2014年2月21日

新加坡自由行(2.3): 榴槤街、魚尾獅、日夜遊市中心、無招牌海鮮~

(很"雜燴"的一篇......) 用夜景相做封面相先, 好似靚啲 ^^~





睇完水族館, 可能大家都冇諗過下一個景點係去榴槤街~~ 不過老公好鍾意食, 當然要抽時間去一下~


根據其他blog友的介紹, 由Harbourfront站坐地鐵去Aljunied站, 於出口行過一條街去Sims Avenue, 去到看看身處的街是幾多Lor, 例如我們一去到見到係Lor 23, 就向右行, 在Sims Ave一路行到去Lor 17 Geylang (要行過好幾個街口), 就是"旺德福"的總店~ 其實沿途都有其他一兩間榴槤店, 不過唔知係咪假期、行錯方向定唔係榴槤當造時間, 冇咩賣榴槤店舖, 其他都是食店、雜貨店等, 和"榴槤街" 這個稱呼差很遠......

唔怪得個個都揀"旺德福", 因為算係比較有門面, 比起上圖那間光鮮好多:


不過這就是"破財"的開始......

因為我很少吃榴槤, 都係抱住一試的心態, 原本都係諗住買blog友推介的平價榴槤 (真係$8 SD或者$10 SD就有一個), 點知俾老闆問多兩問, 就對聲稱非常好味, 苦中帶甜的"貓山王"有點興趣, 結果仲買埋......名牌的計法當然唔同, $38 SD一公斤, 一個就已經2.5公斤, $80 SD......真係第一次食咁貴的榴槤, 仲要價錢同香港差不多......不過唯有抱住"人一世、物一世"的心態去試啦......


這些就是聲稱的"榴槤名牌"貓山王~~ 唔知各位識食blog友可唔可以辨認真假呢? 價錢就比馬來西亞更貴, 如果係"假貨"真係心淡...


"名牌"榴槤看來同普通的分別不大...不過味道來說, 又真係咁耐以來吃過最好味的榴槤......以前吃過又苦又"鹼"的榴槤, 從此不愛吃甚至怕食, 但這個榴槤就味道好得多, 少少苦但又少少甜, 而且感覺上不臭, 一次過幾乎食哂~ 對榴槤似乎重拾"信心", 不過次次都要俾咁貴先得又唔得喎...之後就打包了剩下的1/4, 諗住回酒店再食過~

吃完這個貴價榴槤, 銀包即刻薄咗好多, 要省錢啦......係時候坐地鐵去另一個景點~




到了Raffles Place站, 經過一些商業大廈, 又看到不錯的河景, 沿河傍行去Merlin Park~~


就是為了看魚尾獅~~ 周圍好多人呀, 而且風景又同十幾年前好有分別, 不過魚尾獅就依然係新加坡最有名的標記~~


又見到金沙酒店等新式建築~~


見到人家坐這些鴨仔船, 我們就冇坐呀~~ 另外海上有好多個白色氣球, 唔知係咪為了慶祝新年, 因為見到有攤位俾人喺呢啲白色波上面寫新年願望~~


我們"馬不停蹄" (其實愈行愈攰架......), 行去看聖安德烈座堂 (St. Andrew's Cathedral), 中途見到建築中的新加坡美術館, 外形好歐陸感覺~~


終於行到去座堂, 點知已到了關門時間, 入唔到去睇, 唯有拍攝一下外貌~~

又好努力行去另一個歷史景點: Raffles Hotel~


掛上了聖誕裝飾的正門, 好有聖誕感覺~~


很有歐洲感覺的地方, 比起我們的半島酒店更有外國味道~~ 和香港大學的Main Building就有些相近, 不過HKU比較宏偉, 這裡就像一間歐陸式大宅~~


優雅的噴水池~~



終於在小水池邊有椅子可以休息一下~~


這裡有個商場, 點都估唔到在香港有"水貨"賣的台灣"微熱山丘"鳳梨酥, 原來在這裡有間分店 (在頂樓), 所以除了來參觀酒店之外, 就是來看看那些鳳梨酥在新加坡賣多少錢......一盒10舊都要$25 SD, 即是$150, 證明大家在香港買水貨同在新加坡買的價錢一樣......我們當然冇買番香港, 因為證明在台灣買才是最抵~~

行完這裡, 差不多6點, 可以吃晚飯, 結果就揀了附近的"無招牌海鮮" (在Esplanlade的分店)~~


名店, 再加上假日, 人當然多, 只可以坐出面 (入面位都是留給有訂位的"貴賓")~~ 幸好12月天氣不炎熱, 在外面吃飯又是另一種風味, 剛巧又有音樂表演, 聽住食飯更好~~



吃了招牌的白胡椒炒蟹 (加多個炒飯醫肚)~~ 果然味道一流, 肉質鮮美, 和微辣的味道很相配, 2人把成隻都吃得光光~~ 炒飯都唔錯, 炒得乾身~~ 埋單加埋小費、茶水要 $108 SD, 荷包又輕了好多......


吃完之時已經入夜~~ 又係時候周圍逛逛~~


沿住海邊看看新加坡的夜景~~


又見到魚尾獅~~ 晚上來看又是另一種感覺~~


金沙酒店同隔離的"蓮花" (好似係新加坡的新科學及美術館) 都閃閃生光~~




一路行, 一路看"蓮花"變色的"奇景", 偶然又見到金沙酒店射出綠色激光, 雙螺旋橋也亮起點點光芒~~


不知不覺又行到去金沙酒店商場, 睇埋LV間玻璃屋~~


這個商場大得驚人, 人又多, 本來想去賭場八卦一下, 可是又唔俾人帶袋入去, 一定要寄存, 怕麻煩, 所以行了商場一陣就走, 因為除了外形, 商場好多店舖同香港的差不多~~

點知, 突然先醒起漏了那袋榴槤"外賣"在餐廳......唯有折返去問吓仲有冇留底啦......這間餐廳服務"太好"啦, 一早冇留底, 丟了......"名牌"榴槤就這樣不見了 >__<......唯有下次小心D啦, 好彩唔係唔見咗其他貴重物品......

終於結束了多姿多彩的一日, 行到腳仔好軟呀, 而且大破財, 之後幾日就慘D啦......(下次再解...)

如果大家對以上景點有興趣, 亦可以看看各blog友/網頁的介紹:

http://tuetbii.blogspot.hk/2013/10/2013-day4.html

http://blog.xuite.net/gary_fsc/hkblog/113187404

http://snowglowing.blogspot.hk/2012/07/part-3.html

http://easss1.blogspot.hk/2011/05/blog-post_4303.html

http://www.yoursingapore.com/content/traveller/en/browse/see-and-do/family-fun/attraction/merlion-park.html

http://en.wikipedia.org/wiki/Merlion_Park

http://nosignboardseafood.com/


沒有留言:

張貼留言