遠足@大欖郊野公園+大棠秋葉~

幾乎有一個月冇寫blog, 其實這個月都有不少事情發生, 要慢慢逐一補回先~~

不如就先說這次小遠足~

為了實踐行山的願望, 這次就選擇由大欖涌水塘開始, 我們先到了小欖段的水壩位~

雖然大欖涌水塘不是全港最大, 但天氣好的時候望下去, 真像一個漂亮的湖~~ 老公11月時都去過, 相片影得比這次好好多~~

這張就是了, 完全沒有修飾, 天氣好一點, 真係好唔同~~

秋天小遊(2)~

個多星期前, 終於"的起心肝"去了行山~~ 其實不是行了好遠, 不過沿途都見到不少有趣事物~~

天氣變幻莫測, 影相見到好多雲, 轉眼又有陽光了~~

能夠遠望整個社區, 看到新起的建築物, 相信假以時日, 從這裡望的風景又會不同了~~

近來的DIY~~

隔了一段時間冇寫blog添~~ 要快d補番先~~

月頭同朋友參加了團購整氣球班~ 整咗呢個小公主~~ 睇落好似好易, 其實都好多個步驟, 而且自己真係唔係好識得扭波, 又驚爆波, 好彩冇~~~ 見到其他人好快就整到, 自己有幾次都要miss幫手先搞得掂~~ 整完個樣都好可愛, 不過氣球擺唔得耐, 幾日就漏咗氣啦~~

有興趣可以看看它們的網站同FB, 有好多裝飾同佈置, 什麼場合都有架~~

囍點製作 (BalloonCake): http://www.ballooncake.com/

之後又參加了整macaron袋仔~~ 又係揀咗藍色~~ 真係好迷你, 但都係好多步驟, 聽少一陣都唔得, 好彩雖然多人一齊學, 但miss都好用心教授~~ 整咗幾個鐘先掂~~ 買多了一包材料, 遲d有時間再整多個玩吓~~

呢間workshop仲有好多班, 例如結婚證書套, ring pillow, scrapbooking, 餐巾拼貼, 羊毛氈, 布公仔, 手縫bb鞋, 親子班, 咩都有, 又有材料賣, 荃灣課室的環境好大好舒服, 有興趣可以參加, 中環都有班的~

Teapot Art & Craft Workshop: http://zh-hk.facebook.com/TeapotArtCraftWorkshop

唔知嚟緊又參加咩DIY班好呢?~~ 大家又有咩心水?~~

秋天小遊山頂~

好耐都冇時間周圍行, 於是揀咗去山頂, 扮吓遊客先~~

依家無論去任何景點都係超多人~ 去等纜車, 都排咗差不多1小時先搭到, 唯有影吓纜車站~~ 望落多年都冇變咁, 定係有自己唔知呢?~~

搭車想有位又係要同一眾遊客競爭, 記住坐3座位那邊, 無論上落都係, 就可以睇到海景~~~ 暫時纜車都係紅色, 唔知第時又會唔會換新車?~~

我們買了纜車套票, 除咗包纜車來回, 仲包一次上去凌霄閣的360觀景台~ 都係第一次上去, 其實都係睇維港景色, 叫做比山頂廣場同環山徑高d, 景色點睇都係好靚, 而這個觀景台要收$30才可以上去, 似乎就唔算好值得, 不過當試一次去睇吓~

其實都有好處, 收錢嘅地方少人d, 看風景都好d~~

另一邊可以看到薄扶林水塘同南區 (水塘好似一塊鏡~~), 不過當日陽光太耀眼, 影出來濛濛的~~~

凌霄閣頂樓有人, 就是360的位置~~

之後行了山頂廣場一陣, 去了食haagen dazs, 不知不覺太陽開始下山~~

決定要快d去今次嘅目的地~~ 就係山頂公園~~

山頂公園係喺柯士甸山道行上去, 行了約10分鐘會先去到柯士甸山公園~~ 係一個西式設計的公園, 都幾多人喺度玩、喺草地野餐、放狗等~~ 很舒服嘅地方~~ 仲見到呢種好得意嘅小花~~

