下白泥的夕陽~

上文提到我們由良景邨出發, 行過了"香港大峽谷"之後, 就向下白泥進發了~~

有名的下白泥夕陽, 總算讓我們看到了~~

良景至下白泥: 香港的"大峽谷"~

之前老公有幾次都提到想行這條路線, 最初覺得會唔會好難行, 上網找了點資料, 原來都算容易, 於是繼續善用我們的復活節假期, 出發了~~ (哈哈, 仲係講緊呢個假期的活動~~~)

係咪幾似"大峽谷"?~~ 當然比美國的小得多, 不過都值得去看看~~

大帽山之旅 + 看月蝕

整完野餐的食物之後, 我們就出發去大帽山~~

平時大家坐公共交通工具, 可以坐51號九巴 (荃灣西站至錦上路西鐵站) 到大帽山郊野公園附近下車, 或者坐80號綠色小巴, 由荃灣去川龍, 再行上去~ 不過我們就是駕車上到山腰, 泊低架車再行上去~ 正常來說應該泊在扶輪公園, 但因為太多人又太多車, 結果就一路駛上山找位~ 假期時其實個個郊野公園多車又多人, 大家都要小心呀~~

其實唔駛上到山頂, 山腰已經可以飽覽香港各地的風光~ 這邊看到荃灣、葵涌及青衣~~

昂船洲大橋~~

青馬大橋都看到~~

荃灣同青衣都好多樓, 密密麻麻~~

懶人野餐食譜~

4月4日, 天文台話有機會可以在大帽山上看到月全蝕, 於是我同老公就決定去大帽山一次~~ 中學時期自己去過一次, 老公就未去過, 依家唔知山上風景如何?~~

今次想自己DIY野餐食物, 諗住順便去野餐, 於是早上未出來就工作了~~

俾啲成品大家看看先:

晚飯@泰苑小食、金菠蘿酥@Sweet Botique de Tony Wong~

去完鯉魚門之後, 我們揀了去九龍城吃晚餐~~ 自己又係好耐冇去過九龍城了~~

我們今次又係想"經濟實惠"為主, 於是去了九龍城市政大廈 (即是九龍城街市) 3樓的泰苑~ 自己好耐以前來過一次~~

我們胃口不大, 3個人都是叫了3碟餸~~ 先來的就是泰式粉絲雜菜煲~ 幾多粉絲, 仲有不少露荀, 加了一點點香料, 味道不錯~~

鯉魚門半天遊~

上文提到我們3人行去了鯉魚門,  先看了賽馬會鯉魚門創意館, 之後就繼續行程~~

這片海岸應該好多人都來過, 遠處那舊大石是鯉魚門的標記之一~~自己看相就見過, 親身來就是第一次~~ 對岸就是西灣河了~~

另一大石上有2個伯伯在釣魚~~

相信鯉魚門的發展都改變不少, 幾十年前多了工廠、碼頭, 依家連樓盤、公屋都有了~~

但鏡頭一轉, 這邊仍然很有漁村的感覺~~ 有點像大澳或南丫島, 仍有高腳屋~~

賽馬會鯉魚門創意館~

其實香港好多地方真係未去過, 鯉魚門就是其中之一. 趁復活節有幾日假期, 第一日就同奶奶3人行去行吓~~ 其實老公同奶奶都去過, 係我一次都冇~~

鯉魚門係漁村同出名食海鮮個個都知, 但原來這裡開了一間藝術館, 真係來到才知~ 就是賽馬會鯉魚門創意館~~

行過才發現這個地方~~ 後來在網上看資料, 原來是賽馬會捐款, 活化原本空置的前鯉魚門海濱學校, 2011年12月18日開幕~~ 竟然是自己結婚當日開幕架~~

它的對面就可以看到海同一些村屋~~ 這個位置附近還有一些玩"跳飛機"的格仔, 不過冇影低, 但很有童年的情懷~~

門口隔離有個小花園~~ 有幾個卡通藝術品, 幾得意~~

仲有一朵好大的木棉花, 一個很特別的展品~~ 不過附近反而冇真的木棉樹~~

BBQ@大美督 + 馬屎洲之行~~

三月尾仍是春天的天氣, 不算好熱, BBQ、 行山等都係好活動, 於是今次一於2樣嘢都做~~

我們選了去大美督, 因為那裡好多燒烤爐, 仲有早啲出發去霸位, 於是11點幾去到都仲有好多位~~ 去到1、2點就全部滿哂~~

用了一點時間起爐, 有火之後就用錫紙包住粟米、蕃薯同魚, 擺入爐中~~ 我們的火不算好大, 但燒到食物就得啦~~

今次我們一行3人, 人少少, 於是預備食物的工作落在奶奶身上~ 全部肉類同蔬菜都是她預先處理, 全部都好好食, 謝謝奶奶~~

好味的焗魚, 不過好多骨仔, 要慢慢食~~

一邊BBQ, 一邊可以欣賞燒烤場附近的景色~~ 這日沒有藍天, 不算好曬, 戴帽都遮到太陽~~ 一片悠閒的海岸景致~~

不少船仔上都有白鷺, 不過牠們企得好遠, 只影到牠們白色的輪廓~~

之後我們搭一程巴士, 由大美督去三門仔~ 由三門仔經鹽田仔行入去, 就是馬屎洲~~ 由巴士站行入去已經用了15分鐘, 所以平時其實好多人都直接由大埔墟坐巴士 (74K) 或小巴 (20K) 入三門仔, 就可以慳點腳骨力~~ 由大埔墟去大美督就可以搭75K或275R (星期日或假期才有), 或者20C小巴~~

自己行入三門仔都唔係唔好~~ 可以看到這片淺灘~~

又見到這些形狀特別的花花~~ 紅色一條條好搶眼~~

見到三門仔了~~ 我同99都是第一次來, 老公以前來過~~

老公生日飯@沙嗲軒~

老公生日的正日要返工, 所以晚餐就去了黃金海岸酒店的沙嗲軒~ 自己係第一次去食, 知道北角那間最有名, 不知分店又好唔好食?~

我們食力不高, 加上又有蛋糕在家等緊, 於是都係吃一些"大路"的食物~~ 先來半打沙嗲, 豬、雞、牛各有2串~~ 個人覺得肉有肉味, 試過去好多地方食飯, 燒完都可以冇味架...沙嗲醬同以前在新加坡食的好相似, 幾惹味易入口, 如果俾多啲醬就更好食~~ 百多元一份真係好味過普通食店的出品~~