新加坡自由行: 行程index及有用網站

終於寫哂呢個新加坡遊記, 為了方便去新加坡自由行或旅遊的朋友, 於是稍為整理了行程:

新加坡自由行(6): 樟宜機場蝴蝶園 (Butterfly Garden)

終於登出尾二的一篇遊記~~~

旅程最後一天, 上午10時上機回港 (又是因為遲訂機票...), 為了爭取時間看最後一個景點, 7時出門, 乘巴士再轉MRT, 幸好一切大致順利, 約7時50分去到樟宜機場~

第一件事就是在下車的地方, 即係Terminal 2的MRT站票務處, 將2張Singapore Tourist Pass退回...因為那間office要8時才開門, 排隊時有點不愉快, 明明人家貼了告示叫人在票務處門口排隊, 前面那堆遊客就亂排隊, 排了在另一邊嘅欄杆......見到呢個定時定刻先開嘅office已經唔好氣, d人仲要亂排隊, 咪同佢哋講叫佢哋排番好......個人真係好唔滿意新加坡旅遊局咁樣對遊客......

當個office一開, 已經有條人龍, 好彩嚟得早, 唔駛等好耐退票成功, 攞番$20 SD就可以在機場買手信~~ 不過買手信之前, 就是要去辦理check-in同寄行李......又一個令人氣結的地方......我哋排得早都排了45分鐘......如果喺香港, 唔駛半個鐘一定ok......呢度?? 2條長龍都係開4個櫃位, 仲要有2個counter都是服務商務/頭等旅客......即係得2個counter服務幾十人, 而且個個都n件行李, 地勤又慢條斯理......新加坡的CX同香港的服務真係差咁遠? 定係星航會好D?......總之香港的服務一定好過新加坡多多聲......大家在旺季自由行, 就可能會遇到呢D障礙, 真係要小心小心......

搞完一大輪已經就嚟9點...9點40分上機, 突然又好趕添, 不過點都要去蝴蝶園~~ 即刻行去坐skytrain去terminal 3~~ 好彩去到T3, 搵了一輪, 終於搵到啦~~ 剛好9點~

這個就是入口~ 它"躲"在一堆商店後面, 不太容易找, 幸好都來到~~

地方不算大, 但環境優美~~~

菠蘿片上面有好多蝴蝶呀~~~ 牠們乖乖地享受食物, 我們就乘機欣賞牠們~~

朱古力布朗尼 (Chocolate Brownie)

之前一直好想整brownie, 因為自己太鍾意食朱古力和有關的食物, 於是終於找到機會開工~~ 謝謝老公幫我買部份材料呢~~~ 今次是參考了Yahoo新煮意的"核桃朱古力Brownie"食譜: https://hk.promotion.yahoo.net/cooking/2014021020652/

先看看成品啦~~

近來煮意~

好似有一段時間都冇分享過自己整的家常菜~ 不過個人整的食物太簡單, 幾乎冇咩食譜, 將材料整好炒埋或蒸好就ok了~~

鯪魚肉蒸蛋卷~~ 這是參考了他人的食譜 (可惜不記得了食譜書的名稱)~~ 只要煎好一塊蛋餅, 之後擺入鯪魚肉 (當然唔好擺太多), 之後捲好就原條蒸熟, 然後切成一片片就ok~~

南瓜炆雞翼~~ 切好南瓜, 調好雞翼的味道, 之後放落煲, 加水加汁, 炆20分鐘便可~~ 可惜家中沒有什麼名牌煲, 不然上碟和味道可能都更好~~

茶點@麻布茶房~

麻布茶房曾經在香港開了一段時間, 不過以前總是沒有機會幫襯, 先前有段時間因為經營不善而結業, 心想應該沒有什麼機會再試, 估不到它近來再一次在香港捲土重來, 於是把握了機會去試它最有人氣的雪糕~~

晚飯@利小館~

之前知道利小館開了第2間分店, 距離比較近, 於是想幫襯一下, 點知幾次經過都頗多人等位, 今次終於即刻有位, 入去試試先~~

我們叫了3碟, 如果多些人來就可以試吓不同的食物, 不過唔緊要啦~~

先食一個雞絲拉皮......見到呢個名我們都有點驚訝, 明明就係雞絲粉皮, 為何改叫"拉皮"呢?...唔通係拉過先煮的嗎?...不過味道就是合格的, 芝麻醬夠濃夠味, 粉皮好似比平時的較闊少少~ 另外除了青瓜絲及雞絲, 還加入了蘿蔔絲, 不過個人覺得味道沒有因為變得更突出, 同其他食店的差不多~

