花生糖製作班~

自己一向都好鍾意食花生糖, 無論係硬的、軟的都覺得好食~ 當屋企人個個都怕甜/怕硬/怕「痴牙」的時候, 自己可以一次過食十幾粒都得~ 所以見到有自製花生糖製作班, 就去參加啦~~

這份是黑白芝麻花生糖~~ 整完之後好香呀~~ 味道都不錯......不過睇哂就知係有啲不足嘅~

如果有看之前的post, 自己曾經學過整芒果冰皮月餅, 今次教的是同一個miss, 所以又係跟足中心規定, 在導師枱的製作過程全部不可以影相~~ 當然規則要尊重的, 所謂"各處鄉村各處例"~~ 於是有得影的時候, 已經係成底花生糖整好的樣子~~ 整完之後仲有一大堆芝麻剩低~~

原來食譜比想像中簡單, 首先要煮溶一塊大方糖, 不是普通的糖, 是用來整年糕之類的特大片糖, 煮的時候只可以"duk", 唔可以攬~ 煮滾成液態之後, 再加少少醋, 然後再加少少麥芽糖, 就係花生糖的"糖"~

而花生就要係熟花生, 黑、白芝麻要用白鑊炒過~ 在焗盤上先舖上黑白芝麻, 將糖混合物加入花生後, 倒入焗盤, 之後再加芝麻, 然後用另一個用保鮮紙包底的焗盤一壓, 就可以平哂~~ 之後要放涼30分鐘, 用刀小心切開一件件便可~~

由於miss有"版權", 都係不便寫得太仔細, 如果有興趣看看食譜, 可以email給大家~

miss另外示範了椰絲開心果軟糖的製法~ 綠色的軟糖都係第一次食, 原來其中一種材料是斑蘭砂糖, 當然改用普通砂糖都得~ 即堂試食覺得幾好味, 而且軟軟的, 不錯~~ 

不過奇怪的事於後一日發生.....唔知係咪miss太早切開啲軟糖 (她放了在雪櫃約20分鐘就拿出來切開), 軟糖隔了一日竟然變了一pat, 仲變到硬哂......點解會咁呢?...真係諗唔明......結果軟糖黏在袋中拿不到, 自然食唔到......

至於芝麻花生糖, 味道係唔錯, 但幾硬同太黏牙...因為我們煮糖時煮耐咗, 於是其他同學整的都是軟身花生糖, 我們的卻是硬的...唯有希望第時有機會再整的時候可以記住這些要點啦~~

如果有興趣直接參加, miss定期都有開班, 可以看看工x會的課程介紹~~