參加玻璃盆景班@Object Design~

之前同朋友仔在groupon見到團購, 2百幾蚊2個人一齊去整玻璃盆景, 於是就一齊去報名玩吓~

成品看來都不錯呀~~~

晚飯@醉上海~

通常吃上海菜都是幫襯連鎖店或較出名的食店, 有日行過見到一間未食過的小店, 就試吓它的水準如何啦~

小籠包: 不過不失, 雖然肉味都不錯, 但皮都係厚了一點~ 都係x翠或x泰豐比較好味~

檸檬杯子蛋糕~

為了健康著想, 近來都是少吃了零食, 但有時真係好想食吓餅乾、蛋糕嘛, 不如都係自製, 就會少啲機會食到添加物了~ 剛巧屋企買了檸檬, 不如就參考一下他人的食譜 (網頁都在下面), 整吓檸檬小蛋糕~

好似影到好大個, 其實是迷你小蛋糕來的~~

參觀機場核心計劃展覽中心+海美灣~

為何突然想去這個地方? 因為借了親友的車, 想揀個近近哋看風景、又有車位的地方~ 另外, 自己在公路上見過這個地方好多次, 有興趣知道這個小小的展覽館有什麼看, 於是出發啦~

外表看來不太舊, 但原來它的原址是私人住宅, 建於60多年前, 本來叫「白樓」, 之後政府收購它作為宿舍, 後來評為三級歷史建築, 依家就是展覽館了~

不過, 最初諗住冇咩人的地方, 都泊滿了車, 因為原來附近有個小海灘, 有些人架車來游水、玩水, 於是小小的停車場不夠位……幸好我們等了一會就有架車離開, 就可以泊個正當車位, 唔係就要 “非法”泊車了~

這裡位於青山公路~ 這條沿海公路經過多次改建, 和以前已經面目全非~ 好耐以前它真係幾乎貼住海岸, 依家已經有所不同~

由正門行入去~~

這裡主要介紹政府在近20年的大型建設, 包括青馬大橋、機場、3號幹線等等, 統稱10大基建~ 由於有些工程早已完成, 於是這裡的展品同介紹都已經有點歷史, 看來有點舊, 不過重溫一下香港各個重要建設的過程都不錯的~ 而且這裡方圓幾里, 有冷氣又免費參觀的地方就係得呢度, 所以大熱天時入來休息一下都好架…

青馬大橋的模型~ 展覽館入面仲有其他模型, 例如機場一號大樓~

地下和一樓 (天台), 都有觀景台同幾部望遠鏡, 可以看看青馬大橋及周圍的風景~

天氣好, 看風景真係特別靚~ 雖然其實已經看過N次, 不過都係唔厭架~

晚飯@OVOCAFE~

懷孕時期, 老公覺得出街食都盡量選一些標榜健康或清淡的食店 (其實最後都係想食咩就食咩:P)~ 我自己都係想揀些特別、而且好食的店舖, 不過其實這2個方向都唔會有衝突的, 因為健康的食物都可以好食又特別架~ 今次就有機會試吓這間西式素食café~

去到覺得裝修好有心思, 周圍都是植物~ 而且café隔離就是一間花店, 挺有園藝的氣息~ 不過晚餐的選擇不多, 於是我選了一份all day breakfast, 老公就叫了一碟意粉~ 可惜我倆都不好咖啡, 聽講這裡的咖啡沖得不錯, 但冇機會試啦~

老公叫的闊條麵 (全名是: 黑水欖蕃茄乾松子仁香草闊條麵), 賣相都不錯, 而且味道亦唔錯, 有各種蔬菜味道, 還有松子仁, 添上不同的口感~ 可是份量真係唔多, 幸好這日老公吃了個很飽的午餐, 不然他一定抱怨份量不足~

近來的零食~

懷孕階段, 個個都說要小心飲食~ 自言薯片汽水朱古力都盡量唔食, M記、KFC都幾乎唔去, 但係總是有 “口淡淡” 、好想吃零食的時候, 於是唯有盡量小心去揀一些看來比較健康的零食~

自言不是營養師, 對營養標籤也不是很在行, 所以唔一定揀得啱, 大家都要自己衡量是否可以食呀~~

在M&S就見到這種餅乾 (17蚊有12塊)~ 最初以為似梳打餅, 原來食落似酥餅, 不過薄啲又脆啲~ 就咁食有少少鹹味, 如果覺得味道較單一, 可以在上面擺健康的配料一齊食 (例如水果片), 自己就試過搽果醬食, 老公就試過擺芝士~ 不過好多牌子的片裝芝士都有防腐劑, 要小心選擇~~