晚飯@目利きの銀次~

之前又是被雜誌和網上的介紹吸引, 去了幫襯這間日式居酒屋~ 銅鑼灣和屯門分店相比, 都是屯門近一點, 於是去了V-City~

去到剛好不用等位, 不過只能坐bar枱, 後來睇番openrice的介紹, 原來要book位 (或者早到) 先可以坐那些特色木桶坐位, 不過唔緊要啦, 裝潢都係其次, 食物的味道和價錢才是更加緊要~~

Bar枱對住幾位廚師的工作枱, 是居酒屋的特色之一, 不過個人就慶幸可以坐在最角落的位置, 不用直望幾位廚師在煮食, 因為感覺比較有壓迫感......座位不算闊, 不過都算舒適...看了其他食評, 似乎銅鑼灣店的面積及裝潢更加漂亮~

先來了一個冷柚子炸蝦烏冬~ 蝦是新鮮熱辣炸起, 味道不錯~~~ 烏冬配上蔥花、蔥絲及烏冬汁同吃, 滑溜亦彈牙, 而且烏冬汁的味道也很濃郁~~ 不過份量不多, 就已經幾乎百元一碗, 可能同類的食物在"和民"、"笑笑"等食店會便宜更多但味道差不多吧?...

晚飯@翡翠拉麵小籠包~

翡翠拉麵小籠包其實已經幫襯了不少次, 灣仔、德福、屯門、荃灣等分店都食過, 但唔知係因為環境定係真係味道, 總覺得灣仔這間係當中最好食的一間~~ 是日又去食晚飯~~

新加坡自由行(5.3): 小印度 (Little India)

其實之前都寫好了新加坡的遊記, 不過復活節同佛誕假期又去了唔同地方, 所以未upload完成~~ 短期內完成埋啦~~~

上回講到我們遊覽了新加坡植物園之後, 行了去烏節路~~ 點解這篇不加上烏節路作為其一? 因為其實我們最後都只是由公園行過烏節路 (Orchard Road), 再去搭地鐵~~ 如果去新加坡冇去過烏節路, 好多人可能都問, 究竟你係咪真係去過新加坡, 所以由公園行出嚟行過去, 都有些期望, 看看有什麼特別~~

到了烏節路的入口~~

再行, 去到中心地帶, 就見到這間出名的酒店~~

還有這個旅遊書介紹的新商場~~ 不過總之周圍都係人同商場, 可算是新加坡最熱鬧的地方之一~ 不過物價就同香港有得比, 甚至更貴, 絕對冇購物的必要......其實旅遊書都話去武吉士 (Bugis)購物就好d, 不過都係嗰句, 冇時間, 因為老公想去的真正景點是小印度 (Little India)~  結果不用半小時就由烏節路坐地鐵去了小印度~~

小印度可能就係另一個去新加坡必去的景點之一, 因為來旅行之前, 幾個親友都不約而同話來呢度參觀, 因為這裡很有印度風情, 於是下午就過來看看~~ 從地鐵站出來不久就見到這些彩色排屋, 不過店舖就不是間間都係南亞店, 好多都係中國人開的~~

晚餐@屯門咖哩屋~

趁住有機會, 我們又去幫襯一間"慕名以久"的食店, 就是"屯門咖哩屋"~~

曾經食過元朗人氣的石崗咖哩屋, 不過食完依稀記得印象普通, 唔知呢間又點樣呢?

(差點食哂才記得影, 另外又係冇開閃光燈, 因為怕嚇倒其他人...) 一入去坐下, 侍應就送上餐前小食, 我估係迷你炸雞件, 配上2款咖哩醬~ 紅色咖哩味道獨食, 綠色就較淡味~~~

比較了餐牌的菜式, 對於第一次光顧的我們來說, 都是叫套餐較便宜~~ 於是叫了一個2人餐~~ 喝了淡淡的粟米雞湯 (其實味道唔錯~), 就來了小食, 又是雞件, 不過今次大件d和有配菜的~ 雞肉都嫩口, 不過咖哩不算入味~~

屏山文物徑小遊: 華嫂冰室~

當日遊覽屏山文物徑的時候, 已經想去試華嫂冰室, 不過見時間緊迫, 加上知道它是近期的人氣食店, 成日排長龍, 都不抱住太大期望~~~

行完鄧氏宗祠及書室之後, 於是就抱住一試的心態, 去看看仲有冇位~~ 結果很幸運趕了"尾班車", 做了尾二的顧客~~~ 之後再有人走過去, 都話已經唔落單唔收客, 當時都係下午4時半左右~~ 難怪blog友食記M都話應該4點半之前就要去幫襯~~~

