手工書~

自從以前去Amor學整手工相簿、又整過證書套之後, 很久沒有試過DIY本子~ 剛巧在FB見到這個手工書初班, 時間合適又有位, 當然即刻報名上堂~~

首先都係選材料~ 先選了一塊鍾意的布, 揀來揀去又係揀咗一塊花布~~ 可以同之前整的證書套襯埋啦~~ 這次導師一早裁好所有咭紙同書本內頁紙張, 選了布之後都係由導師再裁成合適的大小, 她的手工好快, 等一陣就搞掂~~




點解塊布後面可以用鉛筆畫線呢? 因為導師之前一早做好工序, 用方法將高質素的宣紙 (或者裝裱紙) 裱在布後面, 除了令布挺身, 仲可以更加容易塗漿糊, 因為有宣紙"擋住", 漿糊不會滲出來整濕塊布~ 原來上堂之前已經有唔少工序, 辛苦導師幫學員做哂~~

呢疊就係書的內頁紙, 仲已經有一條有哂尺寸的格子紙, 一陣有用的~

呢啲就係整書其中一些工具~ 有塗漿糊的大、小掃, 有bone folder, 有漿糊筆, 漿糊, "碌碌", 仲有錐子、鎚仔、墊枱紙等~~

因為整書的工序好多, 加上我們小班教學, 分秒必爭, 所以貼布在咭紙上的步驟、貼好布的步驟等等, 都係做完就即刻做第2步, 所以下一張相已經係貼完布, 封面同封底都用本板壓平的時候, 我們就喺疊紙上用鉛筆畫低要整洞口的位置, 由上至下6個~ 將紙疊埋一齊, 跟住格仔紙的位置, 用筆在側邊一畫, 分開啲紙就變成一點點, 可以用錐子整洞~

 

整洞的時候, 唔係就咁放在枱上, 而是用一個特別的工具, 紙放在上面成V形, 用錐子一"duk"就ok~ 驟眼睇好似一個V形箱~~

整完之前的步驟, 大約仲有一個多小時, 要咁多時間, 因為去到手縫的步驟~ 其實起針、頭幾步都係導師幫我哋, 都用了一些時間才熟習縫製的步驟, 中途仲由直針變了用彎針, 都係第一次用~~

後來再在Youtube找找, 原來真係有網上教學的~~ 我們今次學的是coptic stitch, 即係整完之後書上的線會形成辮子形, 好漂亮~ 如果大家想自製一本純用紙造的書本, 可以看看這個video~ youtube仲有好多教學片段, 例如其他類型的手工書製法, 大家可以慢慢找出來看~

說回自己的小本子...

經過4小時的努力, 終於縫好啦~~~

就是這些書上的小辮子, 整咗個多小時~~ 不過自己都覺得整得唔錯~~ 中段轉了顏色, 因為導師幫我們駁了另一顏色的線, 就可以有2種色~~

幫本書賣廣告先~~ 雖然設計不算花巧, 但能夠一手一針製成自己的小本子, 是DIY的喜悅哩~~

今次參加的是小月 (Siuyuett) 的工作坊 (Bookbinding workshop), 名稱是"1-needle Coptic binding workshop", 她另外仲有"Japanese binding workshop", 都係初班~~ 學咗初班之後就有高班, 可以整更加複雜的手工書, 如果湊夠人, 自己同佢約時間組班都得~~~ 自己都好有興趣, 希望遲啲有機會再去學~ 除咗工作坊, 有親手製作的手工書及筆記本出售, 樣子同質素都好高~~ 導師係全職手作人, 已經整咗手工書4年, 相信在香港都算有經驗~

有興趣可以看看各個網站:

https://www.facebook.com/SIUYUETT?fref=ts
http://www.etsy.com/shop/SiuyuettBindery
http://siuyuett.blogspot.hk/