晚飯@薩莉亞意式餐廳, "包場"看電影~

之前成日都話想睇"竊聽風雲3", 因為印象中第1、2集都好看, 這次都有點期望~ 不過幾乎套戲落畫先有時間去睇~~

看戲之前都要食飽飽~~ 選了戲院附近的薩利亞~~ 這間平日都要等位, 因為實在很抵食~~ 之前食過荃灣、屯門等分店都要等位架~ 這次應該第4、5次食啦~

茄汁海鮮意粉~~ 雖然茄汁比較"水", 但都有一定味道, 而且都有青口、魷魚仔等海鮮, 30多元是水準合格的~~

與朋友午餐@小南國~

難得可以和朋友一聚, 朋友喜歡吃中式, 於是選了新世紀廣場的"上海小南國"~~

我們被安排坐在窗邊的位置, 窗門對住商場的走廊...侍應一開始就提示我們, 窗門可以關, 又話手袋唔好擺太近窗戶, 驚有扒手"順手牽羊"...服務都算有禮的~~

先來的是一個甜酸骨~~ 醬汁的味道唔錯, 而且肉質都算軟, 容易吃~~ 不過我們掛住傾計, 好快變凍咗就冇咁好味~~

之後就來了小籠包和雪菜炒年糕~~ 小籠包這次是朋友點的, 如果有4件就容易分, 不過豬肉味道可以, 皮就有少少厚不過就唔易穿底, 算合格啦~

雪菜炒年糕的味道都不錯, 不過又係掛住談天說地, 變涼了又係冇咁好味~~

最後朋友又點了一個"酒釀丸子", 2個人一齊分剛剛好~~ 這個甜品味道很好, 酒釀 (即係酒+糖水)味道獨特, 有淡淡的酒味及甜味, 丸子細細粒好得意, 配起來吃很不錯~~

總體來說都是滿意的一餐, 又可以同朋友吹吹水, 唔錯~~ 以前去過屯門分店, 覺得食物普通, 這間個人覺得都算有水準~~

https://zh-hk.facebook.com/ShanghaiMin

http://www.xnggroup.com/s/index.php

http://www.openrice.com/restaurant/sr2.htm?shopid=124075&tc=sr1

http://www.openrice.com/restaurant/sr2.htm?shopid=76993&tc=sr1

http://lohas.pixnet.net/blog/post/33651635

晚飯@夏麵館~

兩、三年前曾經在圓方商場幫襯過一次, 覺得味道都不錯, 而且仲要排隊先有位坐~~ 這次輪到附近開了分店, 終於找了機會試試~~ 其實原本係想試另一間日式食店, 但實在太多人等位, 這間反而等了一陣就有位~ 唔通係什麼預兆?~

本來有想過叫2人餐, 不過又怕吃不完, 於是還是散點~~

看話劇、晚飯@alfafa~

個人是很喜愛看偵探小說或偵探劇~~ 看話劇也是喜愛的活動之一~~ 之前知道有一套與兇殺案有關的話劇, 於是很早就訂了票同老公一齊看~~ 謝謝老公時常陪我哩 ^^~~

這套話劇叫"8美追兇", 講述1960年代, 聖誕節前夕, 一間法國大宅內發生了兇殺案, 男主人被殺, 電話線被剪斷, 不能報警, 而且出面大風雪, 困住了在屋內、與死者有關的8位女子, 包括他的太太、2個女兒, 妹妹, 外母, 姨仔, 仲有2個女僕, 她們就要互相追查誰是兇手啦~~

結局我就不講了, 不過真有點出人意表, 整套話劇都幾好睇吓~~ 有笑有淚, 不過有點唏噓, 因為最後個個角色都發現, 自己的下場是咎由自取架......

看完話劇, 行了去附近吃晚餐~~~ 試了這間alfafa~~

是一間西餐廳~~ 入去的時候不太多人, 見到對面那間西日式餐廳不時要等位, 心想係咪中伏呢?...

閒遊中環農墟、參加在地農學堂~

有次在嘉道理農場的FB, 突然見到一個"在地農學堂"的介紹~~ 有一個叫"蘆薈美麗密碼"的講座~~ 介紹就是: "教你利用蘆薈外敷內服，成為真正的草本美人"~~

唔...成為美人不是必須, 不過可以學習蘆薈的用途都唔錯~~ 另外仲見到"中環農墟"的介紹~~ 其實2個活動近在咫尺, 當然係2個都去啦~~

去到中環, 未到活動時間, 又有幾張禮券, 於是去了附近的Starbucks消暑~~ 叫了一杯3重焦糖星冰樂, 老公就叫了一杯綠茶星冰樂~~ 我那杯係好甜, 不過有焦糖味, 加埋忌廉味和焦糖粒粒, 嗜甜的我很喜歡, 不過偶爾一杯, 糖份已經爆燈~~ 而老公那杯比較淡味, 不過有淡淡的茶味, 適合不愛甜的他~~

