新年雜記~

這個新年都發生了不少事呀~~ 有些冇影相, 例如行花市, 因為一早買咗水仙花, 所以行花市都冇咩想買~~ 其他的事可以看相~~

這個新年, 奶奶同我嫲嫲都整了蘿蔔糕~ 奶奶整了一底, 我們吃了1/3, 另外我嫲嫲一次過整了幾底, 我們要了其中一底, 要食幾日先食得哂~~ 不過親戚的心意很重要, 而且味道同商店賣的蘿蔔糕有得揮, 又足料, 無添加, 食多少少都唔怕~~

除了有出街食團年飯, 都有兩餐喺屋企食~~ 餸菜都好豐富, 都是多得長輩製作~~ 我就要過多幾年先有足夠功力整一餐了~~

新年同奶奶去完黃大仙參拜, 之後我們就去了南蓮園池和志蓮淨苑參觀~~

應該是梅花吧? 開得不錯呀~~

濕地學堂 (鳥類篇) 進階班~

上年參加了濕地公園的觀鳥初班 (詳情可看上年的blog)~ 這次偶爾看看濕地公園網站, 又發現觀鳥班在2月舉行~ 既然已經上過初班, 這次當然揀進階班, 不過日子在2月14日~ 唔緊要啦, 就當情人節的節目去觀鳥都唔錯~~

其實這次的內容同初階班相似,  都係免費參加, 只要俾30蚊的入場費就可以了~~首先都係在室內聽講座~ 不過今次遲到, 去到已經介紹緊香港不同的水鳥~ 唔好以為情人節就冇人上堂, 看來都有30-40人報了名參加~~

今次份notes彩色印刷, 介紹了不同的常見水鳥~~ 一陣間就有得看真身了~~

聽完講解, 已經係午餐時間, 於是又去了唯一的快餐店, 又叫了同一樣的焗豬扒飯, 同花旗參杞子桂圓特飲~ 呢度最好食應該都係呢個焗飯, 幾乎次次來都是吃這個~~

吃完午餐又未到集合時間, 於是又自己周圍行吓~~ 今次又見到貝貝的兇惡樣~~

雖然係冬天, 不過濕地公園都有不少花可看~~ "毛毛花"近呢幾個星期成日見到架~~

去了觀鳥亭, 可以看到濕地公園主樓對出的大湖~~ 這天都有不少鳥兒~~

將老公拍的照片放大一下~~ 上面黑色那些是鸕鶿, 牠們是捕魚高手~~ 下面那幾隻白色雀鳥就是黑臉琵鷺, 又見到牠們啦~~~

之後仲愈來愈多, 有6隻一齊~~ 不過很快就飛走了~~

情人節晚餐@Chef's Stage Cafe~

新年那幾日公眾假期好忙, 唔係拜年就係食飯, 都未有時間寫有關新年慶祝的blog, 之前仲有些事情未寫, 唯有"倒帶", 寫住有關情人節慶祝的事先啦~~

今年情人節比較懶惰, 決定外出吃晚飯, 又唔想正日太貴, 於是早一日去慶祝, 就試吓這間西餐廳~

從元朗西鐵站行一會就到~ 它的門口的裝修是黑色為主, 差點看不到行過了, 幸好去到的時候仲有位, 不過就唔係坐"正店", 而是坐隔離另一個舖位, 可能它愈來愈多人幫襯, 所以租埋隔離, 就可以坐多啲客~~

很快就決定吃2個dinner set~ 先來的是麵包及醬汁~~ 兩款麵包都幾好味, 芝麻條脆脆哋, 另一款包有點似平時食的蒜蓉包~ 醬汁味道唔錯, 同麵包好夾~~ 如果麵包份量可以多一點就好了~~

餐飲可以選茶、啡或朱古力, 我們當然是選朱古力~ 我叫了熱朱古力, 送上來時見到一些朱古力在飲品的水面上, 感覺獨特~ 味道都唔錯, 不會太甜~~

夜訪AIA友邦歐陸嘉年華~

老公收到保險公司的email, 送他4張電子入場劵, 可以免費入去友邦歐陸嘉年華, 不過有時限, 只可以星期一至四去, 又要2月12日前去, 結果終於抽空在限期前最後一日夜訪, 因為當日要返工, 唔係就再抵玩一點~~

