第四次產檢 (17w)~

又是去見私家醫生的時候 (這時為7月初)~ 今次約了11點半, 之後同朋友有聚會, 去酒樓飲茶, 希望唔會等得太耐啦~

量了血壓同體重, 仲有驗小便, 應該正常掛, 比之前重了0.5kg, 雖然不算好多, 不過有重到都開心, 因為上一次磅重係輕咗架~

未輪到自己, 就落去周圍行吓~ 雖然一陣去飲茶, 不過依家唔食啲嘢驚太肚餓, 既然有免費禮劵, 於是去了Starbucks吃了份蘋果批~ 老公就叫了一杯花果味奶茶~ 個人覺得蘋果批味道唔錯, 如果可以再叮熱啲就好啦~~ 至於杯茶, 個人都覺得唔錯 (偷喝了一點~~), 不過老公就話麻麻哋~

晚飯@鼎泰豐~

之前老公有興趣聽一個關於如何處理失眠的講座, 於是就陪他一齊聽~ 內容都不錯, 講者都講得幾生動, 不過大部份都是一些我們聽過或看過的知識, 例如想睡得好, 臨睡前唔好玩電話、電腦, 早些調節房內的燈光成較暗的環境、多吃幫助睡眠的食物或飲品 (例如香蕉、果仁、牛奶、洋甘菊茶), 做一些放鬆身心的運動 (例如瑜伽), 或者學習一些放鬆自己的方法 (例如腹式呼吸、肌肉放鬆法), 所以當係溫書啦~~

聽完之後, 就在附近找餐廳~ 知道美麗華商場的鼎泰豐開業不久, 上去看看, 果然唔駛等位, 於是就試吓~ 以前行過新港中心想食, 試過2次都好多人等位而放棄, 依家開多間分店係好事~

印象中, 幾年前在台北食過鼎泰豐時, 好似冇呢張教人如何食小籠包的指引 (定係我記錯呢?), 一見到覺得幾有趣~

參觀H.A.N.D.S滋味市集~

很難得附近有特色市集~ 因為很多時特色市集或手工市集都是市區才有, 總是抽不到時間或提不起勁特地去湊熱鬧~ 這次終於有藉口叫老公一齊行一轉~~

這個市集由7月19日開始至8月9日, 逢星期六、日下午1時至6時, 在HANDS商場和街市都有不同的活動及攤位, 細節就要參考大會的網頁或apps了~

第一次去健康院 (13w)~

近來都是不停記低關於bb的事, 始終第一次, 甚麼都覺得新鮮, 希望唔會悶親大家啦~ 另外自己屋企人都比較傳統, 有了bb之後, 什麼外遊、行遠啲都話唔好, 看來都要等到秋天冇咁熱的時候, 先可以近近哋去郊野啦~

說回檢查, 暫時都係講到呢度, 看來我的blog要繼續努力追上~

去健康院可算享受納稅人福利的時候~ 雖然人人都話健康院的產檢又冇得照超聲波, 又冇咩特別服務, 不過個人覺得多一些醫護人員了解BB的健康, 以及之後去公院生產時, 醫生、護士都可以根據健康院的記錄知道自己同BB的情況, 所以決定去啦~

第一次聽BB講座~

對於準媽媽來說, 其中一個熱門活動就是聽育兒或與BB有關的講座, 又可以學多些知識, 又可以拎贈品~~ 自己都申請了一些媽媽會的會藉, 不過原來要抽中參加某些講座都幾難, 有些人在網上說幾次都抽不中, 自己都抽了一兩次都唔中~ 有日見到報紙登了這個廣告, 於是試吓報名, 又得咗喎~

這個講座除了講關於產檢, 又有講常見婦女癌症, 以及孩子過敏的問題, 個人都覺得幾個題目都值得聽吓~ 以為好多人, 點知坐滿哂都係7成人左右, 不算好迫~

第三次產檢 (13w)~

又是去私家醫生檢查的時候~ 這日約了10點半, 醫生又係未返, 於是落街行了一圈~ 老公吃了一個吉野家早餐, 我吃了少少漢堡扒, 炒蛋同腸仔, 味道都可以, 不過個人不太喜歡吃茄汁豆, 偏偏成個碟都係~

