老公的生日蛋糕~

先前為了寫遊記, 很多post都未寫, 就寫呢個對老公同自己都重要的記錄先~~

老公開口話想要個Tiramisu做生日蛋糕, 雖然之前都有整蛋糕的經驗, 例如以前去工聯會學情人節蛋糕, 上年就整了個木糠蛋糕做生日蛋糕, 之後都整過幾次木糠布甸, 這次自家製tiramisu都係第一次~~

當然, 材料同工具都好重要, 先買回來~~

之後就是一輪打發的程序, 先打好忌廉 (下圖左邊的就是了), 雖然先前天氣不算好熱, 不過都開了冷氣, 費時打忌廉失敗~~ 之後就要加糖打蛋, 溶好魚膠粉, 加入芝士, 就成了下圖右邊的混合物~~ 相機影出來都是黃澄澄~~

之後就將兩者混合, 開始似樣了~~

之後就用了現成咖啡來浸手指餅, 因為自己好少飲咖啡, 如果買咖啡粉或者咖啡豆就太多了, 2罐咖啡剛剛好~~

由於浸手指餅、排手指餅同倒混合物入模太messy, 所以只影了倒模的最後一刻~~ 之後當然要雪好它~~

雪了一晚, 加埋可可粉, 就成了~~

都算有個樣~~

切開嚟食, 可能因為係自己整, 所以覺得味道和坊間的不一樣, 軟綿綿的, 芝味同忌廉味唔算好濃, 淡淡而滑滑的~~ 而且自己好鍾意可可粉, 自己整可以落多啲, 所以周圍都係~~ 至於浸軟了的手指餅, 味道都不錯, 不過下次要用多d時間, 等成條都有咖啡味~~

當然, 最緊要老公滿意~~~

自己是參考了"美味DIY"的Tiramisu食譜, 不過自己今次整就唔係跟足份量, 因為想一次過用哂啲材料, 所以除了這個蛋糕, 還弄了一盒~~ 跟住幾日都仲有得食~~

美味DIY: http://www.rthk.org.hk/elearning/dessert/ (這個網站仲有其他蛋糕食譜可以參考~~); Tiramisu食譜: http://www.rthk.org.hk/elearning/dessert/cake_tiramisu.htm


至於生日飯, 就去了米芝蓮2星的明閣~~

環境不錯呀~~ 不過這次就冇好似上次去欣圖軒咁樣, 可以坐窗口望風景~~

因為已經有蛋糕, 所以訂位時都沒有特別安排, 當自己來吃一頓豐富晚餐~~

我們都是選了這裡的特色菜式~~ 不過未嚟之前就有個雞絲粉皮的前菜~~ 雖然份量不多, 不過味道幾好~~

之後每人吃了一個松露和牛禮盒~~ 牛肉味道不錯, 入面的菇菌味道都ok, 不過和想像中有點出入 - 想像是會有濃濃的松露味, 不過吃的時候唔係好覺~~ 伴菜就好普通~~

主菜就是這個了: 龍皇披金甲~~ 菜式有心思的排列, 而且味道都好好, 魚同蝦肉混在一起原來都可以好夾~~ 不過份量就多了一點, 後來才知道原來是可以叫半份(半碟), 下次要醒目啲, 就可以留肚食其他嘢~~

最後就是這個: 窩燒滋補竹絲雞炒飯~~ 炒飯很乾身而不油膩, 不過吃到此時已經有啲飽滯, 所以就算味道唔錯, 都覺得夠哂~~

都係呢句, 因為有蛋糕做甜品, 加上已經好飽, 所以就沒有試甜點了~~ 希望下次可以試試~~

這間餐廳, 無論食物的包裝/味道、裝修、服務等都很不錯, 鄰枱的外國人不停大讚, 不過一分錢一分貨, 價錢都有番咁上下, 唯一的問題可能就係價錢, 唔係應該會多啲光顧~~ 另外就是訂位的問題, 唔知係咪時間唔啱, 不同時間/日期打了電話幾次都冇人聽, 唯有上網訂位先有回覆, 但冇理由打電話唔得格......

雖然有少少問題, 不過這餐都是開心的生日飯, 最緊要老公同自己都喜歡~~~