再繼續行上去, 行多20分鐘~~ 一邊行一邊見到幾個小公園, 很多草地, 人不多, 如果唔係要趕上山, 真係好想停低影多啲相同享受一下~~

終於上到山頂公園了~~ 太陽差唔多冇哂, 見到如彩虹的環帶~~~

原來山頂公園就係呢個亭, d劇集好多時都見到d角色嚟呢度~~ 如果有車, 揸上嚟有停車場, 方便過行路, 難怪有一班外國人來附近的草地野餐玩樂~~

之後就要趕落山, 因為個天黑得好快, 行到半路已經著哂燈~~ 其實幾有情調~~

落到山真係黑哂啦~~ 都走去行環山徑睇夜景先~~~ 條路好黑呀~~

不過就係要夠黑先睇到香港的夜景~~ 世界新三大夜景之一, 就在這裡~~ (不過自己個相機係影到咁多, 實景無論幾時來看都更加美~~)

之後去埋"老襯亭", 同啲遊客排咗一個鐘先可以坐纜車落山...如果有得揀, 大家真係要考慮好唔好坐纜車上落, 不過呢個方法真係最有風味的...

最後剛好8:30去了鴻星食大閘蟹, 雖然有8折, 不過都唔平, 但真係好好味, 超多膏~~~

咁就完成咗做"遊客"的一日~~ 有老公陪一齊玩真係好開心~~~~

美食小記~

剛剛去了荃灣遊一轉~~ 食到好飽呀~~

先去了"古法烘焙"試了它們新出的叉燒雞蛋仔~ 這是個"快閃優惠", 2小時之外出示它們FB的"叉燒相", 就可以免費試食~

如果去過荃新天地, 一定見過呢間舖頭~~

呢份就係叉燒雞蛋仔~ 樣貌同普通雞蛋仔好似冇分別, 但味道真係好有趣~~ 當然有叉燒味, 入面原來仲有蔬菜做餡~~ 當時老闆都喺舖頭, 就解釋雞蛋仔入面的蘿蔔、洋蔥絲, 浸了叉燒汁一段時間, 之後再加入雞蛋仔入面~~~ 第一次食咸的雞蛋仔真係好特別, 而且新鮮即製熱烘烘, 如果第時真係推出, 真係推介大家買來一試~~

呢間店仲有杏仁批、老婆餅、鳳梨酥等都很不錯~~ 有機會真想再食~~

為免好似"賣廣告", 介紹埋另一間老字號, 就是民豐粉麵行~~ 食完雞蛋仔就去咗試~~

呢個韮菜餅即製, 又熱又脆, 真係非常好味~ 入面除了韮菜, 仲有豬肉, 餅皮薄而餡多, 難怪很多人買~~

仲買咗糯米糍~~~ 相中入面係花生味, 比起平時買的大個好多, 而且皮又係超薄, 餡料超多, 食嘅時候幾乎飛到周圍都係~~ 甜得來不是"死甜", 有花生香同咬感~~ 又一推介~~ 芝麻味都係好好食~~~

食埋呢d小食, 幾乎唔駛食飯~~ 不過睇戲之前都同老公去了食碗麵先~~~

看了"閃亮人生"~~ 雖然是外語片要靠睇字幕, 不過都好好睇~~ 是真人真事改篇, 片末可以見到2個真人, 當然樣貌同演員好唔同~~ 兩位主角的友誼令人感動, 2個演員的演技真摰, 而且好多笑料 (例如黑色、黃色、桃色等等~~), 很有人情味的一套戲, 同"桃姐"都係主僕關係, 但故事同感覺都係好不一樣~~ 又係好值得推介去睇~~~

