Godiva布朗尼芝士蛋糕 (預拌粉)

疫情影響，閒著無聊，又想到來這裡發文。

之前在「鄰住買」買了一盒Godiva布朗尼芝士蛋糕預拌粉 (Godiva Brownie Cheesecake Swirl Baking Mix)，在閒著的日子可以有時間整吓。最初想懶惰，上網看看有沒有短片介紹如何製作，卻發現只有另一款心太軟的預拌粉才有，於是決定按盒上食譜加自己少少方法整出來。試了不算難，不過都有失敗位...

看來幾吸引，但怕預拌粉味道不好，又怕唔識整，所以只買了一盒。

朱古力蛋糕條~

既然整得朱古力曲奇, 自己又好想整朱古力蛋糕, 於是又實行啦~~

不過比起上次的蛋糕, 今次的成品變了做蛋糕條, 係有原因嘅……

牛油磅蛋糕~

又好想整啲又簡單又好食的甜點俾自己同老公食~ 今次整吓蛋糕基本入門的牛油磅蛋糕~

成品看來都不錯吧~

檸檬杯子蛋糕~

為了健康著想, 近來都是少吃了零食, 但有時真係好想食吓餅乾、蛋糕嘛, 不如都係自製, 就會少啲機會食到添加物了~ 剛巧屋企買了檸檬, 不如就參考一下他人的食譜 (網頁都在下面), 整吓檸檬小蛋糕~

好似影到好大個, 其實是迷你小蛋糕來的~~

藍莓芝士餅~

一年一度, 老公生日, 很久沒有整蛋糕, 不過要返工, 為了他, 於是揀一個簡單又好味的, 就整紐約芝士餅加藍莓 ^^~

自己同老公都覺得很好味 ^^~~~

電飯煲焗蛋糕: 中伏?...

之前在網上見到好多人用電飯煲可以整到不同的美食, 例如蕃茄飯、焗雞之類, 自己就有興趣試吓整蛋糕, 於是找了這個食譜, 諗住"快靚正", 點知......

材料有以下呢幾樣:
Pancake粉: 200克
牛奶: 130ml
雞蛋: 1隻
綠茶粉: 1湯匙
牛油: 少少

材料似乎唔多, 應該唔太難整掛~~ 又可以用番之前包綠茶粉~~

抹茶小蛋糕~

上次那包抹茶粉有一定份量, 用了一次來整凍餅, 還有不少, 於是今次用了上次街坊蛋糕班的食譜, 又參考了其他blogger的食譜, 試整了抹茶小蛋糕~~

影出來好似好大個, 其實是迷你蛋糕來的~~~

抹茶朱古力芝士凍餅~

很久沒整過甜品啦~~ 有日行過City'super, 買了一包富澤商店的抹茶粉, 就是想自己的起心肝整一次抹茶蛋糕~~

成品有點似慶祝萬聖節的蛋糕, 始料不及 ^^~ 不過一早已經食哂落肚了~~

街坊蛋糕小食班 (中)

第一、二堂主要係整甜品, 第三堂就有朱古力合桃小蛋糕同 洋蔥煙肉芝士批 (鹹批)~~

先整了鹹批的油皮, 放入雪櫃~~ 途中就整朱古力小蛋糕~~ 原本應該有合桃, 阿sir又話唔記得買, 結果又只有朱古力味......在入爐前影張相先~~

剛出爐不久的樣子, 同未焗之前真係幾有分別~~ 我有6個呀, 同學仔好人, 讓了1個俾我~~

街坊蛋糕小食班 (上)~

趁住有時間又可以請假, 報了一個附近社區中心舉辦的蛋糕+甜點+小食班~~ 每堂可以做2款不同的蛋糕/甜點/小食, 而且價錢不太貴, 決定一試~~

第一堂, 知道了上堂的情況, 又聽到其他同學同導師的談話, 就知有少少"中伏"......工具要一齊分嚟用都預咗, 但這次所有人要共用一個電子磅, 因為另外2個都壞咗, 唯有逐個人排隊, 由其中一個同學幫手量材料; 打蛋機得3個, 碗碟廚具都要自己攞、自己洗......比起去工x會仲辛苦, 起碼工x會工具都多dd, 仲有一個助手幫手洗碗...