行過去的時候見到摩天輪~~ 不過周圍都未整好, 都係覺得遲啲先上去, 看的風景可能會更好~~

手機不太影得清楚, 其實好多人都在限期前最後一日才來, 於是排了15分鐘才可以入去~~ 不過唔駛排一個鐘已經好好了~~ 這天亦是最後一日有$90票, 過了呢日, 大人一人要收$125~~ 但剛剛有新消息, 2月18日前, 下午2時前入內, 2人同行, 1人可免入場費, 即係免了25蚊, 都算抵咗架~~

又近影多一次摩天輪先~~

我們的電子入場劵只包入場, 沒有任何代幣, 於是未買代幣玩之前, 我們就周圍看看~~

閒遊尖鼻咀~

近來親戚借了架車俾老公鍛鍊駕車技術, 練了一段時間之後, 開始夠膽周圍去, 今次老公話想舊地重遊, 去一次尖鼻咀~~ 我就未去過, 當然係照司機的意思啦~~

尖鼻咀在元朗, 是其中一處受保護的濕地, 即係在米埔的附近~ 駕車前來比較方便, 另一個方法就是在元朗乘35號小巴, 總站落車再行過來, 不過20分鐘一班, 真係有排等~~ 如果識踩單車, 呢個都係好方法~~

這裡就是停車場~ 這日天氣麻麻, 所以車輛不多~~ 這裡泊車原來都唔算平, 12蚊一個鐘, 我們試過泊廣播道都好似係8蚊一個鐘~~

普通車輛係一定要泊在停車場, 因為行過呢度就係禁區了, 只可以行, 或者踩單車~~

如果天氣好同埋潮退的時候, 這裡有一大片泥灘, 可以遠望不少有趣的動物, 不過這天來到時已經潮漲, 泥灘看不到, 那些鴨子已經游了出海, 不太看到什麼哩...

對面就是深圳~~ 幾乎咩大廈都睇唔到......如果下次有機會再來, 希望天氣好一點啦~~

老公部相機影得好啲, 都係勉強見到幾座大廈~~

另外老公又影到禁區內的水警碼頭~~ 普通人又係唔行得入去架...

好濛呀......不過又是另一種景色來的~~

突然有隻大鳥飛過, 老公手快影到~~ 應該係蒼鷺~~

另外仲影到2隻黑臉琵鷺~~ 都幾好彩~~

仲見到一群雀仔以"一"字形來飛行~~

呢群就係"人"字形咁飛, 之前去米埔幾次都未見到, 今次就見到幾群, 都幾有趣~~

晚飯@Caffe HABITU~

同幾位朋友仔很久冇見, 而且其中一位朋友就嚟結婚, 當然要找個機會一聚~~

原本想去試吓大熱的Dazzling Cafe, 可惜平日都超多人, 等了45分鐘都冇位, 其中一個朋友話不如食另一間, 於是轉為去同一個商場的Caffe HABITU~ 果然去到即刻有位~ 我們選了最入的窗邊位~~

4個女仔胃口不大, 於是叫了3個主菜, 再加錢要沙律、湯、飲品同蛋糕, 已經食得幾飽~~

自己選了飲熱的原味朱古力~~ 送來的時候覺得樣子不錯, 大大杯加好多cream, 飲落既有朱古力+奶的甜味同香氣, cream也很細綿~~ 不過大家掛住傾計, 飲吓擺吓, 好耐先成杯飲哂, 凍咗就冇咁好飲~~

朋友選了個Carbonara~~ 熱辣辣送上來時感覺都不錯, 味道都ok, 意粉同汁的份量就夠, 煙肉同其他配料就少啲, 如果多啲應該更好食~~

之後來了這份三文魚檸檬芝士pizza~ 脆脆的幾好食, 三文魚同檸檬、芝士的味道都幾夾, 好快就食了幾件~~

其實仲叫了一份蘋果合桃意大利飯, 不過冇影相, 因為掛住傾計同食嘢~ 不過個人都唔係太滿意個飯, 蘋果同合桃粒的配搭幾有趣, 但味道不算突出, 下次如果再食應該唔會叫了~~

計哂所有點了的食物同飲品, 都係4百幾蚊埋單, 平均每人一百幾蚊, 以4人晚餐來說不算好貴啦~~

"大熱"食店只可以坐90分鐘, 這裡就唔同, 轉眼就坐了3個鐘, 大家吹水都吹得好開心~~ 好快到朋友的婚禮又可以再見到大家了~~

http://www.caffehabitu.com/

https://www.facebook.com/caffeHABITU

http://www.openrice.com/zh/hongkong/restaurant/%E5%B0%96%E6%B2%99%E5%92%80-caffe-habitu/49466