特別的手信~

之前其他親友去完旅行, 都收到很多特色或美味的手信, 但咁樣同大家分享, 應該係第一次, 因為呢份"禮物"收到都覺得很特別同難得~~

唔開估係咩先, 等大家看看外觀~~

如果淨係睇個盒同上面的字, 大家估到和什麼有關呢?~~

打開紙盒, 是另一個鐵盒~

再開, 又有一個膠盒.....究竟要咁多個盒做咩呢?......

入面有幾個紅莓味的小蛋糕, 如果屋企人唔講, 真係唔知呢4個miffin要幾多心思才拿到回來~~

其實係父母跟團去了汶萊~~ 它是在馬來西亞沙巴同一個島上 (婆羅洲), 是一個獨立國家~~ 因為多年來有開採石油及其他資源, 簡單說就係一個有錢國家~~

其中一個旅遊"節目"就係去參觀皇宮~ 適逢是汶萊的3天公眾假期 (因為是它的新年), 所有遊客同國民都可以去皇宮排隊, 男士就同國皇握手, 女士就可以同皇后握手~~ 唔去過呢個國家都唔知它們的皇室會一年一度接見外賓~

上圖那份蛋糕就係"握手禮"之後收到的免費禮物~~ 不過既然全國人民同遊客都可以排隊, 自然人山人海, 媽媽就要排4個鐘有多先可以同皇后握手~ 爸爸就"誤打誤撞", 排了老人隊, 就可以"優先"握手, 不過都要差不多2個鐘...估唔到這個"握手禮"有老人優先, 好似去銀行咁~~

隨蛋糕附上的是紀念卡一張, 入面有國皇玉照一張~~

上面2張卡看似一模一樣, 但卡上有個號碼, 代表排隊的號碼~ 爸爸拎到那張是2610, 媽媽就要7682, 有得排"老人優先"真係快好多呀~~~

這個紅莓小蛋糕甜甜的, 入面有些紅莓粒, 幾好味~~~ 不過可能係無添加, 只可以擺一個星期~ 都係快快食哂佢~~

參觀皇宮, 除了與國皇、皇后握手, 仲可以食免費自助餐, 遊客都食得, 任飲任食~~ 結論就係旅行社可以慳番一餐~~

如果大家有興趣了解實際情況, 可以click入去看看影片~~ 原來"東瀛遊"幾年前為了推廣汶萊旅遊, 拍了一些宣傳片, 可以看看實況呀~

http://www.youtube.com/watch?v=hQBYDiLls-s (同汶萊國王拜年)

如果想簡單地知道汶萊有什麼景點, 可以看看這個: http://www.youtube.com/watch?v=hlP6V6uOplM (汶萊就係咁好玩)

很感謝父母帶回來的這份紀念品, 真係幾有紀念價值~~