2014年9月13日

水晶滴膠DIY~

很久沒有玩DIY啦~~ 其實屋企買落了一堆DIY的材料, 不過就擺咗喺度都未玩添~~ 今次就整吓呢個啦~~


這個水晶滴膠材料包是之前去手工展買的~~ 店名是dot dot life zakka, 不過近期都冇見到它有更新, 唔知係咪仲有營業呢?


材料包入面有哂材料及說明書~~ 樽仔入面是A膠及B膠, 用3:1的比例來攬拌, 就可以整到水晶膠~ 另外就有一些圖案、小吊嘴和裝飾珠仔等, 可以放在銅托上~~




水晶膠又叫AB膠, 其實仲可以用來整"蝶古巴特"手工 (即係用來拼貼圖案在木製小物、袋仔、碗碟等的手工), 可以去美術用品店買~  例如這間"色彩人生"就有話得賣, 不過自己未去過睇亦未買過這間店的AB膠, 大家自行決定啦: http://www.xpressiveart.hk/page233?product_id=842

上網睇過, 原來仲有一種UV水晶膠 (UV滴膠), 成本較貴, 但比較快乾 (聲稱唔駛一日), 這間"Nov1手作坊"有得賣, 有興趣都可以考慮: http://www.nov1.com.hk/index_ecat.php?cPath=79


擺好哂圖案之後, 將A膠及B膠倒在小膠碗中拌好~~ 之後稍等一會, 直至幾乎沒有小泡, 就可以倒在托上~


由於要等最少一日先乾, 說明書就建議放在一個安全地方, 用盒或蓋之類遮住, 防止有塵埃黏在未乾的膠面上~~

確保膠面乾哂之後, 就可以加上匙扣、幼繩, 就是美美的鎖匙扣、頸鍊啦~~

不過......唔知係咪我擺咗好耐先整, 定係個膠水份量/比例不太正確, 等了一個星期, 都係唔乾, 摸上去是黏手的......結果整咗但冇一個係用到...唯有當係一次體驗啦...

沒有留言:

張貼留言