龍鼓灘~

7月某個下午, 閒著沒有事做, 我們原本想去另一處行山, 不過呢幾日都有驟雨, 擔心唔知會唔會行行下落雨, 結果揀咗一個搭車就可以到的地方: 龍鼓灘~

想去的朋友, 可以在屯門西鐵站坐K52接駁巴士, 坐到去龍鼓灘總站就ok~ 中途會經過內港碼頭、發電廠、環保園等設施, 都係第一次見到~~

去到一落車不久, 就下了一場驟雨, 等了一輪, 幸好停了, 於是周圍看看有什麼景點, 因為我們完全沒有做過資料搜集~~~行過一間好大的臨海燒烤樂園, 沿住海傍車路行了一段, 突然見到有個牌:

原來這裡有個白海豚瞭望台, 唔知係咪真係見到白海豚呢? 或者又有什麼看呢? 行去睇睇先~~

再行前一點, 就見到標示牌及一條樓梯~~ 行上去~~

雖然小山丘不算好高, 不過樓梯都有百幾級, 行了一段, 影一影相或休息一下再行會好啲~~

初試皮革DIY材料包~

上年在團購買了2份皮革DIY材料包, 終於抽到時間試整其中一份, 就是散紙/鎖匙包~~

首先開箱~~ 入面有哂材料、紙模及說明書~~ 今次整的包包要用2塊大一點的皮革, 一條拉鍊、蠟線、2支針、裝飾皮條、一支1mm的圓斬、銅扣同一塊小皮革~

手工書~

自從以前去Amor學整手工相簿、又整過證書套之後, 很久沒有試過DIY本子~ 剛巧在FB見到這個手工書初班, 時間合適又有位, 當然即刻報名上堂~~

首先都係選材料~ 先選了一塊鍾意的布, 揀來揀去又係揀咗一塊花布~~ 可以同之前整的證書套襯埋啦~~ 這次導師一早裁好所有咭紙同書本內頁紙張, 選了布之後都係由導師再裁成合適的大小, 她的手工好快, 等一陣就搞掂~~

近來吃過的餐廳@金坊、松記、爭鮮、牛一~

好久未寫過美食, 嚟番個美食小記先~~

有日行過荃灣, 見到間泰式餐廳, 諗住好耐都冇食過泰菜, 於是見唔係好多人等位, 又等吓~~ 點知都等咗半小時先有位~~後來先知原來它是長龍店之一, 就係"金坊"啦~

叫了一個炸軟殼蟹、海南雞飯~~ 炸物係自己至愛, 味道唔錯~~ 至於雞飯的去骨雞都幾滑, 不過飯味同汁料就普通...個人覺得食過最好味的雞飯喺"小曼谷", 呢間唔夠佢好味~~

仲叫了一份燒帶子, 味道不過不失~~ 後來我們再叫了一個蒜蓉包, 點知等咗好耐先有, 而且侍應覺得我們叫得少, 態度普通...

幸好有送甜品, 馬荳糕同大菜糕一份~~ 馬荳糕的味道都唔錯~~

還有兩杯菠蘿冰同椰汁冰~~ 似乎最好味都係飲品、甜品同炸蟹~~

總體來說水準合格, 不過唔算最好食, 真係唔明點解咁多人等位~~

金坊泰國美食: http://www.openrice.com/restaurant/sr2.htm?shopid=19494&tc=sr1

個人就推介"小曼谷", 它的海南雞飯好多時下午就買哂, 夜市想食都未必有架~ 仲有其他好味食物: http://www.openrice.com/restaurant/sr2.htm?shopid=14787&tc=sr1

