聖誕餐(2)@法國雪山咖啡~~

吃了中式聖誕大餐, 都想食一個西式大餐~~ 於是選了這間: 法國雪山咖啡 (Le Cafe Du Mont Blanc)~~ 是吃法國菜的餐廳, 曾經有同事食過之後大力推介, 網上的評價大部份都不錯, 所以就想來試試~~ 來到會見到這裡是用"白朗峰"做主題的小餐廳, 由於座位不多, 最好訂位先~~

同聖誕樹影張相先~~ 證明去食聖誕餐~~~




這裡是點主菜再加錢就有湯、飲品同甜品 (部份甜品/飲品另外收費), 當然要試試不同的製作, 於是就要了一個set~

先喝湯同食餐包~~ 我們都點了洋蔥湯, 附上芝士碎可以隨意加入湯內, 除了湯面油份較多之外, 味道是很不錯的~~ 原來洋蔥整湯都可以幾好味~~

老公叫了一個羊架, 自己都試了一點, 肉很"淋"很滑, 自己不怕羊味, 所以覺得好好食~~ 再點上芥末汁, 又有另一種味道, 當然比起以前食過的更好啦~~

自己就點了鵝肝+牛排~~ 鵝肝煎到外皮香脆, 肝肉仍很滑溜, 以前吃過的一用叉"吉"就散開, 這個切開定"吉"起都唔會散, 味道當然好好~~ 牛排也是很有水準, 雖然很厚, 但一點也不"鞋", 很容易入口, 又是比以前吃過的都好好多, 真係一分錢一分貨~~

加了錢點蘋果酒~~ 這個牌子之前勁賣廣告, 想試好耐~~ 其實酒精含量不高, 而代理商是嘉士伯, 難怪都有個印有牌子的杯, 好似其他啤油牌子咁~~ 酒味同蘋果味都是淡淡的, 出奇地好夾~~ 老公點了餐廳自家製的咖啡, 又試了一口, 很香濃的咖啡味道, 唔落牛奶同糖都好味, good~~

甜品時間~~ 我們先食出名的"白朗峯", 味道淡淡, 但輕飄飄, 比吃棉花糖感覺更輕, 如果唔鍾意太甜, 又想試一些口感特別的食物, 這個甜點值得一試~~

之後食"反轉蘋果批", 我想有這個名是因為批皮在下面, 蘋果肉在上面, 平時的都是批皮在上、蘋果在下 (入面)~~ 味道都不錯, 比起麥記的是另一個style (個人覺得M記的蘋果批是好好食的~), 如果大件啲仲開心~~

很滿足的一餐, 是間值得推介的餐廳 (不過就不能太介意它們較小的地方/座位, 還有他們的服務)~~ 好開心可以同老公一齊分享, 不過為吃美食"破了財", 要再好好儲錢先再豪食~~~

餐廳介紹: http://www.openrice.com/restaurant/sr2.htm?shopid=36243