韓國遊: 首爾行~

去韓國通常都要去一去首爾~ 很多人為了購物, 另外都有不少值得看的景點~~ 這次跟團就去了以下的地方:

去了"泡菜學校", 美其名可以學整泡菜, 其實都係做生意, 很多團友玩完都買了不少, 自己不是太喜歡吃所以沒有買...不過第一次試整都幾有趣, 其實都係將泡菜醬塗在菜上, 打個"結"就完成~~

上面的是青瓦臺舍廊房, 即是南韓的總統府~~~ 不過那裡只可以遠觀而不可以入內參觀~ 附近有尊鳳凰像都是重點~~ 如果想了解更多關於南韓的景點、民生風俗, 就可以去附近的資料館, 裡面亦有總統府的介紹, 例如有模擬總統辦公室, 還可以扮同總統伉儷影相~~ 免費景點, 值得參觀的~~

上一次去韓國就去了景福宮, 這次去了德壽宮~~ 內裡韓式宮殿又有, 西式宮殿又有, 有少少似圓明園, 不過圓明園當然大好多~~ 正如之前介紹, 入面的花草樹木都是參觀要點之一~~ 不過其中一個西式宮殿正在修理, 希望第時有機會可以入去看看~~

現在首爾有幾個不同的show, 我們就看了Nanta~~ 雖然不是最新, 不過始終第一次看, 都覺得幾新鮮, 可以用煮食同蔬菜作敲擊樂, 又有好多搞笑情節或互動部份, 是一個很有心思的show~~ 不過做了十多年, 唔知下次去首爾還有沒有機會看, 定係可能有新版呢?~~

購物點主要就去了3個, 其中一個是仁寺洞~~ 上次冇去, 這次去就覺得, 下一次一定再去, 因為很多很多特式店舖~~ 例如上圖的"人人"商場, 設計特別, 入面的店很多不同設計, 例如自家製的環保袋、飾物、頭飾、衣服、化妝品、食物等等, 還有一些裝飾藝術, 難怪入面人山人海, 名副其實"人人"商場~~ 行半日都ok~~

另外就去了仁寺洞內的"雪綠茶"Cafe (O' Solluc Tea House)~ 都是上網找資料都知道這裡有它的茶室~~ 去濟洲的時候沒有機會去它的博物館, 但就有機會去吃個甜點~~ 就食了出名的綠茶雪糕及綠茶tiramisu~~~ 雖然貴少少, 但真係好好味, 尤其是那個綠荼雪糕, 難怪很多台灣人都去食~~~有興趣知多d, 例如可以看看這個blog, 介紹得很仔細~~

1樓是cafe, 地下就是茶葉showroom~~ 剛好有試飲, 一個職員作炒茶葉示範, 另一個就分綠茶~~ 個人覺得好飲~~~ 不過暫時未有即場買~~~

另一個就是明洞~~~ 買化妝品的熱點之一~~ 原來近來幾乎所有韓國化妝品牌都在附近的樂天百貨(Lotte Duty Free)10樓的免稅區開了舖, 即係只要上去Lotte的10樓, 就可以用免稅價買雪花秀、innisfree、etude house等等熱門品牌的出品~~~ 難怪明洞街上的化妝品店很多都冇遊客, 因為去Lotte買平多啲~ 不過Lotte比較多人, sales都有心機介紹, 不過送的sample可能比地舖少啲~~

但當然明洞街都有不少值得看的店舖, 例如不同衣服品牌, 就算入去H&M, 啲款式都同香港的不同~~~ 還有Olive Young(類似"萬寧")都值得行~~ 另外Lotte的地庫有超級市場, 未必有齊好多零食款式亦未必減好多, 不過都好多不同的食物、飲品, 而自己也在這裡的雪綠茶專櫃買了茶包~~~

還去了東大門, 不過是晚上去加上落雨 (同埋掛住行街), 所以冇相~~ 那裡真係好多好多衫舖, 而且很多價錢實惠~~~ 例如有Migliore, 那裡真係有好多便宜衫, 自己都是在那裡買, 很多都是10000won一件~~還有Doota, Hello apM, Designer's City等商場, 真係可以行一日~~~

仲有去韓式汗蒸幕~~ 又係冇相, 不過如果有睇韓劇應該知道是什麼地方, 是一個類似浴場的地方~~ 第一次在地下擺蓆睡覺真係幾特別~ 入面又有泳池、浴場、桑拿浴等, 是很多韓國人relax的地方~~

下一篇再講多啲食物同手信~~~