2011年7月11日

近日DIY小作~

近來除了DIY有關結婚的部份物品 (仲有一些心目中的DIY未做過...), 也參加了活動或買了材料自製其他物品~ DIY甚麼也好, 都係"倒錢落海"或"無底深潭", 但係親手製作了一件件物品, 過程同結果都好開心~~~

DIY蛋糕音樂盒~~ 整到成手膠水, 但整完真係幾開心~ 成了母親節的禮物~~

參加了團購的氣球班~ 唯一冇爆哂又整得最好就係呢朵鬱金香, 不過都一早漏氣了...

又係團購~ 自畫水杯, 玩完可以用~ 不過畫得麻麻, 下次都係唔好加太多黑線~

再參加了口金班~ 第一個口金, 不過整得麻麻, 但終於學識點整, 以後買齊材料可以整多幾個~~

第2個口金~ 原來可以整長啲做眼鏡袋, 都係D同學仔有創意...買到材料再整過, 因為整得幾辛苦, 唔想拆~~

第三個口金~ 三角形都幾特別, 如果個扣再靚啲就好~ 暫時有一段時間都唔駛買散紙包~~

口金班仍在學習中, 加上之前買落了不少DIY材料, 有機會再與大家分享~~ 喜愛DIY的朋友一同加油~~~

2011年7月4日

Guestbook making~

上星期六又去了Amor學DIY, 今次的成品是一本Guestbook~~

自己選的玫瑰花布~~ 挺有英式的感覺~~

選了金色的lace及絲帶~~ 個人覺得金色似乎比白色lace更襯這塊布~~ 蝴蝶結是導師綁的~

又要再謝謝Olivia的幫忙, 因為整的時候出了錯, 幸好"救得番", 唔係就要揀過另一塊布, 因為我用的時候剛剛夠整一本, 算幸運了~ 其他人都整得好靚, 有日式、中式、西式~ 個人覺得如果可以有更多布料及裝飾品的選擇更好 (例如下一次會唔會真係有水晶石揀呢?~), 但當日的材料都夠我們用, 那些lace都很漂亮~~ 有興趣可以考慮參加這班~~

心中大概有些點子點樣用呢本簿, 不過不知道到時能否真正實行~