之後就行去中環7號碼頭~~

果然真係有個農墟~~ 仲有不少人在選購有機蔬菜~~

影低個時間表先~~ 逢星期日, 11時至下午5時~~ 有興趣或剛好經過的朋友可以參觀一下呀~~

除了有機蔬菜之外, 還有一些攤位, 例如賣2手衫、介紹農墟及嘉道理農場, 還有這間賣布袋的~~ 有好多款式, 望落幾靚, 唔係屋企已經好多袋, 真係想買架~~ 而且一個中等size都係40、50蚊, 價錢ok~~

趁講座未開始, 影吓枱面上的物品~~ 唔知跟住有咩整呢?~~

晚飯@男人廚房~

出街食飯, 總是想發掘一些不同區域的好飯堂, 這次就去了洪水橋~~ 相信這裡比較出名的, 大發餐廳的金牌奶茶一定有份, 以前都試過, 真係幾好飲, 完全唔駛加糖都飲到, 加埋它的豬扒包, 麵包熱呼呼, 豬扒又熱又軟身, 正~~~ 另外那間德國餐廳 (King Ludwig Beerhall)就未有機會試, 呢間都幾有好評的~~

想食間平少少的西餐廳, 德國餐廳的對面, 就是這間"男人廚房"~ 當日去到, 剛好剩番一張枱, 坐埋就即刻坐無虛席~~ 唔知係咪真係咁好食?~~ 另外, 它叫男人廚房, 唔通真係全男班經營的?~

因為有點飽, 我們沒有叫這裡出名的pizza, 吃了2個意粉的dinner set~~

先來的是餐湯~~ 很少見到有餐廳會附上薯蓉, 而薯蓉的味道不錯, 唔會冇味, 有薯仔味, 真係用新鮮薯仔整而不是開粉的~~ 餐湯較稀, 不過粟米雞蓉的味道都合格, 蒜蓉包都係合格的~~

自製薄餅 (pizza)

見到不少blog友都有試過自己DIY薄餅, 於是決定參考大家的做法, 又試一試先~~~

這次主要參考了這幾個食譜:
http://cindylittlemrswan.blogspot.hk/2014/05/homemade-pizza.html(仙蒂小溫太的homemade pizza)
http://hkgfoods.blogspot.hk/2012/11/blog-post_19.html(自製薄餅)
http://prochats.she.com/reiko-ho/archives/378(另一個簡單版本)

又係看看成品先~~~ 不過今次覺得都有少少不足之處, 下次可以整好啲~~

晚飯@E-mo Korean Restaurant~

不知為何, 屯門的韓式餐廳不多, 以前都有幾間韓式燒烤/自助餐, 全部光榮結業之後, 現在比較多人光顧的, 就是這間韓國家庭式餐館: E-mo~~

有一晚終於找了機會來幫襯~~ 可惜呢間餐廳係冇炸雞供應, 唔係好想近近哋食個韓式炸雞~~

自己叫了鐵板豬肉 (配白飯一碗)~~~ 豬肉配上少少辣的醬汁, 幾惹味, 送飯一流~~ 看似份量少少, 食哂之後都有點飽~~~ 水準不錯~~~

老公就叫了石頭窩拌飯 (配牛肉)~~ 由於本身沒有加太多調味, 整散隻蛋同啲食材之後, 按個人喜好加入豉油、辣汁等~~~ 石碗熱呼呼, 令到成碗飯都熱辣辣, 好一會才冷卻~~ 而且飯的份量不少, 老公就話食到好飽, 不過就覺得牛肉的份量可以多些~~ 整體味道都是合格的~~

小小的店舖, 座位不多, 午餐/晚飯時間都需要搭枱, 證明好多人幫襯~~~ 暫時來說, 想近近哋吃韓餐, 這裡都是其中一個好選擇~~

http://www.openrice.com/restaurant/sr2.htm?shopid=111056&region=0&s=3 (openrice的介紹)

其他blog友的介紹

http://sheep05.blogspot.hk/2014/04/e-mo.html

漫遊龍脊、港島徑第8段、大浪灣~

在華星冰星吃了豐富午餐, 我們就乘車去港島徑第8段的起點: 土地灣~~ 在筲箕灣港鐵站的巴士總站, 就可以乘坐新巴9號 (往石澳), 於中途的"土地灣站"下車便可~~ 我們去到剛好有車, 亦有最後2個位, 可以坐一陣~~

未講路徑之前, 讓大家看看2張在"龍脊"上、居高臨下觀景的相片~~ 雖然天氣勁熱, 但就是這種天氣才看到港島最美麗的一面~~

華星冰室~

趁住假期, 還有好天氣, 又是遊山玩水之時~~ 這次就和老公去行港島有名的"龍脊", 以及港島徑第8段~~ 出發之前先吃午餐, 聽說筲箕灣有間"華星冰室", 於是決定光顧~~ 去到正值午市, 有條小人龍, 幸有等了15分鐘就有位~~

我們都叫了常餐~~ 叉燒湯意粉味道不錯, 起碼意粉算彈牙, 不太"淋", 湯底不太咸, 叉燒都OK, 合格~~