咁又一日開心假期了~~

整cupcake~

好耐都冇整DIY了, 成日都好想又整D得意嘢~~ 之前留意到有個整"cupcake"的課程, 8月報名, 等到9月先有得上~~

雖然不算好多人, 不過小班教學嘅好處就係miss可以好好"照顧", 每個步驟又可以清楚看到, 又可以逐步落手整, 慢慢嚟都得~ 不過都好彩個班冇因為少人而取消~~

下面就係成品啦~~



其實唔係真正的cupcake, 而係一個卡片座~ 擺相都得架~~~

原來都唔係好難整~ 用miss提供的材料A加上材料B就會整到"餅底", 當時2樣材料混合之後就會即刻升高, 真係好似整真嘅蛋糕~~ 材料A同B的比例是0.78比0.11, 如果多咗B就會好似左邊那個"失敗品", "發"得太多~~ 但其實都好可愛~ 因為2種材料都是"秘方", 如果自己想再整就唯有用其他替代品 (例如樹脂黏土~)

之後, cupcake上的忌廉是用玻璃膠+玻璃彩整的, 而熊仔就是用黏土+油彩再油上塑膠彩整的, 再加上裝飾品, 待乾一晚, 就完成了~~

很感謝miss的用心教導~~ 她有fb介紹, 如果成日去手作活動或義賣都會見到她的作品~ 如果想上堂, 不定期都有班, 除了整cupcake仲有其他手作~~

CatrabbitSky (貓兔子的天空): http://www.facebook.com/#!/CatrabbitSky

 

美味小吃~

近來吃了幾款零食都好好味~~ 簡單說一下~~




之前在團購買了Venchi的朱古力月餅~~ 包裝很精美, 打開之後真係唔捨得食~~~ 它是實心朱古力, 內有很多脆米, 還有一個用脆米整的"蛋黃", 感覺有少少似食"金沙", 但當然味道更好~~ 不過由於都係試吓, 只買了一個, 早知買多一兩個~~ 個團購優惠仲有4球雪糕, 換領當日就試了牛奶味, 同很久之前試過的朱古力味一樣, 都係味道濃郁, 正~~ 而且尖沙咀店的老闆真係幾好人, 很好服務, 真係值得推介~~

有次去"荃新天地"一期就拜訪了"古法烘焙"~~ 可惜已吃飯, 試不到特色雞蛋仔, 於是買了杏仁批、鳳梨酥同迷你老婆餅~~ 個人覺得3款味道都好好, 例如鳳梨酥甜而不膩, 有少少菠蘿絲~~ 老婆餅都有淡淡的冬瓜蓉味道~~ 而杏仁批好鬆化, 都係sales俾我們試食先買~~ 價錢不算好貴, 有時想試試與眾不同的小食可以買來試吓~~

"煮婦"生活~

結婚已一段日子, 生活真係愈來愈忙, 有時放工返屋企煮埋飯洗完碗都已經幾攰, 有時又要處理大小家務, 周末假期好多時都俾了2家長輩, 雖然忙不過都係開心嘅, 只不過個blog就update少了好多添...

講開煮飯, 自己婚前真係好少煮嘢食, 因為靠哂屋企人, 而且家中的煮食設備又麻麻, 而且又煮又洗都係辛苦, 於是都係少煮為妙~ 婚後大小事情都要自己負責, 惟有學煮飯~ 學了一段時間都有少少進步嘅~~ 當然是參考了不少資訊 (後段就會介紹~~~), 試吓煮唔同嘅食物:

1. 茄汁煎大蝦~~ 當然除了茄汁, 用蒜茸蒸都係常用方法~~

2. 蜜糖雞翼~ 又試過黑椒、土匪雞翼...諗起都好味~~

3. 蝦膠釀冬菇~ 釀冬菇的菜式又係可以好多變化, 例如鯪魚滑、墨魚滑、免治肉等~

4. 蜜桃豬扒~ 轉為菠蘿豬扒、蜜桃雞扒或者用其他水果都得~~

5. 雞絲粉皮~ 自己去食上海菜成日都會叫的菜式, 原來自己整都不算好難~~

6. 蒜茸粉絲蒸帶子~ 去酒樓都唔係可以成日食, 原來自己整都ok~~

7. 茄汁龍利魚~

8. 薯仔炆雞翼~ 自己好鍾意食嘅2樣食物加埋一齊~~ 用豬扒、免治肉都得~~

9. 參考了"深夜食堂煮婦同樂會"的肉片捲車厘茄~~

10. "螞蟻上樹", 就是肉碎炒粉絲~~

11. 芝麻雞扒~~ 原來用自選汁料整雞肉, 加上芝麻就成~~

12. 玉子豆腐又係好好用, 放肉碎、蝦膠喺上面蒸已經不錯~~

上面都係一啲小小分享~~ 因為個人對材料、調味份量好隨意, 又或者參考他人食譜, 所以自己就不打食譜~ 如果大家想找其中一些食譜, 只要於google、yahoo search打上面那些keywords應該就會搵到~~

而平時自己都有參考這些資源:

簡易食譜 (作者識整好多簡單又美味的食譜, 很多讀者的~): http://www.christinesrecipes.com/

Daydaycook: http://www.daydaycook.com/home/2/index.html

多多煮食 (有好多blog友提供食譜): http://dodocook.com/

金寶湯: http://www.campbellskitchen.com.hk/zh/

史雲生: http://www.swansoncooking.com.hk/zh/

家樂牌: http://www.knorrtips.com/

嘉頓: http://www.garden.com.hk/Main/HK/Nutrition-Life/Baking-Recipe.aspx

希望這些資源對大家都有用~~

南生圍~

八月的一個下午, 剛入了元朗忙點事情, 又未到晚飯時間, 於是決定去南生圍看看~

原來去南生圍一點都不難, 只要在元朗西鐵站A出口, 找到元朗舊墟路, 直行到尾轉右入山貝(背?)路, 再行一小段見到有牌寫住"南生圍", 轉左再行一段路入去, 就到了往南生圍的橫水渡碼頭~ 如果不想行, 可以於元朗西鐵站或元朗同益街市斜對面坐611綠色小巴於山貝路下車便可~ 如果揸車就要找南生圍路, 去到盡頭有個停車場, 行入去就是了~

行到去河邊, 對面就是南生圍~~ 這條原來是錦田河~ 後來上網看地圖才知道~~

橫水渡來了~~ 每人$5, 人+單車$6, 其實坐3分鐘都冇, 因為對面個小碼頭其實好近, 主要目的就是過河, 還有體驗坐"橫水渡"的氣氛~~ 每次最多9-10個人, 如果有單車再少幾個, 所以看準時間趁冇人就搭, 可以省下排隊的時間~~

沿路行入去就是南生圍了, 看到那些熟口熟面的樹, 長得又高又漂亮~~ 睇劇集都成日見~~~ 我們去的日子是假日, 周圍都有人, 跟人行一定冇錯~~ "入口"那裡有間士多, 不過這次到來的時間不長, 所以不用吃喝~~

我們去的時候是下午, 太陽已經開始下山~~ 當日天氣普通, 偶見藍天, 但雲比較多, 好處就是不算好熱~~ 風景很不錯, 個個都舉機拍照~~ 我們因為即興, 冇帶相機, 唯有用手機影~~ 出來效果都不錯~~

行了一段路, 見到有間荒屋, 個個都行入去望, 我們又跟入去睇~~~

入面好舊好殘, 仲因為落雨有好多積水, 而且本身又有垃圾, 不過可以行上去第2層, 望下去的風景好好~~~ 幾乎見到整個南生圍的面貌~~ 行入去荒屋的路好多草, 一家大細真係要小心~~