這是營養標籤, 大家可以自行研究一下~ 看來除了鹽分高了一點, 其他似乎都可以啦~

參觀荷花BB展~

對於各媽媽來說, 每年2次的荷花BB展是不可錯過的盛事, 因為可以幫BB或小朋友買嘢, 或者去拎免費贈品~ 自己未去過, 當然想去湊吓熱鬧~ 幸好老公都可以放假一齊去~

參考了網上資料和很多媽媽/準媽媽blog, 自己很努力找免費門票, 見到FB、網頁、雜誌、報紙有什麼抽獎都試吓, 很幸運在明報happypama抽中了4張, 在司各脫FB遊戲抽到2張票, 再加上參加美贊臣講座的2張票, 總共有8張~ 我們結果去了2日, 吃飯時間就行出去食嘢休息一下, 之後再入場, 就幾乎用盡了這些免費票啦~

出發之前參考了網上他人的經驗, 整個人資料label, 預備貼入優惠劵書仔內 (例如姓名、性別、電話、email、地址、預產期、醫院、身分證頭4/5個字等)~ 大約整50個已經好足夠, 因為唔係間間公司/機構都要好多資料, 有些需要的資料不多, 寧願用手再填, 可以減少個人資料外流, 不過想快, 貼label係快過手填~ 另外有些劵要個人簽名或填一些label沒有的資料, 要留心, 所以點都要帶多一支筆架~

產前講座 (U周刊 x Watson’s)

(因為之前去了幾個講座, 為了清一清吓記錄, 一次過出了幾篇blog, 都是同講座有關~~)

有日看剛買回來的雜誌, 發現了這個免費講座~ 雖然地點真係幾遠, 不過都試吓去聽啦~~

產前講座 (美贊臣)

美贊臣的講座比較特別, 如果去它的網頁, 似乎找不到什麼資料, 但原來它的講座很多都是「健康創富」(Health Plus) 協辦, 於是就要去HP的網頁才成功報名~

產前講座 (美素佳兒)

終於參加到其中一個 “大型”講座~ 很多blogger媽媽都話唔可以錯過幾大奶粉商的講座, 因為禮物不錯, 招待也很好, 通常都在酒店舉行~~ 不過真係幾難報, 暫時雅培抽了幾次都唔中~ 惠氏、雀巢又成日錯過咗, 爆哂冇位~~ 唯有美素佳兒, 一喺網頁登記想參加下次講座, 就有sms來話可以報名, 即刻打去留位, 就成功咗~

不過今次又遲到, 去到第一個題目又講咗一大半……係關於 “懷孕期媽媽及寶寶十大營養須知”~ 不過都記得有講媽媽適宜/不適宜吃什麼, 另外當然就係講吓美素佳兒的媽媽奶粉同BB奶粉有什麼好處啦~ 即場訂媽媽奶粉仲可以得到一部胎心機或者一次照顧BB的實習課堂, 不過因為自己試過飲另一些媽媽奶粉的試用裝之後, 總是肚子不適, 所以唔敢訂一罐呀……其實想要胎心機, 不過老公話摸多啲BB有冇踢自己都得啦, 都係嘅……

產前講座 (BB Care)

趁住近來肚子不算好大, 亦算有精神, 於是見到不同講座都報名, 希望抽中參加就可以盡早去聽, 不用之後頂住肚子去聽太辛苦~ 其實醫院的講座自己都有聽架, 不過因為機構舉行的講座都有少少相 (例如禮物~), 就講多啲啲啦~

這個是第二次抽中的講座, 又係去觀塘, 其實交通都要幾多時間, 不過既然有免費講座同禮物, 辛苦少少都去體驗吓~

照結構 (21w)

做過OSCAR,下一關就是所謂的 “照結構”~~ 睇番醫生張轉介紙, 全名叫 “高解像胎兒結構超聲波素描”, 簡單說就係用超聲波仔細檢驗BB身體各部份, 以確保BB成長進展正常及跟隨發展水平~

唔知什麼原因, 自己睇開的黃醫生係冇呢個服務, 於是轉介去看另一位羅醫生~ 約了早上9:30, 一入到去已經有幾個人等緊, 仲多人過自己睇開那位, 而且其實醫務所正式係10點先開, 大家都係唔想等太耐先早啲去……不過這日我係 “打尖” 嗰個, 因為我要照結構, 醫生第一個就見我先……好彩, 唔係真係唔知要等幾耐先有得睇……

第二次去健康院 (18w)

