龍鼓灘~

7月某個下午, 閒著沒有事做, 我們原本想去另一處行山, 不過呢幾日都有驟雨, 擔心唔知會唔會行行下落雨, 結果揀咗一個搭車就可以到的地方: 龍鼓灘~

想去的朋友, 可以在屯門西鐵站坐K52接駁巴士, 坐到去龍鼓灘總站就ok~ 中途會經過內港碼頭、發電廠、環保園等設施, 都係第一次見到~~

去到一落車不久, 就下了一場驟雨, 等了一輪, 幸好停了, 於是周圍看看有什麼景點, 因為我們完全沒有做過資料搜集~~~行過一間好大的臨海燒烤樂園, 沿住海傍車路行了一段, 突然見到有個牌:

原來這裡有個白海豚瞭望台, 唔知係咪真係見到白海豚呢? 或者又有什麼看呢? 行去睇睇先~~

再行前一點, 就見到標示牌及一條樓梯~~ 行上去~~

雖然小山丘不算好高, 不過樓梯都有百幾級, 行了一段, 影一影相或休息一下再行會好啲~~

行哂樓梯, 見到一個涼亭, 可算是半個終點~~ 再行多幾步才是真正的瞭望台~~ 這張相就是在瞭望台影落嚟~~ 估唔到落雨之後藍天重現~~ 如果唔係我話有落過雨, 唔知大家信唔信?~

雖然一條白海豚都見唔到, 不過有好天氣都是值得~~ 如果唔講係香港, 就好似去了某熱帶小島哩 (自我幻想中~~~)

個天愈來愈藍, 忍唔到手, 不停影影影~~ 除了藍天, 雲朵都好好睇~~

瞭望台隔離有另一條樓梯, 去邊度呢?......其實話就話呢度係"公眾地方", 原來卻是龍鼓灘村民背山面海的風水墓地, 呢條樓梯就係行去啲墓地的通道.......所以喺瞭望台一望, 其實係一個個山墳, 日頭來當然唔驚, 唔知夜晚係點?.......不過其實在香港郊野周圍都係, 見怪不怪嘅, 而且此地風水優良, 怪不得村民都幾有錢, 有祖先保佑~~

老公話山墳唔可以入鏡, 所以唯有影條樓梯啦.......

其實此行的另一個目的是影蝴蝶~~ 當時都見到大大小小的蝴蝶, 形態優美, 最少都有十幾廿隻, 可惜唔知係咪有風定牠們怕人, 不停飛來飛去唔停低, 等咗好耐先影到一兩隻, 呢張算不錯了~~ 聽講龍鼓灘附近的小冷水是蝴蝶出沒點之一, 不過此日太熱, 又驚中途下雨, 結果冇行到去~~ 或者下次先~~

雖然冇蝴蝶, 不過花花都開得燦爛~~

風景很好, 真的不太捨得走, 2個人坐了一輪, 幾乎沒有一個人, 幾寫意的~~ 不過後來有另一家人行了上來, 我們就決定下山了~~

在山腰影了一張~~ 藍天映照村莊同沙灘, 不錯~~

之後行了去海傍車路的另一邊, 就是沙灘了~~ 當時人不多, 一片悠閒的氣氛~~ 見到有隻狗怕水, 要主人抱落水度玩, 好搞笑~~

隨著城市發展, 這個地方的悠閒和風景還可以撐多久?.......

本來仲想等睇夕陽, 不過有事先走, 結果當日傍晚又落大雨, 好彩冇等, 唔係可能會失望~ 希望下次來的時候風景依然~~

P.S. 有時都會想, 去旅行可以開闊眼界, 但從小到大去了不少旅行 (其實都唔係好多), 愈去愈遠才發現, 眼下的香港, 身邊的一景一物一事, 其實一點也不遜色, 甚至過之而無不及, 有時走去外面追求的, 原來可能一早就在身邊~~ 好好珍惜眼前哩~~

P.S. 2: K52的總站暫時是沒有士多 (裝修中......), 只有一間燒烤樂園; 原來士多、餐廳同另一間燒烤樂園是在海灘對面 (巴士第2/尾2個站), 要搵食/搵飲品的留意~~