2015年6月28日

晚飯@榮式燒雞扒

又是“無飯”時間, 出街食~ 好耐冇去過榮式, 於是決定去幫襯一下~

時間尚早, 所以一入去就有位~ 我們都係想食雞扒, 於是一個叫原味, 一個叫鹽酥味, 配上稻庭烏冬,再加多個小食同飲品~


這塊就是鹽酥雞扒~ 印象中以前來是沒有的, 所以估係新口味~ 味道都不錯, 不過鹽酥製法令雞扒比較乾身, 肉質就不夠原味咁好食, 不過當試一次啦~~

2015年6月24日

晚飯@花田讚岐手打烏冬~

近來天氣好熱, 少了行山, 又冇咩特別活動, 於是成日寫食物呀, 食評呀, 希望大家不會覺得悶就好了~~

這天又去元朗吃我們的晚飯~ 近來胃口麻麻, 食力不高, 於是都是想吃一點就夠了~ 老公提議食烏冬, 於是在Openrice找了一會, 決定試吓這間~ 它的食評以前就話唔錯, 但近來似乎不算好食……不過試咗再算啦~~


我們叫了2個烏冬, 老公再叫多2舊壽司~ 一件三文魚腩和一件八爪魚軍艦~ 賣相看來不錯, 老公都話味道合格, 10蚊一舊可以接受~

2015年6月18日

半熟蜂蜜蛋糕@諾亞半熟蛋糕專門店~

之前見到介紹已經好想食, 不過分店的位置較遠, 唔行過真係冇機會買~ 點知可能它太受歡迎, 已經開了7間分店, 終於有一間在屋企附近, 於是買了一個75蚊的半熟蜂蜜蛋糕一試~~ 雖然都想買更受歡迎的芝士流心蛋糕, 不過都係試吓這個 “始祖”先~~


很精美的貓型盒子~ 店員有問我們要不要附送的餐具, 不過我們都係在屋企食, 所以不要啦~

2015年6月13日

4式曲奇餅@tomakukki 喫茶店

很久之前已經add了這間餅店的FB, 總是覺得它的蛋糕及曲奇餅看來好好味~~ 今次終於請到老公幫自己買一盒返來試食啦~~


老公第一次去的時候未決定買唔買, 就咁影咗張相俾我~ 一看已經覺得好吸引~~


老公第二次去買的時候, 發現原來小鐵盒可以選其他味道 (看到了形狀不同的曲奇)~ 不過都係想食原本見到那款, 於是老公幫我買了~ 謝謝老公呀~

2015年6月8日

蝴蝶酥~

又係懶人想整簡單甜點的時候~~ 今次就試吓整蝴蝶酥~~

網上已經有好多食譜~~ 所以都係"集大成", 即係參考完各個食譜之後就試做了~~ (網頁在最後)

就咁睇成品個樣都可接受啦~~


2015年6月3日

晚飯@緣來素食~

個人覺得其實吃素菜很不錯, 因為依家素菜已經很多花款, 而且烹調有心思的話, 味道可能同肉食一樣好味, 甚至有過之而無不及, 所以近來都幾有興趣幫襯素食店~~ 呢間聽講口碑唔錯, 之前成日見到有人等位, 這天一於試吓~~


由於這天是平日, 所以有特價菜式~ 這個茄子牛肉煲是其中之一, $45, 係平了少少~~ 當然牛肉係"假"的, 賣相不似, 味道也不似真牛肉, 不過都好食的~ 煮茄子通常都用濃味的醬汁, 所以成個煲都幾有味, 而且上枱時好熱, 合格~~