望, 不過炸出來的味道都ok~ 烏冬的份量足夠, 味道也是合格的~

老公叫的蟹粥就有點怪......初初看到覺得唔錯, 點知一食發現原來所謂的粥, 煮到好似湯飯, 仲食到一粒粒飯粒......印象中日式粥好似唔係咁樣.......不過份量就足夠的, 老公話食到好飽, 不過同中式的蟹粥有分別, 而且煮成咁, 個人不太喜歡, 下次有機會都唔食這款......

個人滿意自己份冷烏冬, 而且見到鄰枱叫的食物看來都不錯......另外環境同座位都舒服, 所以好多一家大細幫襯, 因為可以泊bb車又可以坐耐d~~ 下次有機會再試其他食品先~

後來上網查一查, 原來它是A-1 Bakery旗下的日式食店...真係估唔到呀......

http://www.a-1bakery.com.hk/zh-hk/shops/detail/12

http://www.openrice.com/restaurant/sr2.htm?shopid=106586&tc=sr1