看話劇、晚飯@alfafa~

個人是很喜愛看偵探小說或偵探劇~~ 看話劇也是喜愛的活動之一~~ 之前知道有一套與兇殺案有關的話劇, 於是很早就訂了票同老公一齊看~~ 謝謝老公時常陪我哩 ^^~~

這套話劇叫"8美追兇", 講述1960年代, 聖誕節前夕, 一間法國大宅內發生了兇殺案, 男主人被殺, 電話線被剪斷, 不能報警, 而且出面大風雪, 困住了在屋內、與死者有關的8位女子, 包括他的太太、2個女兒, 妹妹, 外母, 姨仔, 仲有2個女僕, 她們就要互相追查誰是兇手啦~~

結局我就不講了, 不過真有點出人意表, 整套話劇都幾好睇吓~~ 有笑有淚, 不過有點唏噓, 因為最後個個角色都發現, 自己的下場是咎由自取架......

看完話劇, 行了去附近吃晚餐~~~ 試了這間alfafa~~

是一間西餐廳~~ 入去的時候不太多人, 見到對面那間西日式餐廳不時要等位, 心想係咪中伏呢?...

叫了2個dinner set, 老公選了飲湯~~ 菠菜忌廉湯的味道不錯, 如果熱番少少仲好~~

附上的餐包薄薄一片, 不過似乎麻麻, 老公搽牛油時, 塊包已經散散哋......隨餐可以叫一杯熱蜜桃茶, 有蜜桃的香味, 但要自己落糖的 (即係用茶包), 雖然係用twinings, 不過普通啦~~

老公叫的是凍檸水一杯, 冇話走冰, 點知侍應自己走冰, 杯檸水上枱時仲要係暖熱的......叫了2次才肯給了一杯冰加番落去.......

主菜時間~~ 我叫了一個豬扒天使麵~~ 天使麵煮得彈牙, 滑溜溜, 不錯~~ 豬扒有點硬, 不過可接受, 整體算是合格~~

老公叫的燒春雞糙米飯~~ 侍應一開始就話要等半小時才有, 幸好當日我們有的是時間~~ 雞的味道不錯, 肉質幼嫩, 應該都係冰鮮雞, 但味道不錯的~~ 飯同配菜都係普通, 結論都係合格~~

最後到自己叫的法式薄餅甜品~~ 可能自己太鍾意食甜點, 覺得這份朱古力薄餅是整餐最好吃的~~ 入面有朱古力忌廉同少少脆脆, 點埋碟上的朱古力醬, 很好味呀~~

上網才知道原來它有3間分店~~ 我們這次幫襯的是康怡那間, 總評是不過不失, 不過不會特地要去試, 行過、未試過的就可以考慮~~

之後逛了一會太古城就回家了~~~

http://www.openrice.com/restaurant/sr2.htm?shopid=77840&tc=sr1

http://www.alfafa.com.hk/

http://www.beautylife.hk/home.php?mod=space&uid=1462&do=blog&id=95709

http://blog.sina.com.cn/s/blog_e01796080101o1kz.html