(等位的時候, 已經幾乎拉閘, 即係今日滿額, 唔再接新客~)

之後, 等了一陣就有位, 因為我們已經係最後一批人, 反而唔駛等好耐~~

不過幾乎人哋收工先幫襯, 好多有名食品, 例如人氣菠蘿包已經賣哂, 於是就叫有的食物吧, 包括奶茶、豬扒包和蕃茄通~~

因為自己覺得有點冷, 人氣的冰花奶茶沒有點, 只叫了熱奶茶~~ 不過雖然只是奶茶, 但係茶味很好, 不用落糖又有茶及奶味~~ 同大發餐廳的金奶茶有得比~~~ 水準很高哩~~ 難怪有人入唔到去食嘢, 都叫了奶茶外賣~~~

屏山文物徑小遊~

參觀了屏山鄧族文物館, 我們就向文物徑進發~~ 不過由於我們是在文物館出發, 感覺上都係有點"反方向", 不過其實參觀都可以有好多個方式~~~

沿屏夏路行了一會, 就見到坑尾村公園~~

這間是洪聖宮, 大約有200多年歷史~ 不過入面有神像, 不影了~~ 面積不大但入面經過一番修飾, 挺古色古香~~

廟的隔離有間書室~~ 不過後來再看介紹, 它原來不是文物徑的一部份...

這裡叫"若虛書室"~~ 不過早已不是書室, 而成了村民休息的地方......

入面有不少雜物, 牆上的壁畫望落新淨, 應該都是後加的......可能因為它是私人物業, 又或者它比較新, 所以不算是古蹟吧.....

另一個角度看坑尾村公園~~ 後面那些村屋可能都有幾十年歷史~

之後根據指示牌, 轉入一條街, 就見到覲廷書室~~ 隔離較細座的是清暑軒~~ 當時仍然開放, 當然入內參觀~~

屏山文物徑小遊: 屏山鄧族文物館~

之前見到EE blog和其他blog友都去了屏山文物徑行了一圈, 都好想去參觀一下~~ 其實這條文物徑離家不遠, 既然有時間就起動啦~~~

我們行的路線可能同其他人有少少唔同, 先坐輕鐵去了屏山站, 沿屏夏路行3分鐘再轉上屏山竹林徑, 行多3分鐘上山就到~~~

見到指示牌, 跟住行上去便可~~~

中途見到2隻可愛鳥兒~~~ 返去再上網查, 應該是紅耳鵯的幼鳥, 因為牠們沒有紅色斑, 但樣子好似~~~

前身為屏山警署的屏山鄧族文物館 (暨文物徑訪客中心)~ 先來這裡有個好處, 因為我們對文物徑所知不多, 於是先來這裡了解一下文物徑及警署的歷史都唔錯~~ 而且我們還剛好參加了導賞團~~

香港地質公園遊@鴨洲 (4)

同吉澳拜拜之後, 去到行程的最後一站: 鴨洲~~ 最初以為鴨洲的英文名係唔係Duck Island, 不過原來都係叫"Ap Chau"~~

在船上遠看,可以見到著名的鴨眼~~ 岩石上突然有個洞口真係幾不可思議~~

島上有個小亭, 最初都冇諗住會上到去, 不過......請看下文~~

愈來愈近了~~ 看得愈來愈清楚~~

繞到鴨眼的另一面~~

一陣間大家就可以上去看看~~

鴨頸位置和東平洲的斬頸洲有點相似, 都是兩邊斷開, 不過斬頸洲是完全斷開, 這裡就不是~~

看到鴨洲上的房屋~~ 之前去吉澳時已經看到~~

香港地質公園遊@吉澳 (3)

上篇遊記說到荔枝窩~ 我們離開了這個隱世村莊之後, 就坐船去吉澳吃午餐~

在船上先看到一個小島, 原來是下午會去的鴨洲~~ 下篇再分享這個小島的相片~~

之後, 遠遠看到吉澳了~~ 原來印塘六寶的其中一寶就是吉澳的黃幌山, 不過當時導遊冇講 (或者我哋冇聽...), 都唔知邊個山係喇.......

這裡距離深圳的鹽田港不遠, 很容易就看到整個貨櫃港口, 還有一隻隻大貨船~~

接近碼頭的時候, 又用相機記錄吉澳小島的風光~~~ 相比長洲、南丫島的人山人海, 這裡似乎仍保留了離島的悠閒風情~~ 不過我們2百多人一湧而去, 一瞬間又破壞了這裡的寧靜......