2020年3月22日

Godiva布朗尼芝士蛋糕 (預拌粉)

疫情影響,閒著無聊,又想到來這裡發文。

之前在「鄰住買」買了一盒Godiva布朗尼芝士蛋糕預拌粉 (Godiva Brownie Cheesecake Swirl Baking Mix),在閒著的日子可以有時間整吓。最初想懶惰,上網看看有沒有短片介紹如何製作,卻發現只有另一款心太軟的預拌粉才有,於是決定按盒上食譜加自己少少方法整出來。試了不算難,不過都有失敗位...


看來幾吸引,但怕預拌粉味道不好,又怕唔識整,所以只買了一盒。



盒內有一個紙蛋糕盤 (6吋),另外有2包粉,不過2包粉上的字很細又不顯眼,要小心不要落錯。另外要自備一盒250g 忌廉芝士 (買了輕盈版,因另一款冇貨),約60g無鹽牛油 (盒上寫1/2 stick或1/4 cup,上網查1 cup約250ml,除以4就當約60g,但自己應該切多咗,但似乎都冇問題),以及2隻蛋。

焗爐預熱約180度 (盒上寫375F,查過約等於180度)。在蛋糕盤上搽薄薄的油防止蛋糕黏住紙盤,我就用番牛油。


先將忌廉芝士於室溫放軟,之後加入1隻蛋及細包粉 (cheezecake mix),然後用打蛋器打勻。盒上指示先用低速打30秒,然後用中速打1分鐘。


自己打時應該用多咗啲時間,但總之3至5分鐘之內一定打好,滑溜便可。


之後盒上話用微波爐叮牛油至融化,然後加入大包粉 (Brownie mix),家中沒有微波爐,於是用最傳統方法之一:隔熱水整溶牛油。不過未撈得好勻。


於是繼續隔熱水撈,似乎開始有起色。


原本的指示係放入微波爐20秒,不過隔熱水都做到同樣效果,只是慢啲。


之後加入1隻蛋及1湯匙水,再繼續撈勻。


樣子看來ok了,可以做下一步。


將約3/4 cup的brownie mix放在蛋糕盤內,盒上就話留起1/4 cup。我都係大概跟。


之後倒入cheesecake mix。


留起的1/4 cup是用來整蛋糕面上的swirl (螺旋紋) 效果,不過這裡有點難,首先那些混合物一加上蛋糕面就有點沉底。


之後嘗試跟盒上方法畫 (用刀拉S形花紋),但不太做到,是失敗的第一步。


之後放入180度焗爐,盒上話焗36-41分鐘,不過個人發現焗30分鐘都差不多,始終每部焗爐火力不同。不過自己又做錯事,開了上發熱線。


結果雖然焗好了,但已看不到swirl效果,因為個面焗燶了,下次應該只開下發熱線或面頭加牛油紙。

盒上話等30分鐘冷卻,再雪2個鐘,才可以脫模。等了又等,可以脫模,附送的蛋糕盤是可脫模式,用刀圍蛋糕邊切一圈,再推底部中心的圈,就可以脫模了。


味道都算不錯,較甜,同時有忌廉芝士及朱古力布朗尼的味道,朱古力味都有點似Godiva朱古力味的。


這個就是原本的英文指示。大家可以對照一下。

雖然用蛋糕粉係想容易整同整快啲,不過這款蛋糕要的時間都不少,幸好味道都算合格,如果再有團購應該會再買一盒。

希望疫情快點過去,大家身體健康。

網上介紹:





沒有留言:

張貼留言