吃完再周圍行吓, 萬x, 屈x氏都已經好多大陸人~ 到了11點半, 終於就嚟輪到自己, 趕快上去啦~ 今次等了一個鐘已經算快了~

照OSCAR (早孕期唐氏綜合症篩查) (11w)

(其實自己已經懷孕4個月啦 (有18w), 依家啲孕記仲係追緊上嚟, 希望自己得閒就寫多啲啦~~)

懷孕每個階段都像 “過關”般, 第一關當然就是頭3個月, 而其中一個最重要測試之一就是去做 “早孕期唐氏綜合症篩查” (OSCAR)~ 既然公立醫院有得做, 當然去享用一下納稅人福利~

BB第一份禮品包~

之前上網找資料時, 見到 “寰宇家庭” (World Family) 有得申請免費的甜心寶寶禮品包~ 於是就試吓申請, 又寄了信來有得去攞喎~ 於是剛開始換領期就去拎啦~~

信入面除了領物信之外, 就有這本小冊子~

蝴蝶酥與曲奇餅@Conte de cookie~

除了上次試吃的tomakukki 喫茶店, 灣仔仲有另一間叫Conte de cookie的餅店 (它有另一間分店在尖沙咀), 標榜所有用料都是天然或高級材料, 於是為食的我這次就自己買了回來食~~

店子很小, 去到時店內又冇其他人, 所以店員一見到我就介紹了~ 試吃了一輪, 決定買店員推介的 “幸福樂章”曲奇禮盒 (佢話最多人買, 而且不是最貴的一盒), 加一盒杏仁味蝴蝶酥~ 2盒盛惠240蚊~

紙袋設計簡潔~~

兩盒 “戰利品”~ ~~ 散買的蝴蝶酥是用紙盒, 而曲奇禮盒上面有旋轉木馬, 感覺幾華麗~ 挺喜歡這個鐵盒的設計~

第二次產檢 (10w)~

第二次去看黃醫生, 這次約了最早的時間 (10點), 不過醫生要接生, 11點幾才回來, 所以又等了一個多小時才見面~

老公有點肚餓 (自己反而不是~) 於是去了朗豪坊, 就去試吓81 Ban Japanese Deli的早餐~ 30蚊一份包飲品不貴呀~~ (突然變了寫食評~~)

落單之後, 找了位子, 留意住閃燈裝置, 一閃燈就代表可以去拿餐了~~

第一次產檢 (7w)~

最少都要11w才會去醫院產檢, 於是當然要找個私家醫生看看BB是否一切OK~ 在網上找了一輪, 於是約了旺角的黃醫生, 因為等2個星期就有得睇, 問了幾個熱門醫生, 都要等最少一個月才收新症~

選了星期六, 預咗多人, 點知真係好多人……11點幾去到, 等到1點幾先有得睇…中途唯有落街周圍行, 因為醫務所多人到連位都冇得坐…

晚飯@紅螞蟻~

好多時我們都是星期五出街食晚餐, 因為通常比較得閒, 於是這日我們又要覓食啦~

今次決定試吓呢間  “紅螞蟻”~ 我們早了一點, 不太多人, 有卡位坐~ 到我們走的時候, 已經要等位啦~

睇了成本menu, 看來都是set dinner比較抵食, 於是每人叫一個, 再用$25加多一份朱古力心太軟~

先來的是餐湯同餐包~ 用來搽麵包的醬是綠色的, 酸酸的, 味道挺好味, 可惜小碗中只得很少, 我們兩個人只分到一點點, 如果多啲就好了~ 麵包不是普通餐包, 所以硬一點, 但個人覺得好食的~ 餐湯是忌廉蘑菇湯, 味道也不錯, 忌廉味幾濃, 飲完都飽飽哋~

意想不到的懷孕~

不成文的習俗, 有了BB最少3個月才可以公佈喜訊, 所以都等了一段時間, 才可以同各位blog友報喜~~ 個人覺得寫懷孕blog唔知有冇寫其他話題咁有恆心, 因為文字多過圖, 而且老公總係覺得孕婦接觸電腦、電子產品冇咁好, 但係見到其他blogger的囝囡都好健康呀, 唔係日日打應該ok吧~~