祖母壽宴@紅磡景逸軒~

上年在翠園替祖母慶祝大壽, 話咁快又一年, 這次就去試紅磡都會海逸酒店內的景逸軒~ 本來我姑姐有另外的心水, 點知婚宴時期, 間間酒家都俾人包場, 唔做一圍飯的生意, 幸好這裡雖然都有兩個團體擺婚宴, 不過仍做散客, 於是就訂了這裡~ 另外自己都係第一次嚟, 當試新嘢~~

有得坐房~ 雖然面積只係剛剛好一圍枱, 不過總好過坐出面, 起碼私隱度高啲, 而且都坐得舒服, 又有電視睇, 仲有一位侍應專門照顧我們, 不錯~~

最先上枱是心心燈乳豬, 夠cutie~~ 皮脆肉嫩, 幾好食~~

之後是"花姿片"加珊瑚蚌~ 因為唔知張menu去咗邊, 冇得睇個正名添...味道都合格~

跟住係金菇+西蘭花 (又係唔知個靚名...)~~ 都係合格的, 起碼西蘭花不苦, 金菇加醬汁都幾有味~

之後是炸蝦丸~~ 似乎啡了少少, 賣相扣點分, 不過味道都可以接受~

每人一碗魚翅~ 長輩喜歡吃翅, 冇辦法轉添......味道普通...

之後就是蒸魚和脆皮燒雞~~ 影相時剛巧雞送來, 魚就一早俾大家吃清光~~ 蒸得唔錯, 肉質不會太老, 所以大家都食~~ 燒雞啲皮脫卜卜, 都算有雞味, 又係俾大家食哂~~

尾二是炒飯和麵~~ 自己今次揀炒飯~ 炒得乾身不油膩, 加埋糙米都算健康~

壓軸當然是壽桃包和甜品, 仲有水果盤~~ 壽桃包入面有蛋黃, 比起其他酒家只有蓮蓉, 更加足料, 也是挺好吃~~ 合桃酥味道都幾好, 少少鹹少少甜, 又脆脆哋~ 反而笑口棗可能凍咗, 味道麻麻, 大家都食唔哂, 打包拎走~~

祖母的年紀又增長一歲, 繼續希望她老人家健健康康, 福如東海, 壽比南山 ^^~~

http://www.kingscuisine.com.hk/hm/index_hm.asp

http://www.openrice.com/restaurant/sr2.htm?shopid=11914