抹茶零食(2)~

之前寫了一些綠茶零食, 當然仍然意猶未盡, 一見到或有興趣都會買來試食~~

上圖是在759買的~~ 左手邊的朱古力有淡淡的綠茶味, 外面有少少綠茶粉, 個中心就有綠茶啫喱, 不太甜, 適合不太愛甜的朋友~~

至於右邊的綠茶餅, 綠茶cream夾心冇咩綠茶味, 只是少少甜~ 反而薄餅幾脆~~ 一盒入面有5包, 1包有3塊~~

有日行過Panash, 見到它推出了"焗donut", 20蚊3個, 就每個味道1個~~ 綠茶紅豆味唔錯, 不會好甜, 有淡淡茶味, 加埋一粒粒紅豆, 不錯~~

後面黃色的是原味, 口感似海綿蛋糕 (其實呢3舊都似蛋糕多過donut)~~ 個人最鍾意都係朱古力,
幾有朱古力味, 加埋啲粒粒, 又係幾好食~~ 下午茶一次一個, 加埋杯茶, 再有埋美景, 諗落都開心~

http://www.openrice.com/restaurant/sr2.htm?shopid=125384&tc=sr1

又有日行過city'super, 買了"茶之環" (cha-no-wa) 的蛋糕試吓~~其實本來好想買整條綠茶卷蛋, 不過有其他地方要去, 唔方便拎住, 唯有少少哋買幾件蛋糕試吓~ 4件都已經140蚊, 一條卷蛋都係180蚊, 試完之後, 就覺得早知買卷蛋, 因為抵多啲~

包裝幾精美~~ 不過一打開...

一小舊已經35蚊, 貴過不少店舖的切件芝士蛋糕, 而且輕好多......買的時候係抱住試吓的心態, 不過老公見到, 就話自己俾人"扼"......"吹漲", 特地買俾佢試吓架......食完, 覺得茶味淡淡, 唔苦, 不過驚喜欠奉......

另一款就有綠茶cream喺中間, 可能因為有cream, 味道好少少, 起碼多一重口感, 不過2啖就食哂, 咁就35蚊......睇嚟下次都係試卷蛋好d......Panash唔駛10蚊大大個, 食一個都有飽感, 呢款價值來說真係有少少唔值......

http://www.openrice.com/restaurant/sr2.htm?shopid=151365&tc=sr1