晚餐@Cafe Heato (海圖)

一開始是在FB看另一個追開的專頁, 知道有這間cafe, 驚訝屋企附近這個冇咩人留意的小社區, 終於開了一間特色cafe, 點都想食一次~~

第一次係中午去搵位, 點知爆場, 冇空位, cafe又得一個人 (我估係老板), 冇人派飛或什麼排隊等位...唔, 於是決定同一日夜晚再來, 估唔到人少好多...幾乎包哂場~~

不過店子生意不錯, 好多食物都賣哂, 於是就叫了仲有的all day breakfast, 還有雞肉翠香汁意粉~~

食物未到, 就影吓周圍, 另一枱的2個女仔都喺度不停影影影, 我們都影了不少~~ 裝潢是近來熱門的旅行、簡約style~ 周圍掛滿不少特別的裝飾和明信片, 有點似"牧羊少年．咖啡．茶"或其他特色cafe~

很有趣的牆燈和草帽~~ 地下就擺了老板同朋友用的結他、電子琴~~

門口的書架上有書、明信片、紙和筆, 隨意閱讀和書寫都得~~

先來的是all day breakfast~ 比起市區的店舖, 少了一份正宗英式早餐的感覺, 不過看得出老板的心思和耐心, 沒有沙律菜, 用了蕃茄同車厘茄, 另外用車厘茄整了一隻小兔, 很得意~~ 薯餅上又用茄汁畫了開心圖案, 可惜餅面焦了一點~~ 而煙肉、香腸、炒蛋都恰如其分, 45蚊一份, 我覺得質素同味道都合格~~

之後來了雞肉翠香汁意粉~~ 老板在點菜時, 有解釋翠香汁是用水果造的汁, 有點東南亞味道~~上碟的時候覺得賣相很吸引, 食落覺得翠香汁有種不知名的果香, 味道很特別, 坊間少有~ 雞肉就普通啦~~ 但因為賣相同醬汁的味道, 令到成碟意粉都加分, 不錯呀~~

本來好想試咖啡, 因為咖啡才是cafe的重點之一, 可是晚上飲又怕睡不到, 而且原來晚上沒有飲品優惠, 要散點, 30多元一杯, 老公就話唔係好想......如果來食午餐, 加8蚊、10蚊就有咖啡或其他飲品, 難怪下午咁多人啦, 人都係現實架, 當然選優惠時段才來幫襯~ 不過最後雖然沒有點任何咖啡, 店員還是主動提供了清水, ok啦~~

雖然比起坊間的食店, 其實這間小店未算最有特色, 但欣賞老板們追夢的心和努力, 而且難得這種cafe文化來到小社區, 希望第時有更多這種特色食店進駐, 最開心就是一眾食客了~~ 這間小店還接受了第456期U周刊的專訪, 我都有買來睇 (因為自己一向都有買U周刊的~~)

http://www.openrice.com/restaurant/sr2.htm?shopid=173538

https://www.facebook.com/Cafeheato?fref=ts