第一次整冰皮月餅~

7月學整冰皮月餅似乎早了一點, 不過工聯會已經有不少整月餅的課程~~ 既然有一日假期, 就選了其中一班來學吓整~ 雖然網上有好多食譜, 但自己咩材料同工具都冇, 參加興趣班就咩都有齊, 又有人幫手洗碗同清潔~~ 今次老公都貪得意, 一齊去上堂~~

今次學整的是"香芒鮮奶冰皮月餅", 用芒果同奶皇做餡~~

呢件成品算比較好樣啦~~ 第一次整都係技藝未精~~

漫遊西貢海岸(1): 天文公園、糧船灣~

上次參加完街坊團之後, 一直心思思想再去地質公園其他部份, 於是參加了團購, 報名去萬宜水庫東壩看「六角柱群」、破邊洲、橋咀洲、以及天文公園~~ 團費比上次街坊團貴, 不過都唔駛2百元, 包一餐海鮮午飯, 決定一試啦~~

晨早就要去西貢新公眾碼頭集合, 已經有好多團友在等船~ 登記完之後都排了一陣, 9時多才上船~ 未上船之前就影吓碼頭周圍的風景~

有段時間冇來過西貢市了~~

上船出發啦~~

颱風走了2日, 於是天氣算不錯~~ 初初都擔心呢日會落大雨~~ 幸好有藍天白雲伴航~~

再整朱古力蛋糕~

之前整朱古力布朗尼的材料還未用完, 於是"的起心肝"再整多一次~~

今次一改形式, 用即棄模墊住~ 有點浪費, 不過吃的時候可以墊住, 同埋唔駛洗個焗盤~~

炸雞拉麵@岡一拉麵

屯門有不少日式店舖, 自己也吃過不少, 壽司店例如元氣、板長、一壽司、爭鮮、明將等等都各有特色, 烏冬可以揀自家烏冬或甘味讚岐手打烏冬都不錯, 拉麵店又有幾間, 武骨、黑福多試過都味道合格, 不過如果想平平哋食吓, 附近都仲有不少標榜日式風味的小食店或餐廳~ 其中一間個人覺得唔錯的, 就是這間"岡一"拉麵~~

這間小店裝潢簡單, 只有4張枱, 多人的時候一定要搭枱坐~ 不過有得免費睇電視同看雜誌~

其實來過起碼10次以上, 亦有幫襯外賣~~ 除了就近之外, 附近咁多間標榜"日式"的店舖之中, 個人覺得這間水準最平均, 拉麵湯底有味得來不太鹹, 麵亦不會太"淋", 份量不多不少, 每次食完都剛剛好~

而店內提供的雖然只是普通綠茶, 不過味道不苦也不淡, 送飯送麵都OK~

近來每次必點的, 就是炸雞 (配烏冬或飯都得~)~~ 這裡的炸雞皮脆肉嫩, 脆脆哋又不失肉味, 30多元就有份質素合格的拉麵, 便宜過市區或區內好多店舖~~ 自己曾經點過的各種配料中, 吉烈豬扒、三文魚味道都OK, 但其他如肥牛、鴨肉、餃子等就普通, 鰻魚賣成六、七十元不夠抵食......所以近期都係鍾意炸雞~~ 近近哋可以食到近來大熱的炸雞 (雖然不是韓式), 而且價錢算平, 個人覺得不錯了~~

呢間食店係附近少數已經營業多年的日式店舖, 一直以小店形式經營, 只要它能保持水準 (或更進一步), 一定會繼續幫襯~~

http://www.openrice.com/restaurant/sr2.htm?shopid=43740&region=0&s=3

晚飯@上海婆婆~

終於輪到食呢間~~~ 其實之前佢未搬前都食過幾次, 亦都幫襯過其他地區的分店, 唔知佢搬了去V-City之後水準如何?~~

近來去到上海餐館都食的雞絲粉皮 (這裡叫"雞絲水晶粉皮"~)~~ 它的麻醬比較濃味少少, 唔錯, 而且有一定份量, 不會太細碟~~ 而且仲有麻辣雞絲粉皮可以選擇, 喜歡吃辣的朋友可以考慮一試~~

去PMQ看熊貓 + 晚飯@筷子記~

這篇blog出街之時, 那個"1600 Pandas (千六熊貓遊香港)"的展覽已經結束, 不過真係想記吓自己參觀的經歷呀~~自己是尾2那日去的, 因為最後一日驚好多人, 同埋話會打風, 於是趁好天就出發~

第一次來PMQ, 之前真係唔知點行嚟, 好彩老公識路, 由中環扶手電梯上去荷里活道, 之後再一段路就到~ 不過天氣好熱, 行到目的地已經成身大汗...

