上一次來已經係2、3年前~~ 唔係有免費票, 可能都係等到生日係假期時才會來逛逛~~
估唔到正口左手邊的位置, 新添了一些水獺~~ 這2隻水獺走來走去, 好得意~~
不過我們來到已經中午, 都係把握時間入去公園~~
電視廣告話聖誕期間有個全港最大的室內燈海, 係咪真係咁好睇呢? 當然去八卦一下~~
行過彩虹隧道, 就見到雪人同摩天輪~~
行過啲又有熊貓同馬騮~~ 整得幾似~~~
仲有企鵝一家~~ 一陣就去睇真的企鵝啦~~~
水母同魚都整得唔錯, 好似去了海底世界~~
大嘴鳥都好搶眼~~
總體來說, 這個"燈海"都整得有心思, 公園內不同的景點都成了可愛閃閃燈飾, 不過都係呢句, 唔係有票, 可能就唔會因為想看燈飾而來這裡了~~
園內的大聖誕樹, 為這裡添加更多聖誕氣氛~~
之後就去了看熊貓~~
好彩又見到其中一隻熊貓在吃午餐~~ 牠食得津津有味, 成班人就睇住佢個食相好開心 (包括我們 :P)
剛巧又是小熊貓吃午餐的時間, 牠們都走來走去~~ 好得意呀~~
又望多次大熊貓~~ 繼續食嘢唔望人~~
熊貓館出面的龜池, 就見到2隻有趣的烏龜~~ 究竟因咩令牠們伸長條頸呢? (牠們前方係咩特別嘢都冇架...)~~
聖誕節除了燈海, 繼續有叮噹的聖誕裝飾, 於是走去看看~~
呢個攤位都好有聖誕氣氛~~
當然要同叮噹影相啦~~ 最近叮噹的配音員離世, 令到好多人都好懷念那把熟悉的聲音呀~~
我們有入去這間聖誕屋影相, 入面有齊哂叮噹各個人物, 仲可以同大雄影相, 不過因為張張相都有我們的樣子, 就不放上來了~~ 呢間屋整得幾靚, 小朋友參觀一定好鍾意~~
呢個遊樂場都塗上了叮噹各個角色呀~~
之後見到旋轉木馬冇咩人排除, 即刻玩了一次~~ 之後就去第二區了~~
呢間屋又係好有聖誕氣氛~~
係時候去玩機動遊戲, 即係要去樂園的另一邊~~ 諗住唔多人排纜車, 點知原來突然有幾個大陸團來到, 排了半小時才上到纜車哩......
其實自己有點畏高, 次次坐纜車都有點驚, 但係呢個又係機動"遊戲"又係交通工具的設施, 一直都是園內最受歡迎~~ 次次來玩都要坐架~~
雖然人多, 不過冇人想同我們坐, 結果可以2個人坐一架, 有得2人世界 ^^~~
去到山的另一邊, 望望時間表, 係時候可以看海豚表演, 雖然已經爆場, 冇位坐, 不過都同人迫埋一齊睇~~ 這次劇場的劇本又改了, 大概講如何保護海洋, 海豚同海獅都有出場, 不過可能怕牠們疲倦, 所以表演比以前的少了, 海豚都係跳了幾次水, 以前多啲架......不過依家動物的權益都好重要, 唔好過份勞動牠們都係合理的~
其實表演都幾精彩, 又係次次入園必看的節目~~ 真係好懷念以前可以看到殺人鯨的出色表演~~
睇完海豚, 因為上次來未開冰極天地, 今次當然要去看看~~ 果然有好多企鵝呀, 好可愛呀~~
這裡面積不算好大, 不過都住了幾多企鵝, 希望牠們開開心心啦~~
紀念品店都好吸引, 超多企鵝公仔~~ 不過屋企冇咩位, 依家唔會買了~~
就係呢度入去睇企鵝~~ 地圖上仲話有雪狐, 不過入去時看不到...
影吓花花企鵝~~
之後有點肚餓, 買了薯條食, 又去排隊玩飛天韆鞦, 所以暫時冇影相, 再影的時候已經係夜晚了~~
我們排隊玩摩天輪~~ 在摩天輪上影到過山車~~ 今次在園內玩了, 當慳了200蚊, 暫時唔駛玩中環的摩天輪~~
之後行去玩過山車, 反過來影摩天輪~~ 晚上看都幾靚喎~~~
玩完過山車, 又去玩跳樓機, 唔知係咪大陸團走哂, 玩呢2樣都唔駛排隊, 冇哂人~~ 反而搭纜車回正門那邊又要排15分鐘~~ 又可以2人包車了~~
夜晚的香港老大街~~
聖誕樹亮燈了, 挺美~~
之後趁未散場前, 玩多次海洋版的旋轉木馬~~ 睇埋噴水池的雙龍表演, 又完成了這次半天遊了~~ 可以同老公一齊去遊樂園玩真係好開心~~ 希望好快又可以再玩過啦~~~
沒有留言:
張貼留言