萬宜水庫遊~

8月的星期五, 我同老公都拿了一天假, 因為晚上有個特別活動, 不過出席之前, 老公想在附近行行, 於是我們就坐車入了西貢北潭涌~ 於西貢碼頭巴士總站坐94號巴士於中途下車就OK (因為總站是黃石碼頭), 不過94號巴士係半個小時一班 (大約30分及00分一班), 所以真係要望望時間表~~ 又或者可以去小巴總站坐9號綠色小巴, 於中途下車都得 (因為總站是麥理浩夫人渡假村), 不過都係15-30分鐘一班, 都係要去望望時間表架~~

由北潭涌行入去, 未到萬宜水庫入口之前, 有2條郊遊徑, 一條是北澤涌自然教育徑, 不過今次我們行了另一條: 上窰家樂徑~

一行入去就有一條橋, 有條小河~ 如果有影過M字牌prewedding的朋友, 這裡就是其中一個取景之處~~ 我們當時都是在這裡影相架~~ 當時是著住婚紗行入嚟架, 已經係2年前的事了~~

沿住小路行入去先~~

行了大約15分鐘, 就會見到這座建築物: 上窰民俗文物館~~ 以前是在教育電視上看過, 估唔到今次真係有時間來看看~~

入去就有介紹牌~~ 這裡以前是一家人居住及工作的地方, 由於有歷史價值, 所以就保留成為文物館~~

可惜當日文物館在維修當中, 不能入去逐間房參觀~~ 管理員話要9月尾才修理好, 如果想去都係等秋冬更好~~

雖然唔入得, 不過在屋外面都大約見到不同的展品, 例如這些農耕用的工具~~

文物館的出面還有一間破屋, 不太明白為何不維修這間呢? 還是想保持原本的樣子?~~

文物館的右手邊有條小路, 一出去就是一個舊的渡頭, 相信是以前大屋的一家人用的~~ 以前曾經見過F牌的prewedding有這個景點作選擇架~

其實這裡的對面就是保良局北潭涌渡假村~ 以前去過渡假村都唔知河的對面有這麼多景物~~

黃昏的景色挺漂亮呀~~ 夕陽映在水中~~

看完渡頭之後, 因為時間關係, 我們沿路行返出去, 中途再看多次這個舊石灰窰, 就是以前居民工作的地方~~

趕路的時候, 都不忘影低可愛的花花~~

這條就是路線了~~ 如果夠時間的話, 其實可以在文物館繼續行入去, 是另一條去萬宜水庫的路線來的~~

如果大家想知道更多關於文物館的資料, 可以看看康文署的網頁: http://www.heritagemuseum.gov.hk/chi/museums/sheungyiufolk.aspx

我們出番去大路 (大網仔路), 去到分叉路轉右繼續行, 就是麥理浩徑的起點, 亦是去萬宜水庫的入口~~

首先要行斜路上山~~ 老公行山經驗不少, 行得快, 我就辛苦啲, 不過要去到目的地就要撐下去~~

雖然有d辛苦, 不過開始看到水塘的風景, 感覺稍為好一點~~

遠處就是出名的東壩~~ 不過今次我們冇行去, 第一目的地不是那裡, 第二就係真係好遠, 唔坐的士行入去要半日架~~

行了好一段路, 去到元五墳觀景台~~ 景色不錯哩~~

晚霞都出來了~~ 即係要快啲趕路~~

不過難得來到, 都係忍唔住影多幾張相~~ 其實當日都有不少的士同踩單車的人士經過, 比想像中多人哩~~

再行了一段路, 因為要去目的地, 所以行了分叉路落山~~

大家知道目的地是什麼呢?~~

行到入去, 剛好天黑了, 真係好彩, 因為其實由麥理浩徑入口開始, 整段路都沒有任何街燈, 雖然我們有電筒, 不過費事用哂啲電啦~~ 行了10公里有多哩, 上一次行多過10公里是去大棠看紅葉那次, 還有"盲俠行"那次了~~

究竟去這裡做什麼呢? 下回分解~~