晚飯@花園餐廳~

有日放工去旺角拎團購買的物品, 之後又要諗吓食什麼晚餐......

老公抬頭見到個霓虹燈牌, 突然就話"食呢間啦!" 再望真啲, 原來係薄有名氣的老牌餐廳~ 既然自己又係"大鄉里", 未食過, 當然要試吓它們的招牌鐵板餐~

以為花園餐廳的英文名係Garden Restaurant之類, 點知係"甜心花園餐廳" (Sweetheart Garden), 再看清楚餐牌, 原來它是屬於"心心集團", 而且除了旺角, 觀塘、銅鑼灣、尖沙咀都有分店, 真係唔去唔知~ 我初初以為只有一間咋~~

我們去的那間分店有2層高, 去到的時候人不太多, 可以坐卡位, 之後已經好快滿哂, 等位的人沿樓梯排到出門口, 估唔到幾多人喎~

先來一個餐湯同麵包~~ 羅宋湯味道ok, 麵包都ok, 最好就是牛油, 暖暖的, 一搽就得, 坊間好多餐廳的牛油都係雪硬哂, 呢啲小細節值得加分~

因為老公以前嚟過, 人人都叫鐵板餐, 他卻叫了一個海南雞飯~ 不過雞的味道比想像中好, 皮肉都滑, 夠雞味, 係有少少"生生哋", 不過煮得太熟, 雞肉就會"鞋", 唯有避開較紅的位置~ 另外3款醬汁/薑蔥都ok~~

海南雞飯另外附上一碟西蘭花和雞油飯~ 西蘭花只係白灼, 冇咩特別, 而雞油飯係有少少雞油香, 不過味道不濃, 都係普通...

反而自己第一次來, 當然要試吓鐵板餐, 不過咁大份雜扒餐, 當然要同老公share來食~~ 後來見到人家叫的牛扒、T骨扒好似仲吸引, 不過自己不太喜歡吃太多牛肉, 雜扒咩都有, 樣樣都可以試吓, 滿足自己的"多心"~~

至於味道......無論係豬扒、牛扒、雞扒、雞中翼、煙肉、火腿、小棠菜, 都係有佢哋各自的味道 (加上黑椒汁的味道啦~~), 即係冇咩特別, 豬扒整得麻麻, 冇咩豬味又難切...薯條俾所有扒同汁壓在最底, 吸了好多汁, 不過就"淋"哂, 失去了脆脆的口感, 但另碟上又好似失去鐵板餐的原意, 唔......結論都俾個合格, 始終食鐵板, 最開心都係醬汁淋下去的一剎, "濃煙四起"那種刺激感最開心, 之後就要同時間競賽, 凍哂就最唔好味啦~~

原來我們食的那間分店已經係多D好評, 有興趣可以一試~~

http://www.openrice.com/restaurant/sr2.htm?shopid=23664&tc=sr1

http://95hongkong.com/article.aspx?sc1=6&sc2=1&sc3=14&id=125

http://www.pangsy.com/?p=1115

http://yatchoi.wordpress.com/2007/03/30/%E8%8A%B1%E5%9C%92%E9%A4%90%E5%BB%B3%EF%B9%95%E8%8D%B7%E8%98%AD%E7%89%9B%E6%9F%B3/

http://smilejac.blogspot.hk/2013/05/blog-post_15.html