抹茶小蛋糕~

上次那包抹茶粉有一定份量, 用了一次來整凍餅, 還有不少, 於是今次用了上次街坊蛋糕班的食譜, 又參考了其他blogger的食譜, 試整了抹茶小蛋糕~~

影出來好似好大個, 其實是迷你蛋糕來的~~~

很簡單的材料~ 包括半包無鹽牛油、5g梳打粉、180g低筋麵粉、10g抹茶粉、當然仲有2隻雞蛋, 和約100g糖~~

焗爐可用200度預熱, 但焗的時候160-180度都足夠~~

先將牛油放在室溫變軟, 之後加糖, 用打蛋器打到發白~~ 不過自己太心急, 牛油未軟哂就開始打, 於是有點狼狽 :P  , 不過總算打到~

之後就逐少加入已打發的雞蛋, 再用打蛋器混和~ 雞蛋係要分幾次加, 每次都要等混合物冇哂蛋汁先再加, 加哂2隻就ok~

另外麵粉加入梳打粉, 之後最少要過篩2次, 令到多點空氣可以進入, 蛋糕仔就會軟一點~~

用暖水開抹茶粉~~ 很green~~

將已經"篩"了2次的麵粉+梳打粉加入混合物, 要輕手將它們混和~~

之後將抹茶水倒入去混合物~~ 又係要輕手混和~~ 好快就變了一堆綠色物質~~

上次上堂時, 導師係用唧裝+唧嘴唧入蛋糕筒仔, 於是自己又試吓, 不過技藝有待改進, 搞到周圍都係, 於是足夠可以整10-12個份量的材料, 得番整到8個......下次都係就咁用匙羹擺算了:P

總算可以入爐~~ 自己用160度焗了25分鐘~ 焗了約10分鐘就要反轉方向, 令前後均衡受熱~ 另外如果唔想個面太焦黃, 可以焗到中途加一張鍚紙在面, 就可以"保護"蛋糕面~~

完成了~~ 焗完之後色水變得較實, 看來似啡色多過似綠色~~ 大部份都"發"得不錯~~

今次的蛋糕不算甜, 算有一點茶味, 不過同上一次食"茶之環"那種當然有點分別~~ 老公同奶奶都食過, 覺得都OK~~ 自己當然覺得唔錯啦~~

希望有了這次的經驗, 下一次再整又熟手啲~~

我有參考這個食譜~ 她原本是整伯爵茶蛋糕仔, 如果有興趣都可以試吓~~

http://helenleungyp.blogspot.hk/2013/12/muffin.html#more

這次焗蛋糕仔還有另一個目的, 就是試吓這個新買的小焗爐~~ 21L, 有折扣, 4百幾元, Rasonic是樂聲牌的副線, 應該質素都OK~ 原本用的小焗爐是同事轉贈, 已經幾舊, 心思思想換好耐, 今次見到個無論大小定價錢都啱的焗爐, 就即刻帶返屋企~ 呢個牌子仲有23L同25L, 25L都係600幾蚊, 有興趣可以考慮一下~