近來入手~

自己對穿衣不太講究, 除非有什麼重要場合~~ 所以買衫最緊要平、靚、正~~

大家都很喜歡網上訂衫, 不過自己就有點麻煩, 因為屋企冇人收貨 (亦都冇屋企人願意收貨), 公司地址又唔方便, 它們通常都係平日出貨, 一係就要自己去順豐攞, 浪費了免費或收費的運貨服務......試過幾次, 都係要等有免運費的減價才考慮是否購買~~ 淘寶嘛, 自己唔係好識整, 又唔知點集運, 又擔心質素, 雖然有同事識, 不過又唔想麻煩人家哩~~ 結果唯有幫襯一些"大路"網站, 可能不是最平, 不過勝在比較方便~~

個人幫襯過有其中2間~~

Nissen (http://www.nissen.com.hk/): 日本郵購網站, 不時都有減價或買滿特定金額免運費~~ 而且如果屋企冇人收貨, 可以(自己要求) 去順豐取貨~~ 有些款式都唔錯, 而且價錢不算貴, 又可以同時間幫仔女買衫~~

mydress (http://buy.mydress.com/): 呢間有個品牌叫"東京著衣", 聲稱是台灣品牌, 在yahoo都有outlet, 好多款式都很美, 適合愛高貴或優雅打扮的朋友, 而且價錢都唔貴, 質素都不錯~~ 不過之前訂過一次, 因為冇人收貨, 要去葵芳的工廠大廈攞, 唔方便......依家佢個退貨地址係觀塘, 又有順豐為運貨商, 有興趣都可以試訂~~

Babegal (http://www.babegal.com/): 呢間成日寄email嚟, 不過未試過~~ 有些係韓、日式款, 有些是淘寶款, 可以上淘寶比較一下價錢才決定買唔買~~ 同上面幾間一樣, 除了衣服, 手袋、飾物、化妝品等都有, 有排睇有排揀~~

next (http://www.next.co.uk/): 這間有同事幫襯過, 都話唔錯~~ 有中國網, 但只可以訂童裝~~ 呢間未係好仔細看過, 大家可以看完又同其他比較一下~~

Secret Garden (http://secretgardenhk.com/secretgarden/index.php): 呢間見到雜誌有介紹, 是本地店, 價錢看來都唔貴, 不過未試過, 但大家有興趣都可以試買呀~~

上網買衫真係又方便又吸引, 不過有時親身選購可能樂趣更大~~ 這些都是在平價小店買的~~ 其中一個集中點就是荃灣 (例如南豐中心、附近的其他舊式商場)~~ 另一個就是葵涌廣場~~ 仲有在荔枝角站附近的時裝批發店, 同深水埗一間間的批發小店~~ 如果有其他平價小店或商場, 請告知~~~

灰色連身裙, 貪佢夠素色, 仲有藍色、紫色等色架~~ 著唔著legging都得~~

灰色lace tee, $50, 好平, 不過應該係淘寶貨, 可能淘寶網仲平~~

呢件牛仔連身裙都係百多元~~ 襯條legging就去得街~~

呢件襯牛仔褲都唔錯~~ 喜歡那隻花花布~~

shopping真係其中一個好開心的活動, 買到平靚正、自己喜愛的貨品更開心~~