因為以前食過La Serene, 於是這次揀了去Sogo Cafe, 在B2超級市場的隔離~~ 其實今年仲有一張50蚊的Agnes b Cafe優惠劵, 不過冇行過尖沙咀Sogo, 又只可以在生日月份用, 於是浪費了...
book了7:00, 6:45去到即刻有位~~
可能好多blog友都知, 其中一份主菜是免費, 但同行者就要最少食滿150蚊~ 不過物價飛漲 (定係餐廳故意呢?), 所有dinner set都是2百幾至3百多元一份~ 不過既然來到, 太計較又唔好, 都係快快點餐算了~~
先來餐湯同麵包~~ 雖然麵包是普通貨色, 但每次飲餐湯, 總覺得要跟麵包一齊食才滿意~~ 這份湯味道可以, 不過估唔到好多條火腿...唔知點解覺得有點好笑, 覺得自己在食早餐的火腿通粉...
老公叫了美國牛扒+鵝肝, 咁就270蚊啦~~ 老公抱怨鵝肝同牛扒味道不突出, 質素普通, 雖然食哂成碟都叫飽肚, 不過覺得這碟主菜不值這個價錢......我試了少少牛肉同鵝肝, 都覺得老公所言非虛......回想起幾年前去元朗的"法國雪山咖啡", 價錢差不多, 同一款主菜, 人家整得好食得多......
自己那份是"生日餐", 香煎龍脷柳配野菌汁~~ 賣相看來幾好, 連隔離枱都突然問這份是什麼~ 味道也不太差, 起碼魚肉不"鞋", 冇骨, 比起平時在普通西餐廳吃的龍脷魚, 這份質素高少少~ 不過個人覺得配菜較淡味, 薯仔得一舊, 唔夠, 如果可以用菜換多舊薯仔就好啦~~
最後每人一杯餐飲~~ 自已叫了熱檸水, 有個小鐵壺自己倒熱水, 飲到2杯~~ 不過枱面冇白糖, 得黃糖, 係健康啲, 不過落了水中, 變成啡色, 我好似飲緊檸茶多過似飲檸水~ 不過呢個唔係問題~
埋單連加一305蚊~ 後來扣番個95折, 變了297~ 個人覺得不算很抵食, 而且食物質素普通, 眼見大部份人都是有生日優惠才來幫襯, 如果想搞好間餐廳應該唔係咁嘛?......不過Sogo唔憂做, cafe都只係它的龐大生意的一小部份, 可能已經唔志在......
http://www.openrice.com/zh/hongkong/restaurant/%E9%8A%85%E9%91%BC%E7%81%A3-sogo-cafe/10374?region=0&s=3
近來吃過蛋糕, 這日冇買啦, 但係老公有滿足了我這個綠茶迷, 買了兩件東海堂的綠茶栗子撻當甜品~~ 謝謝老公的心意~~
東海堂近來超多綠茶甜品同蛋糕款式, 當然仲有其他新款, 好想試呀~~ 希望第時有機會啦~~
https://www.aromebakery.com.hk/tc/index.asp
沒有留言:
張貼留言