街坊蛋糕小食班 (中)

第一、二堂主要係整甜品, 第三堂就有朱古力合桃小蛋糕同 洋蔥煙肉芝士批 (鹹批)~~

先整了鹹批的油皮, 放入雪櫃~~ 途中就整朱古力小蛋糕~~ 原本應該有合桃, 阿sir又話唔記得買, 結果又只有朱古力味......在入爐前影張相先~~

剛出爐不久的樣子, 同未焗之前真係幾有分別~~ 我有6個呀, 同學仔好人, 讓了1個俾我~~

之後又整番個鹹批~~ 自己技藝未精, 批底同批邊整得麻麻哋~~

蛋糕仔入盒, 批就要加材料, 之後入爐~~

不過阿sir又買唔夠材料, 輪到我和同學時, 冇哂火腿同煙肉, 於是另一個同學好心幫我們同阿sir買番, 浪費了一點時間~

幸好落堂之前都整得哂~~ 有6個, 每人可以分到3個~~

返到屋企, 又開心影多次先~~ 自己係第一次整鹹批架~~

鹹批的味道都可以, 不過蛋漿不夠鹹, 而且不知為何批皮太脆, 脫不了模, 今次阿sir就俾我們拎個模返屋企, 下星期再還俾佢~~ 老公食完就話幾好味 ^^~

朱古力小蛋糕味道也ok, 但如果有合桃, 口感應該更豐富, 另外如果即場焗好就食, 應該好味d~~ 不過比起之前自己整的蛋糕, 比較鬆軟, 因為今次有發粉~~

下次就係最後一堂~~ 希望阿sir可以醒目dd, 買齊所有材料啦~~