隔了幾乎6個星期, 終於再去健康院覆診~ 今次比上次簡單, 等了一會, 就去磅重、驗小便、仲有量血壓~ 最唔方便就是量小便, 早上就要擺個樽喺手提袋度直到下午, 總是怕樽口不夠緊, 漏了出來就很麻煩……不過為了測量健康就冇辦法啦……

晚飯@點心瑪莉~

很難得又有一間新食店開在屋企附近, 於是趁有機會去試吓~

原來找了吳若希當代言人~~ 這本menu設計得挺美的~

這裡是不收茶錢, 不過要另外點飲品, 因為一杯水或茶都要6蚊, 反而叫一壺茶就15蚊, 可以2個人分的~ 我不太想喝茶, 因為只有鐵觀音、普洱或玫瑰花茶揀, 所以都係叫了一杯水同一杯茶, 但唔知係咪侍應miss咗, 遲遲都冇杯水飲吓, 要我們再同他們說一次才有……

都係說回食物啦~ 這份是「真係冬菇包」, 真係整到2舊冬菇咁, 是近來新興的造型點心之一, 菇菇的啡色其實是用可可粉整的~ 入面是冬菇餡, 不算好鹹, 味道尚可, 起碼好食過之前在X泰豐吃過的香菇包~ 不過如果份量再大一點就好了~ 一籠要18蚊架~

產前講座 (Baby Planner)

第一次抽中了參加講座~~ 這個講座是由Baby Planner和Weleda舉辦的 “有機BB皮膚護理” 講座~ 一放工就去尖沙咀會合老公, 吃過晚飯 (就係去一風堂), 去了觀塘聽講座~ 遲了少少, 去到已經開始咗, 而且幾乎滿座, 好彩都仲有位~

一聽講座就會見到的bb公仔~ 這次有得玩吓~

第二個孕婦講座~

在網上找了點資料, 除了媽媽會之外, 很多親子雜誌 / 網站都有孕婦或BB講座, 今次就報名參加 “Babynews親子雜誌”的講座, 關於如何餵哺母乳及BB出世所需要打的疫苗~

因為在平日晚上, 所以放工趕去尖沙咀, 吃了個大X樂晚飯, 都係遲了少少先上到去~ 這次就比上次的講座多好多人, 幾乎坐滿~~

晚飯@一風堂~

這日行過尖沙咀, 於是決定去食拉麵, 近近哋就去一風堂食~

剛好見到海港城門口的Wally展覽~ 我細個都有睇過佢本書, 喺大圖幾百個小人之中找到他或者其他角色都幾有趣, 不過當日趕住食飯, 於是冇仔細睇, 匆匆行過~

它在香港開了一段日子, 終於有機會試吓~ 自問不是拉麵迷, 不過得閒食吓覺得唔錯~~

原來近來有這個蒙面超人推廣, 其中一款食物就是龍蝦豚骨拉麵~ 老公叫了一份~ 自己就要普通的豬骨湯拉麵 (即是白丸元味)~

晚飯@School Food~

以前想吃較有特色的食物, 總是要去市區或鄰近的區域去食, 但自從區內的商場繼續發展, 愈來愈多不同的連鎖食店進駐~ 今次就去試吓開業不久的School Food~

雖然係平日, 6:15去到都已經有人等位, 既然老公未到, 於是拎張票周圍行吓等吓, 到佢半個小時來到之後剛好有位~ 這日等半個鐘已經算快, 網上有人話要等成個鐘架~

唔知新派韓式菜即係食咩呢? 原來這間有點韓西feel, 例如部份菜式是韓式食物用西式煮法, 不過亦有其他韓式食物的~ 另外裝修走型格路線, 亦不停播住K-pop同MV~~

進補懷孕知識~

我在朋友或親戚間不算最早有孕, 於是其中一個好處就係接收不同的二手物品, 例如有關懷孕、照顧bb的書籍~ 最初都諗緊需唔需要買書, 後來不知不覺已經收到十幾本書, 而且去圖書館都可以借到不少有關書本, 所以可以省錢啦~ 亦要謝謝所有送書給我們的親戚、朋友和同事~~

暫時看了以下幾本, 仲有好幾本等緊我~~

這本是醫生送的贈品, 這個媽媽會的會員都會收到這本書, 同事之前又送了一本舊版的給我~ 個人覺得內容簡單但有談到懷孕各個重要事項, 例如BB的發展里程、日常生活注意事項等, 而且圖畫都幾精美, 唔錯架~

這本由42位婦產科醫生分別撰寫不同與懷孕有關的知識, 我看的黃醫生都寫了其中一篇~ 都係由懷孕前寫到生產後, 每個題目2至3頁, 深入淺出, 都不錯~