聖誕雜記~

已經係2015年啦~~~ 不過都好想記低聖誕假期幾日的活動呀~~

其中一個活動就係趁同家人、親友食飯, 看看聖誕佈置~~ 上面那個是樂天熊仔, 在置富都會商場~~ 都幾可愛呀, 可惜趕住走, 影了少少~~

聖誕前同家人及家人朋友去了又一城食晚飯, 又可以影吓佢棵超巨型聖誕樹~~

今年的佈置都不錯呀~~ 而且當時人不多, 大家都影了不少團體照~~

聖誕節早上就同屋企人飲茶~~ 點心挺美味呀~~

這裡的豆腐花好滑好好味, 經常好快賣哂, 今日有得食, 正~~

晚上就去了吃烏冬~~ 蕃茄湯好濃, 不過份量就少啲~~

之後就去了看粉紅聖誕樹~~ 這裡今年的主題是Melody & friends~~

好多人影相, 於是大部份相都係影裝飾為主~~ 周圍都紅粉菲菲, 很有喜慶感覺~~

去食烏冬都收到一個發光蘋果做聖誕禮物, 雖然很平, 不過估唔到呢間餐廳咁有心思~~

26號就去了看冬日美食節~~ 超多人, 好迫, 但係食物不算好抵, 結果除了試食, 咩都冇買~~ 唔係屋企人有免費票都未必來......下年都係唔去了......可能工展會好行啲, 不過冇去了~~

晚餐就食快餐店, 因為冇諗過食咩~~~ 不過唔駛等好耐就有位, 又便宜地解決了, 有時食吓都唔錯~~ 那個焗帆立具加薯茸比想像中好食, 包包也很軟綿, 鐵板餐的味道都不過不失, 加多杯熱杞子參蜜, 唔錯~~

附近有海港城的聖誕裝飾, 都幾靚, 不過其實架火車都幾佔位, 令到周圍好多人, 想影相都幾難~ 入面的聖誕樹又有幾條燈柱, 遮住了聖誕樹...不過都算靚嘅~

有時間當然行埋去睇燈飾~~ 這個歡樂聖誕老人都唔錯~~

這間酒店有時的燈飾比較平凡, 今年係蠟燭加星星, 進步了一點~~

信和幾間中心就請了Hello Kitty助陣, 都整得幾靚, 都見到好多人影低~~ 唔知下年又有什麼卡通人物~~

這年聖誕雖然沒有外遊, 但可以同老公, 家人一齊開開心心渡過, 都已經好開心啦~~ 希望以後無論在哪裡慶祝, 都是健康又開心地過~~