有日又幫襯一間新開的糖水店, 是著名糖水店"松記"的分店~~

老公叫了一個楊枝金露~~ 入面的芒果都幾多, 而且柚子唔苦, 加埋西米露, 味道不錯~~

自己就叫了一個心太軟朱古力蛋糕配曲奇雪糕~~ 蛋糕嘅賣相比平時差了少少, 唔知點解多咗條邊, 不過味道幾好, 配埋雪糕, 一冷一熱, 感覺幾好~~

有機會要試吓其他甜品~~又可以試埋其他分店比較一下~~

松記糖水: http://www.openrice.com/restaurant/sr2.htm?shopid=136918&tc=sr1


又有日行過爭鮮壽司店, 因為時間早, 唔駛排隊, 當然入去食吓~~

之前諗住碟碟8蚊, 款式未必好多, 不過感覺唔錯, 除了必食的三文魚、鰻魚、蝦、刺身等等, 軍艦、小食、甜品等都有, 比想像中好, 而且味道比得上不少壽司店, 怪不得咁多人排隊幫襯~~ 不過可能因為好多人, 所以侍應都唔係好兼顧到, 例如唔記得補充豉油碟、杯, 要問先有~~

好似食咗好多, 埋單都唔駛$100~, 有機會要再幫襯~~


再講埋日式火鍋~~ 今次就幫襯"牛一", 諗唔到平日都好多人等位~~

先食前菜: 生壕4隻, 因為有半價先食~~ 味道都ok~~

之後當然開始打邊爐~~ 今次揀了番茄豬骨湯, 都幾好味~~ 濃味湯配美國牛都不錯~~

影相出嚟望落好紅, 其實淺色啲嘅~~ 湯底味道幾好~~

仲有其他食物, 例如唔同嘅肉丸、菜、麵、烏冬、配料等等, 都可以去自助枱攞~~ 選擇都算多, 各類都有七、八款~~ 煮咗之後都幾好味~~

食埋甜品, 有vanilla雪糕或者原味/藍莓乳酪, 可以自己再加配料, 不錯~~

牛一: http://www.openrice.com/restaurant/sr2.htm?shopid=120056&tc=sr1

食咗咁多嘢, 要做多啲運動減肥啦~~

團購肥皂DIY~~

月頭時和朋友去了整肥皂~~~ 之前用email約時間發生了少少不愉快事件, 幸好努力爭取, 終於約到時間, 亦好彩有朋友一齊學開心d~~

去到才發現原來是工廠某層的一小角, 最多真係只可以坐6個人, 可算是見過最少的"課室", 而當晚計埋我們得4個人, 加埋導師都係5個, 所以有人陪真係好重要~~

其實肥皂 (亦即是皂基) 已經有, 是白色的, 整造型肥皂之前加熱放在紙杯, 盡快落食用色素/香味再用雪條棍攬好, 然後倒入模內待冷凝固或攪成泥膠狀, 就可以整~~

上圖就見到如何整一個菠蘿油~~ 用一個長方形模整牛油, 另外就用泥膠狀的肥皂整成包身, 之後界開包身插入牛油, 再用多一塊啡黃色"泥膠"整包面, 然後再整色整水, 加多張包紙, 就成了一個望落好好味的菠蘿油, 不過唔食得架~~

之後再整多一個小cupcake, 用了橙色同綠色, 好一個"菠菜忌廉紅蘿蔔cupcake"~~ 朋友整了一個蛋撻, 整得好似~~~ 另外2個同學整了法式小圓餅同fruit tart, 都好靚, 不過自己同朋友都想整港式作品, 所以有機會再整西式甜點~~~

雖然曾經發生了少少事, 不過導師都有耐心教我們, 服務態度都是ok的~~ 所以都算整得開心的~ 而且由於不算複雜, 可以準時落堂, 早d返屋企~~~

唔知可唔可以自己買肥皂基整呢? 有機會看看淘寶先~~ 定係各位blog友有冇介紹?~~

藍莓芝士蛋糕~

如果大家仲記得, 之前整了一個tiramisu蛋糕俾老公, 其實當時買材料時, 買多了一盒cream cheese同cream, 2盒都就嚟到期, 於是又的起心肝整個蛋糕~ 今次老公就想要個藍莓芝士蛋糕, 又試一試先~

今次都係參考了"美味DIY"入面的"藍莓芝士凍餅"食譜: http://www.rthk.org.hk/elearning/dessert/cake_bbcheesecake.htm~ 入面有材料同詳細做法, 以及示範短片~~

自己跟了大部份材料同份量, 不過今次試吓餅底用Oreo餅, 有些份量又少啲 (例如少啲魚膠粉水), 有些又多啲 (例如藍莓jam落多啲, 因為鍾意食)~~

俾個成品切件大家睇吓先~