草、草、草~~

樹影~~

有點搞笑, 不過真係唔想公開不太好看的素顏, 唯有遮一遮~~ 但終於有機會在這裡影相, 很多來南生圍影婚照的新人都會站在這裡拍照~~ 當日都見到有2對新人影婚照~ 又見到有學生哥坐在渡頭上, 來張"那些年"的照片, 都很不錯~~

時候不早, 要回程了~~ 又手多多影了幾幅相~~~~

南生圍風景怡人, 更是重要的天然濕地, 是不可缺少的"市肺", 希望大家努力保護~~ 有機會再踩單車嚟先~~

澳門2天遊~

7月中時找了2天去澳門自遊行, 因為老公的假期剩下的不多, 都係決定儲蓄一下 (無論是假期定係錢~), 遲些再去長線旅行~~

這次參加了銀河酒店的package~ 早上落船當然即刻坐免費巴士去酒店check-in~ 不過最快都要下午3:00先有房, 幸好行程已經另有安排~~

我們的房間都算不錯, 有個小露台, 望到泳池同人工沙灘 (即係天浪淘園, 有人工海浪~), 第2日早上都有去玩, 真係幾有趣, 仲去浸按摩池, 不過d水係熱架~~~ 而這間銀河酒店同其他新式酒店一樣, 都係咩都好大, 周圍行少d腳力都唔得~~

曲奇DIY包初試驗~

之前貪得意在團購買了一份整玻璃曲奇的DIY包~~ 很久以前已經想試整, 不過一直都未諗到買咩牌子嘅焗爐, 所以未有得整......後來上個月同事俾咗個舊焗爐, 又見到這個DIY包, 於是就決定試試~~~

DIY入面已經有哂幾乎所有材料, 例如麵粉、FOX糖、大小餅模等, 仲有黃色那份就是預先整好的混合物~ 自己拎一隻蛋出嚟就得~

先預熱焗爐, 將所有材料加蛋撈埋之後, 就幾乎完成~ 之後用餅模cut出星形圖案, 再於中心用細模cut多次, 就有個位可以放fox糖~ 不過個餅模比較細, 加上自己手勢麻麻, cut咗一段時間先整到十幾個~ 最後就放入焗爐焗15分鐘~

完成了~~ 不過唔係個個焗完都ok, 因為糖溶了黏底, 拿起的時候整爛了好幾塊~~ 上圖那些就是最完整的了, 不過樣子都係麻麻~~

用附送的袋裝好, 個樣真係可以騙人~~

不過原來fox糖放在室溫好易溶, 結果擺咗喺枱度一日d糖又溶了, 所以下次唔食住要擺喺雪櫃~~

至於味道, 尚可, 始終都是預先"整好"~~ 有咗呢次經驗, 下次要完全DIY, 希望味道會更加好~

簡單小甜點~

自己是一個烹飪新手, 所以見到各位blog友的精心又慳錢又美味的食譜, 就覺得自己應該再多試一下再share自己的經驗~~ 今次講吓自己玩玩吓的"煮食"經驗先 (其實連火都冇開, 係咪叫煮嘢呢?)~

一段時間前見過同事用朱古力同脆米整choco bar, 自己整的就是簡化版~

先用熱水座溶朱古力, 由於唔需要煮, 基本上用任何朱古力都得, 只要冇夾心淨朱古力就ok~~

之後開了一包之前冇食到的細包乾果cereal, 一盒細包裝cereal可以用2大塊朱古力, 用這款小的cup cake餅模約整到6個, 如果鍾意多cereal, 可以少d朱古力, 反之亦然~~ 其實無論cereal定係朱古力, 用自己鍾意食的就ok, 個人覺得cereal有乾果或者較脆的, 整完之後有口感多啲~~