門口已經有熊貓迎接了~~

樓梯又有, 周圍都有, 隻隻都想影, 不過幾多人, 都係匆匆影了幾隻就算了~~

去到展覽範圍了~~

嘩~~ 真係好多熊貓呀~~ 當然人也好多呀~~ 個個都急不及待在拍照, 當然我們都係~~

隻隻睇落都幾得意~~ 真係佩服藝術家的心機~~

抹茶零食~

除了朱古力之外, 我都幾鍾意食抹茶零食架~~ 近來都貪得意買了一堆~~

有日阿信屋特價, 件件8折, 於是就一次過買了3樣~~ 包括2款抹茶朱古力餅、同抹茶kit kat~~ 抹茶kit kat見到好多人都鍾意, 偏甜但有少少抹茶味, 特閒食件好開心~~

晚飯@洋麵屋 五右衛門~~

日西式餐廳以前曾經幫襯, 不過印象不太深刻~~ 在openrice找尋晚餐食店時, 突然發現這間少有地沒有什麼劣評, 它的意粉同pizza係咪真係咁好食? 又有藉口試新嘢~~

日西式的餐牌~~ 選擇都不少, 不過晚餐價錢不算平, 都係試吓一個100元的意粉+pizza餐先~~ 2人就叫了2份~~

先來一碗日式清湯~~ 另外叫了抹茶牛奶凍飲~~ 清湯味道ok, 抹茶牛奶都不錯, 起碼唔駛另外加錢有得飲~~

足不出戶也有藍天~

近來終於有點時間坐在窗前看風景~~ 雖然住近山邊, 交通也不算方便, 不過卻有另一種風景~ 其實自己或老公不時都會拍吓窗外的景色~

之前要行山才看到的青山藍天, 其實屋企一望出去就有~

好大片雲團呀~~

過了一陣又變了另一個樣子~

藍天又來了~~ 不知這片風景還有機會看多久呢?~~

同場加映: 有次在家一望出去, 就是一個大大的月亮~~ 老公即刻行動, 用佢部無反機+腳架, 就影低了窗外的月亮~~ 這幅相係用paint放大了同修邊, 不過冇其他修飾了~ 清楚見到月亮上的紋理~~

有時天氣再好一點, 亦可以看到星星, 不過星星喺屋企或者平台都好難影, 因為周圍都是"光害"~ 不過看到都已經好開心~~

相信大家的家都各有風景, 好好欣賞和珍惜呀~~

晚飯@TOMATO OTAMOT~

第一次留意到這間餐廳好像是雜誌的介紹, 因為離家地點不太遠, 而且賣點是蕃茄濃湯, 如果煮得好食的話, 令人難以抗拒架~~~ 終於抽到時間去試吓啦~~~

很可愛的menu封面~~ 有諗點解呢間店要設計這個"相反"名稱呢?~~

精美的餐牌是很多型格食店的基本要求吧~~

餐廳不算好多人, 有段時間鄰枱冇人, 偷影了這一刻~~ 不過其實它有樓上雅座, 樓下、樓上都有位架~ 而且雖然冇人等位, 不過都keep住有客走入來~~

近來入手~

自己對穿衣不太講究, 除非有什麼重要場合~~ 所以買衫最緊要平、靚、正~~

大家都很喜歡網上訂衫, 不過自己就有點麻煩, 因為屋企冇人收貨 (亦都冇屋企人願意收貨), 公司地址又唔方便, 它們通常都係平日出貨, 一係就要自己去順豐攞, 浪費了免費或收費的運貨服務......試過幾次, 都係要等有免運費的減價才考慮是否購買~~ 淘寶嘛, 自己唔係好識整, 又唔知點集運, 又擔心質素, 雖然有同事識, 不過又唔想麻煩人家哩~~ 結果唯有幫襯一些"大路"網站, 可能不是最平, 不過勝在比較方便~~

個人幫襯過有其中2間~~

Nissen (http://www.nissen.com.hk/): 日本郵購網站, 不時都有減價或買滿特定金額免運費~~ 而且如果屋企冇人收貨, 可以(自己要求) 去順豐取貨~~ 有些款式都唔錯, 而且價錢不算貴, 又可以同時間幫仔女買衫~~

mydress (http://buy.mydress.com/): 呢間有個品牌叫"東京著衣", 聲稱是台灣品牌, 在yahoo都有outlet, 好多款式都很美, 適合愛高貴或優雅打扮的朋友, 而且價錢都唔貴, 質素都不錯~~ 不過之前訂過一次, 因為冇人收貨, 要去葵芳的工廠大廈攞, 唔方便......依家佢個退貨地址係觀塘, 又有順豐為運貨商, 有興趣都可以試訂~~