晚飯@彩(aya)~

之前見到雜誌介紹, 又有很多出名的飲食blogger幫襯過, 於是找一個平日晚上去碰運氣~ 前面約有10多人, 我排了半小時, 加上遲來的老公之後又排多半小時, 足足一小時才可以入內, 很久沒試過如此排隊, 因為入面只有11個位~~ 我們入去時, 後面仲有一條長長的人龍, 可見它的人氣很旺~~

它的門面幾搶眼, 不過要行到來這條橫街, 沒有google map的幫忙就真係未必即時找到~~

入去後, 老公叫了一支波子汽水, $18, 幾有綠茶味, 有趣~~ 後面那支像豉油的物體其實是它們自家製作的醋, 一會兒吃麵時, 覺得湯底油膩或飽肚時, 加一點在麵內或就咁吃一口, 就可以中和飽膩感~~

麵來了~ 我們叫了其中一個是荷蘭豆麵, 如果看顏色, 應該似係呢碟~~ 雖然它們自家製作的麵條很新鮮, 口感都好吃, 彈牙得來又不太難咬斷, 不過不太吃到蔬菜味 (或者豆味), 尤其是沾湯來食的時候, 湯的味道遮蓋了麵味~ 但新鮮自製總比機製好食~ 此店還有粗麵, 可惜每日只有10份, 買哂就冇啦~~

老公選了黑油沾麵~~ 湯底有很濃郁的黑蒜油味道, 加上滑溜的溏心蛋、軟綿的叉燒、新鮮麵條同吃, 很美味~~ 而且麵條同湯底的份量足夠, 食哂啲麵都仲有湯可飲~~ 這時侍應就會詢問是否加入自家昆布湯, 讓食客可以進一步將湯底一飲而盡~~ 其實我都好想飲哂佢, 不過真係食到幾飽, 所以喝了大部份~~ 足料又好食, 難怪這麼多人幫襯~~

我選了另一款麵條 (應該是用麥製作的"原味"麵條...), 配上蝦油湯底~~ 蝦味很濃烈, 而且一點都不覺得是味精, 而是真材實料的味道, 愈食愈好食~~ 又係幾乎飲哂成個湯底先走~~

果然是很高質素的沾麵店, 由日本師傅親自主理係唔同啲~~ 個人覺得值得再次光顧, 不過下次要選較少人的時段, 或者它開門之前就要來排隊, 應該可以等快啲~~ 記住留意它的營業時間, 因為下午3-6時休息, 星期二係全日休息架~

http://www.openrice.com/zh/hongkong/restaurant/%E5%85%83%E6%9C%97-%E5%BD%A9/187994

http://gourmetkc.blogspot.hk/2015/02/blog-post_27.html

http://blackhole-mini.blogspot.hk/2015/01/aya.html

http://foodie-smashingpumkins.blogspot.hk/2014/11/blog-post_13.html

http://seekforfood.blogspot.hk/2014/12/blog-post_28.html

http://reporterm.blogspot.hk/2015/01/aya.html

http://ourfoodiary.blogspot.hk/2015/05/blog-post.html