隨心集: 晚餐@URBAN Cafe Commune~

2015年5月9日

晚餐@URBAN Cafe Commune~

同老公去旺角辦點事, 行過新世紀廣場...唔係, 已經改名叫MOKO, 見到有間英式餐廳好多人排隊, 而且裝潢很有英式風格, 於是又排隊啦~~ 今次排了約半小時就有位, 仲可以坐到特色卡位添~~

排隊時影吓這間"餐車"~~ 其實係廚房所在, 食物/飲品都是由這裡拎去用餐區~~~

在卡位望出來就是商場~~ 裝修後的MOKO比之前加添了時代感, 而且較闊落, 不過很多店舖, 例如先施、大眾書店等都不見了, 取而代之是一田超市, 還有愈來愈"高級"的商店~

卡位上的壁畫幾有趣~~ 模仿街邊的塗鴉~~

大部份人都是叫set dinner~ openrice介紹同其他人的食評推介的都是這裡的慢煮燒春雞, 仲有韓式漢堡包, 不過我倆都是細食之人, 不想浪費, 於是叫了另外2款~~ 先來的是龍蝦味的餐湯, 不過入面一隻龍蝦或任何湯料都冇架, 所以不過不失~~

隨餐有iced peace tea, 味道都係普通~ 如果想飲暖的, 走冰便可, 不然就只有茶/啡選擇, 或者加錢叫其他熱飲~~

老公叫的是"一山不能藏二虎蝦意粉" (香辣車厘茄醬)~ 名字幾古怪, 其實就是茄汁虎蝦意粉~~ 虎蝦幾有蝦味, 茄汁都算惹味, 有些車厘茄伴食, 酸酸哋唔錯~~ 而且份量正合我們心水, 成碟食哂~~

我就叫了一個all day breakfast~~ 主要就是試吓它的牛角包, 因為是urban bakery的出品~~ 雖然只是原味, 但這個牛角包真係幾好食, 外面脆脆哋, 入面軟綿綿, 難怪散買都要十幾廿蚊一個~~ 滑蛋同蘑菇都炒得好味, 其他材料就恰如其分~~ 又係成碟清哂~~

本來見到店內的蛋糕都好想試, 但我們都吃飽了, 而且要另外散點, 都係下次有機會再來試食~~ 仲有好想再試燒春雞呀~~~