自助餐@Cafe Kool~

這間自助餐是親友的心水, 次次有優惠或節日, 除了去中式酒家, 就會來這裡開餐~~ 今次又一大班人來食自助午餐~~

我的"食力"麻麻, 雖然很喜歡自助餐的形式, 鍾意食咩就食咩, 不過為了平衡食量及價錢, 唯有吃些貴d又冇咁飽的食物~~

頭盤當然是蟹腳及小龍蝦鉗~~ 個人覺得這裡的蟹腳幾好味, 每次來都保持水準, 而且長攞長有, 供應充足~ 自己食完呢碟, 又拎了老公的幾隻來食, 不錯~~ 其實仲有青口、螺等等, 不過自己不不太喜歡, 都係蟹好味d~~

之後就食吓刺身同壽司, 今次加多碗冷麵~~ 人人都鍾意拎三文魚, 自己就鍾意咩刺身都食吓, 不過其實比較起來, 都係三文魚較好味~~ 好快又食哂~~

之後拿了一點熱食及煙三文魚~~ 樣樣都不過不失~~ 這裡的即製意粉、粥品及湯麵都是親友鍾意的, 所以他們各自都食了好多~~ 另外還有馬來拉茶, 有少少薑味, 幾好飲, 不過今次自己就冇飲喇~~

自己的食力太少, 已經就嚟飽, 於是"中場休息", 食2球H記雪糕~~ 綠茶味次次都食, 因為鍾意~~ 不過這裡依家每球都好細, 印象中以前大D架...

甜品又係自己最愛, 當然盡量食多D~~ 迷你tiramisu、朱古力同芝士蛋糕都不錯, 杯裝果凍同焦糖蛋都ok~ 由於今次去食臨近中秋節, 還拎了一個迷你冰皮月餅 (隱藏在後面~~~) 是榴槤味架~~ 味道都可以, 不過如果多d榴槤肉可能仲好味~~

之後拎多2球藍莓同士多啤梨雪糕, 已經要"停工"了~~ 不過估唔到H記的新出品味道麻麻, 食到有少少藍莓味, 不過有啲假, 味道不算突出...好彩之前冇特地買來試, 依家食完, 可以期待過另一隻新口味了~

個人覺得Cafe Kool多年來保持水準, 加上信用卡優惠, 次次來食都係爆滿, 要預早訂位架~~ 另外它有個VIP房, 可以坐十幾人, 如果想有些私隱, 又坐得舒服, 可以預訂~ 問過侍應, 只要每枱除了自助餐之外, 另外消費最少$250以上就可以~ 有家庭聚會又想自成一角, 可以考慮呀~~

另外有次來食自助餐, 見到鄰枱的外國人不食自助餐, 竟然叫了個漢堡包加炸薯條, 望落都唔架~ 跟住先知, 原來呢度可以唔食自助餐, 另有餐牌點食物~~

http://www.openrice.com/restaurant/sr2.htm?shopid=517

http://www.shangri-la.com/tc/hongkong/kowloonshangrila/dining/restaurants/cafe-kool/