簡單情人節~

還記得上年的情人節前後, 去了冰天雪地欣賞北極光, 過了一個貴價之旅~~ 今年都是"反樸歸真", 試試在家下廚~~

未講煮咩之前, 講吓甜品先~~ 老公買了一個迷你北海道芝士蛋糕~~ 上面有白朱古力, 芝士同朱古力味道幾夾, 加埋Oreo餅底, 好好味~~ 很喜歡哩, 謝謝你呀~~~

自己就在廚房努力煮飯~~

之前同事和blog友都推介的急凍麵包蟹~~ 去759望了幾次都冇得賣, 點知去Aeon (即係吉之島), 竟然在推廣中~~ 即刻買了2隻~~

紅彤彤的情人節晚餐~~ 蕃茄帶子天使麵是參考了Candice's Kitchen的食譜 (http://candice-kitchen.blogspot.hk/2013/06/by-lc-380_9966.html), 不過有些修改, 例如用了天使麵而不是普通意粉~ 近來下廚時間都是製作簡單晚餐, 這次算是用多了一點心思了~~ 幸好老公都很喜歡~~ 自己就少少哋送了一盒朱古力給老公做禮物~~

題外話, 這隻麵包蟹真係方便又好食, 解凍再蒸熱就食得, 無須任何調味都幾有蟹味, 而且入面好多蟹羔蟹黃~~ 食完2隻蟹+天使麵+半個蛋糕已經好飽啦~~

加埋最後節目, 就係初十五拆利是, 雖然已婚, 但長輩仍是每年會給利是, 很感謝他們的厚愛呢~~~ 好一個又sweet又富足的情人節~~~ 雖然節日已經過咗, 不過仍祝各有情人每日都甜甜蜜蜜, 幸福滿溢 ^^~~