就是這個士多啤梨拿破崙 ^^~
其實都係參考了其他blog友的食譜 (連結在最後)~
首先用一塊急凍酥皮切成長方條 (我就切了8塊), 之後在酥皮上用叉"吉"一些小孔, 然後放入焗爐焗熟, 就係酥皮層~ 如果想講究啲, 當然可以參考下面的食譜自製酥皮, 如果想再懶啲, 又可以好似blog友咁自己買即食酥皮, 焗都唔駛就可以整~
同時間用吉士粉 (Custard powder) 加牛奶開成吉士醬~~ 食譜的份量通常係1:3或3.5, 即係100g的吉士粉配300-350ml的牛奶~ 不過我照呢個份量卻整得有點辛苦, 攬了一輪d粉先溶哂, 同埋隻醬有d杰身, 可能應該唔好一次過落哂啲粉, 如果落到咁上下都用哂啲牛奶, 就唔駛落咁多, 啲醬就可以再滑啲~~
之後將士多啤梨切頂, 再切一半, 然後一塊酥皮在底, 一層吉士醬+一層士多啤梨之後, 落少少吉士醬, 黏全上一層的酥皮, 如是者再砌就完成了~~ 想再甜啲, 就可以灑糖粉或糖霜在頂~~~
好貪心地砌了4層, 配埋張生日咭就大功告成~~ 當正呢個係"生日蛋糕" ^^~
個人覺得呢張立體生日咭好靚~~ 好平的, 因為在Aeon$12店買的~ 近來那裡都有好多可愛的生日或節日佈置物品, 大家都可以留意~~
幾日之後, 用藍莓再整多次~~ 一樣好好味~~ 其實用好多不同水果都得, 例如很多blog友們就是用芒果~~ 總之該種水果是不易出水的就用得~~
砌2層又得~~~ 不過下次d酥皮要再焗靚d, 吉士醬要再滑d~~~
後來成家人一齊慶祝, 又買多個生日蛋糕~~ 這個迷你Tiramisu是大班的出品, 芝士味道不錯, 不會太甜, 而且是海綿蛋糕底, 容易切~~ 如果大家有買大班的團購, 都可以換一個來試吓~ 當日買仲見到有其他口味, 例如栗子蛋糕、藍莓芝士蛋糕、紐約芝士蛋糕等~ 成日食美x、東x堂的產品, 這次轉牌子都覺得唔錯~~
大家可以參考各網站或blog友的食譜呀:
沒有留言:
張貼留言