2015年3月29日

藍莓芝士餅~

一年一度, 老公生日, 很久沒有整蛋糕, 不過要返工, 為了他, 於是揀一個簡單又好味的, 就整紐約芝士餅加藍莓 ^^~


自己同老公都覺得很好味 ^^~~~

2015年3月27日

花展遊~~

難得有機會可以平日去花展看看~~ 上一次參觀花展已經係幾年前的事~~ 不過今次又冇帶相機, 唯有用手機周圍影~~ 但係花展可看的實在太多, 結果都係影一些"大路"景點, 冇其他blog友影得咁靚, 不過可以去參觀都已經好開心~~ 可惜看了一個上午就要走啦~~


今年的主題係"春.花.舞", 所以好多花壇都圍繞這個主題~~ 例如飛舞花間的蝴蝶~~


2015年3月21日

晚飯@大自然素食~

近來都有點忙碌, 少了blogging, 唯有寫住一篇食評先~~~

之前都有興趣試呢間餐廳, 但次次都好多人等位~~ 這次行過荃灣分店, 唔駛等, 當然入去醫肚了~~

我們晚了一點食飯, 所以幾肚餓, 於是沒多思考, 就選了個2人餐~~ 先來的是雞絲粉皮~ 最特別的當然是"雞肉", 不知用什麼材料, 真係可以整到一絲絲咁, 不過就黏成一堆, 味道都有少少似雞肉~~ 而粉皮同芝麻醬汁同平時食的差不多~~ 不過個名叫"五彩雞絲粉皮", 唔知係咪漏了加"五彩"呢?......

2015年3月13日

年初三, 行海灘~

年初三, 既然冇拜年, 就來新春行大運~~ 這次想選一個有得泊車的地方, 決定去好耐冇去過的黃金泳灘~ 估唔到好多人都係咁諗, 成個停車場爆哂, 等了一陣先有位泊呀, 不過唔駛等好耐都算好了...

跟住就先由黃金泳灘向三聖邨的方向行, 就會經過幾個泳灘, 包括新咖啡灣、舊咖啡灣、加多利灣, 唯一冇行的就是青山灣~


天氣不算很好, 不過不太曬, 涼涼哋, 行吓戶外都舒服~~ 沙灘上的人不少, BBQ的人都好多, 因為呢幾個泳灘隔離都有BBQ場架~~


影吓今日個日期~~ 在沙灘有個咁樣的鐘, 少少怪不過都唔係太差嘅~~


最初雲比較多, 幾乎見不到太陽~~ 遠離黃金泳灘, 人就少了一點~~


石灘都有一些人在玩、釣魚等~~ 如果唔係自己對鞋入沙, 真係好想行落去~~


雖然暫時看不到陽光, 風景亦另有滋味~~ 可惜最初諗住天氣麻麻, 只帶了手提, 影出來都係差少少, 下次應該要帶相機~~

2015年3月8日

晚飯@咖啡弄~

之前見到雜誌同好多blogger都介紹了這間台灣有名食店, 一直都有興趣去試吓, 終於今次行過尖沙咀, 而且見到好似唔係好多人排隊, 於是就排吓~~ 結果排了20多分鐘就有位, 不過要搭枱, 老公嚷著好肚餓, 當然拿拿臨入去坐了~~

去過的朋友都知道, 這裡繁忙時間只可坐1.5小時, 而且每人都要叫一杯飲品作最低消費~ 不過老公不太喜歡這條"規則", 覺得既然都會叫食物, 為何仍需要每人叫飲品? 不過自己反而覺得, "被迫"叫飲品就有藉口試吓它們出名的果茶, 嘻嘻 :p


很精美的menu, 原來它們的官網也很精美, 有齊menu的食物, 等位中可以看網頁揀定食咩~~
(官網: http://www.coffee-alley.com/)


自己叫了一份熱鮮果茶~ 味道酸酸甜甜, 很醒胃, 而且真係加了很多果汁同水果, 食到的有蘋果、橙、提子, 另外有熱情果、青檸, 仲發現有一粒酸梅, 難怪味道特別~~ 而且份量不少, 可以倒5-6杯, 光是飲茶都已經飽飽哋~~ 個人挺喜歡呀~~