2015年5月30日

手製銀包 (Leatherism DIY kit)~

好久好久沒有做過手作~ 其實手頭上有幾個DIY kit買咗都未開始, 唯一有個開始了一半, 仲有一半未完成, 趁有點時間就做埋佢~~ 就係這個皮革銀包~


就咁睇都唔算好失禮嘛?~~


2015年5月24日

晚飯@八戶屋~

有日又行過安定商場, 見到其他店舖都有不少人等位 (當時已是晚上8:30), 反而呢間竟然等一張枱就入得, 當然入去食咗先~~

上次午餐時間來, 覺得侍應態度麻麻, 今次唔知係晚市少人咗, 定係侍應多咗, 所以服務尚可~~


叫了一個蟹肉雜菌石頭鍋飯 (不記得原本的名稱~), 上枱時熱辣辣, 蟹肉味道不錯, 起碼唔會俾人覺得係"假貨", 飯的味道不太鹹, 總體來說合格~~

2015年5月22日

生日晚飯@Sogo Cafe~

上年冇用到呢個生日優惠, 今年又來慳吓錢, 去食"平價"生日餐~~


因為以前食過La Serene, 於是這次揀了去Sogo Cafe, 在B2超級市場的隔離~~ 其實今年仲有一張50蚊的Agnes b Cafe優惠劵, 不過冇行過尖沙咀Sogo, 又只可以在生日月份用, 於是浪費了...

book了7:00, 6:45去到即刻有位~~


可能好多blog友都知, 其中一份主菜是免費, 但同行者就要最少食滿150蚊~ 不過物價飛漲 (定係餐廳故意呢?), 所有dinner set都是2百幾至3百多元一份~ 不過既然來到, 太計較又唔好, 都係快快點餐算了~~

先來餐湯同麵包~~ 雖然麵包是普通貨色, 但每次飲餐湯, 總覺得要跟麵包一齊食才滿意~~ 這份湯味道可以, 不過估唔到好多條火腿...唔知點解覺得有點好笑, 覺得自己在食早餐的火腿通粉...

2015年5月16日

下午茶自助餐@喜來登酒店咖啡廳 (The Cafe)~

我的姑姐之前來過, 覺得食物同環境都唔錯, 於是叫埋我同老公一齊去食, 順便幫我提早慶祝生日~~ (我的生日在4月, 已經過咗啦~~)

近來腸胃有點不適, 所以決定不吃壽司、刺身, 下午茶自肋餐同午市差不多, 都有三文魚同另外2款魚揀, 壽司都有幾款, 不算多也不算少~~


於是第一盤食物全都是熱食~~ 有蝦餃、小籠包、菜餃、蝦多士、"燒焦"的芝士火腿三文治、菠菜酥、葡撻, 仲有一份egg benedict~ 每樣一件, 食完都飽飽哋~ egg benedict似乎最好味, 可惜個底好硬, 如果脆一點會更好食~~

2015年5月12日

驚喜的蛋糕~~

之前同老公一齊參加 "Häagen-Dazs尋找最愛的雪糕蛋糕有獎遊戲" (在HD 的facebook參加的~), 老公竟然中獎呀~~ 獎品就是HD最新出品的雪糕蛋糕~~


盒子黑漆漆, 不過感覺高貴, 當然要拍一張~~


2015年5月9日

晚餐@URBAN Cafe Commune~

同老公去旺角辦點事, 行過新世紀廣場...唔係, 已經改名叫MOKO, 見到有間英式餐廳好多人排隊, 而且裝潢很有英式風格, 於是又排隊啦~~ 今次排了約半小時就有位, 仲可以坐到特色卡位添~~


排隊時影吓這間"餐車"~~ 其實係廚房所在, 食物/飲品都是由這裡拎去用餐區~~~


在卡位望出來就是商場~~ 裝修後的MOKO比之前加添了時代感, 而且較闊落, 不過很多店舖, 例如先施、大眾書店等都不見了, 取而代之是一田超市, 還有愈來愈"高級"的商店~


卡位上的壁畫幾有趣~~ 模仿街邊的塗鴉~~


大部份人都是叫set dinner~ openrice介紹同其他人的食評推介的都是這裡的慢煮燒春雞, 仲有韓式漢堡包, 不過我倆都是細食之人, 不想浪費, 於是叫了另外2款~~ 先來的是龍蝦味的餐湯, 不過入面一隻龍蝦或任何湯料都冇架, 所以不過不失~~


2015年5月7日

晚飯@彩(aya)~

之前見到雜誌介紹, 又有很多出名的飲食blogger幫襯過, 於是找一個平日晚上去碰運氣~ 前面約有10多人, 我排了半小時, 加上遲來的老公之後又排多半小時, 足足一小時才可以入內, 很久沒試過如此排隊, 因為入面只有11個位~~ 我們入去時, 後面仲有一條長長的人龍, 可見它的人氣很旺~~


它的門面幾搶眼, 不過要行到來這條橫街, 沒有google map的幫忙就真係未必即時找到~~

2015年5月4日

深水埗的美食~~

早前要幫奶奶買一個火牛, 平平哋當然是去深水埗鴨寮街買~~ 買完之後當然周圍行~~


行了一會開始肚餓, 知道這裡有不少特色美食, 看openrice知道有間叫"皇帝雞", 在西九龍中心美食廣場, 它是專賣韓式炸雞, 但style同平時的炸雞唔同, 有3種味道的醬汁伴食~ openrice的食評介紹看來都正面, 而且話呢間店收得早, 買哂就冇, 於是去睇吓~~


2015年5月1日

西區半天遊: 香港大學, 西環泳棚~

新的港鐵線通車, 暫時都未坐過, 於是就同老公在復活節假最後一天來個半天遊~~


其實HKU以前自己成日都來架...因為自己係校友 ^^~ 畢業之後很久都沒有回來看看~~ 自己知道這裡轉變很大~ 老公就未來過, 當然要帶他行個圈~~


多了新的港鐵站, 又多了幾座新的大樓~~


以前成日搭車經過的馬路~~


當然這裡仍有不少舊的教學大樓~~


影吓條橋同個站~~


對比中大的花園, 這裡很細, 不過這個荷花池是很多HKU人的回憶之一~~


如果夏天來, 應該會開哂花吧~~


又影多次遠景~~


行過Main Library, 落到另一邊, 就可以去到本部大樓~ 成個HKU最有歷史價值地方之一~ 以前都有幸在這裡上堂~~ 總覺得很古色古香, 在這裡上堂好似特別有氣氛~ 不過其實課室冇咩特別, 最特別的都是禮堂, 不過印象中只去過一、兩次~~


很美的鐘樓~~ 可惜冇得上去參觀架~