之後用匙羹將適當份量放入紙模, 又係按紙模size同款式去放適量就得, 最緊要成品唔好太小或者走樣就得~~

最後放入雪櫃普通格, 雪硬了就ok~~ 用不同朱古力/cereal, 或者朱古力同cereal份量比例唔同, 味道/感覺都有唔同~~

如果真係好有時間, candy corner真係可以考慮自製這類超簡單小食~~
 

團購DIY: 印仔+咖啡拉花~

都有諗過好唔好分開2個post, 不過都係一次過講哂~~~

之前同朋友參加了2個團購的DIY, 首先就是印仔DIY~ 上課地點又是Handy Craft Fun~ 這次去到, 人數比上次仲多幾多, 20多人在上課......好彩仲夠位坐, 而且導師仍保持服務態度, 雖然人數安排可以改善, 不過她們都很有耐性教我們, 所以都可以接受的~~

說回自己的作品...因為自己真係第一次整, 所以已經選了一個好簡單的"speech bubble"圖案, 不過之前練習雕直線同曲線都用咗好多時間, 所以雕完這個bubble已經過了2個幾小時......看來自己整印仔冇咩天份, 有機會都係要練多d~~ 請朋友幫手淘d刻印工具, 遲d自己再玩玩先~~ 其實學了基本功, 相信練習多d應該可以雕得更好~~ 我的朋友整了一個女孩印仔, 好可愛的~~~

(用手機影, 所以濛濛地~~) 上圖就是整了好耐的第一個成品, 真係整得麻麻, 下圖就是一路整一路試印的結果, 看得出它如何"進化"嗎?~~ 整的過程都少少辛苦, 不過都算好玩, 其實對於好多人來說好簡單, 自己就要d時間掌握~~~


另一次就去了學咖啡拉花~~~ 都係朋友有興趣就一齊玩~~~ 這次的店子是accino coffee~ 導師又是很用心教授, 又係玩到超時都俾我們繼續, 而且就算沒有買它們的產品都ok, 服務都是不錯的~~

原來拉花的秘訣就是要整到拉花用的牛奶, 牛奶要用特別方法打入空氣, 才會有那種柔滑而飽滿的質感, 先可以在咖啡上拉花~~ 而咖啡本身又要有一定的濃郁度, 先可以"固定"拉出來的圖樣, 唔係就會好易走樣或者融化...這間店教的方法就是用它們的工具, 先將奶煲至60度, 再用它的特別"泵", 將空氣打入奶中, 壺中的奶湧上嚟就代表成功了一半, 之後要倒入另一個壺搖晃及敲走奶入面的氣泡, "奶cream"整好了, 才可以開始拉花~~

 

整好奶cream已經幾難, 真係要拉個圖案出嚟原來仲難...就算係最簡單的心形同葉形都係不停失敗...... 上面圖見到的"白雲"同"羽毛"就係差點成功的版本, 不過比起導師拉出來的示範作或者平日在cafe見到的仲要差好多~~ 拉花好難, 唯有玩畫花, 用朱古力煉奶畫圈圈, 再用工具畫幾筆就有一朵花~~~ 成功感大好多~~~

第一次玩真係幾有趣, 不過就要不停煲奶, 而我們練習時不是用咖啡, 其實是用朱古力/柯華田+朱古力粉...雖然都可以攞咖啡試, 不過拉來拉去都唔成功都係唔好太浪費...其實20個人平均每人用了2盒多牛奶, 可以想像我們用了不少資源......幸好都係只此一次, 因為問過, 一係屋企有可以打奶cream的咖啡機, 唔係就要買這套工具先整到, 結果當然冇買, 都係玩一次好了~~ 淨係畫花都ok~~ 之前或近來都見到不少公司有咖啡拉花玩, 有興趣的blog友都可以去試試~~~

DIY真係有好多不同方式, 可以同朋友一齊學又好開心~~~ 下次又有DIY學, 遲D再分享~~~<

韓國遊: 食物+手信~

終於寫到這個部份~~ 究竟幾日來吃了什麼呢?~~