另外佢哋話社區中心不時超收學生, 之前試過同時有十幾二十個人一齊整麵包, 好明顯工具唔夠分, 又唔夠時間完成製品, 當然好多人投訴啦~~

幸好今次計埋得8個人報名, 而且焗爐同雪櫃都夠位, 2個人一齊整, share啲用具都唔係等好耐.....

至於導師, 是退休的廚師, 都算有耐心教學, 不過由於他同他女兒本身都另有公司教人整蛋糕, 所以社區中心的工作都係"玩票", 以及借機宣傳一下他們的公司, 所以有時材料唔係買得好足夠, 睇埋落去就知~~

第一堂的其中一個成品是藍莓蛋糕~~ 製成時覺得有點似"莎莉蛋糕", 不過唔知係咪粉漿唔夠, 定係我們打發得有點過時, 不算發得好起, 另外藍莓果醬要大家一齊分, 可能份量不太夠, 食完覺得冇咩藍莓味~ 不過都食到嘅~~

再整朱古力蛋糕~

之前整朱古力布朗尼的材料還未用完, 於是"的起心肝"再整多一次~~

今次一改形式, 用即棄模墊住~ 有點浪費, 不過吃的時候可以墊住, 同埋唔駛洗個焗盤~~

朱古力布朗尼 (Chocolate Brownie)

之前一直好想整brownie, 因為自己太鍾意食朱古力和有關的食物, 於是終於找到機會開工~~ 謝謝老公幫我買部份材料呢~~~ 今次是參考了Yahoo新煮意的"核桃朱古力Brownie"食譜: https://hk.promotion.yahoo.net/cooking/2014021020652/

先看看成品啦~~

整蛋糕@Coup Kitchen~

之前見過blog友Florence製作的朱古力半圓球蛋糕, 覺得好吸引, 一宜都希望找機會去學整, 終於8月找了機會上堂~ 原本選的是"紅桑子開心果仁半圓球蛋糕"課程, 可惜當日竟然打風, 結果要轉時間......最後還是選了一樣的"朱古力薄脆半圓球蛋糕"~~

又讓大家看看成品先~~

藍莓芝士蛋糕~

如果大家仲記得, 之前整了一個tiramisu蛋糕俾老公, 其實當時買材料時, 買多了一盒cream cheese同cream, 2盒都就嚟到期, 於是又的起心肝整個蛋糕~ 今次老公就想要個藍莓芝士蛋糕, 又試一試先~

今次都係參考了"美味DIY"入面的"藍莓芝士凍餅"食譜: http://www.rthk.org.hk/elearning/dessert/cake_bbcheesecake.htm~ 入面有材料同詳細做法, 以及示範短片~~

自己跟了大部份材料同份量, 不過今次試吓餅底用Oreo餅, 有些份量又少啲 (例如少啲魚膠粉水), 有些又多啲 (例如藍莓jam落多啲, 因為鍾意食)~~

俾個成品切件大家睇吓先~

老公的生日蛋糕~

先前為了寫遊記, 很多post都未寫, 就寫呢個對老公同自己都重要的記錄先~~

老公開口話想要個Tiramisu做生日蛋糕, 雖然之前都有整蛋糕的經驗, 例如以前去工聯會學情人節蛋糕, 上年就整了個木糠蛋糕做生日蛋糕, 之後都整過幾次木糠布甸, 這次自家製tiramisu都係第一次~~

當然, 材料同工具都好重要, 先買回來~~

之後就是一輪打發的程序, 先打好忌廉 (下圖左邊的就是了), 雖然先前天氣不算好熱, 不過都開了冷氣, 費時打忌廉失敗~~ 之後就要加糖打蛋, 溶好魚膠粉, 加入芝士, 就成了下圖右邊的混合物~~ 相機影出來都是黃澄澄~~