又是旅行時~

很快就已經結婚2周年了~~ 很感恩算是和老公無風無浪地渡過了~~~ 希望無論多少年都好, 都可以一同好好過~~

幾個月前已經想好棉婚又去一次旅行, 於聖誕假期內小休幾天, 唔知大家估唔估到我們今次去邊度呢?

過幾日再回來和大家分享~~ 預祝大家聖誕快樂~~ 與心愛的親朋好好渡過~~~

觀星營(2)

未繼續講之前, 讓大家看看老公影的星軌相~~~ 這次影得好密, 證明當晚的星星真係好多~~ 真的很感恩可以在香港就看到滿天繁星 ^^~~

觀星營(1)~

早在8月的時候, 知道麥理浩夫人渡假村同太空館合辨觀星營, 已經好有興趣, 湊夠4個人就可以報名抽籤, 幸運地抽中了, 於是12月頭就有得去宿營哩~~~

聖誕燈飾~

從小到大都很喜歡看燈飾~~ 剛剛有一晚我們去了太空館聽天文講座, 點知天台有工程, 加上個天多雲, 冇得睇星星, 於是就趁機去看看燈飾啦~~ 幾乎每年都要看看, 先覺得有聖誕氣氛哩~~

第一個看到的就是這個~~ 不記得上年是什麼, 不過今年的火車都幾cutie~~

(如果想保留一些看燈飾的驚喜, 就暫時唔好睇住, 唔係嘅就繼續啦 ^^~~)

Lunch@Greyhound Cafe

之前去上堂, 第一日就試了Ricepaper, 第二日就和朋友去了Greyhound Cafe試試~~

Lunch@Ricepaper

早前去上堂, 有一個多小時的午餐時間, 最初想去SimplyLife, 不過太多人排隊, 於是和朋友選了Ricepaper~~

微熱山丘鳳梨酥~

一向都好鍾意食鳳梨酥~ 幾年前去台灣的時候曾經買過某牌子的鳳梨酥, 好好食, 不過唔記得咗個名添......近來看到blog友貓豬女和Nico的介紹, 又見到團購有得買"微熱山丘"的鳳梨酥, 雖然係貴少少, 不過就當試食, 買來一試~~

風雨遊東平洲(2)

上次說到看完了更樓石, 是時候行去看看其他景點~~ 不過由於在石灘上看不到有路可以繼續沿海行, 加上自己剛剛滑倒了一次, 於是大家決定在內路行~~

風雨遊東平洲(1)

下著雨的星期日, 我們很早就同奶奶約定了去東平洲, 看了天氣預測, 可能下午沒有雨吧, 於是都登上了往東平洲的船~~ 可能好多blog友去過的地方, 自己真係未去過, 仲要落雨先去, 唔知有咩睇呢? 原來比想像中豐富多了~~

參觀濾水廠~

小時候總是很有興趣參觀工廠或者政府設施, 可以滿足自己「八卦」的心態, 可惜家人卻不大有興趣, 人家去過的汽水廠、維X奶、益X多等工場, 又或者消防局之類, 自己一次都未去過哩...

這次有親友送的票, 終於有機會啦~~ 以前科學堂匆匆學過的濾水廠, 究竟是怎樣的呢?~~

牧羊少年咖啡館~

有日行過太子, 終於有機會可以試試這間"牧羊少年咖啡．茶．酒館"~ 當初在雜誌見到它的介紹, 被它的名稱吸引, 因為《牧羊少年奇幻之旅》是我中學時其中一本最喜歡的書之一, 竟然有人用它的近似名稱來開餐廳, 加上雜誌的介紹說它幾有特色, 一直都想去看看~

壽宴~

我的祖母慶祝81歲大壽, 大家自然大事慶祝~~~

意外的禮物~

收到這支香水，令我很意外哩~~

東龍島半日遊~

又有機會平平哋周圍遊~~ 這次參加了"中銀香港綠色社區計劃", 今年的主題是"慈善環保攝影行", 8月報名的時候, 短短半個小時, 所有2013及2014年度的導賞團都滿額了~~ 本來老公最想報的大埔滘導賞遊, 唔駛5分鐘全部冇哂位 (可能個個都好想睇螢火蟲...)......當然又係要即刻諗第2個, 我們2個都未去過東龍島 (或者叫東龍洲), 不如就揀呢個團~~

翡翠潮人潮食~

又有日周圍找地方吃晚飯, 見到呢度唔駛等位, 又未食過, 就決定一試~~

Hobby Kitchen~

有日行過旺角, 本來想找另一間食店吃午餐, 可惜已經搬了, 唯有再周圍看看...突然見到有間名字怪怪的餐廳: 饕茈廚房 (Hobby Kitchen), 未食過, 不過名字幾有趣, 就決定上樓試試~

香港公園半日遊~

有一段時間冇周圍遊走, 趁住有重陽節補假, 於是決定去香港公園逛逛, 好耐未去過啦~~

此行的另一目的, 是去觀鳥園看雀仔~~

試食Rachel's Cookies~

之前在Yahoo團購買了一套Rachel's Cookie, 共有6款~~ 其實曾經在另一個團購買過呢間公司的出品, 覺得唔錯, 所以今次又買過, 唔知邊隻好食啲呢?

有趣的pizza同意粉@常嚐素(Pizza Veg)~

屋企附近開了一間食店, 不過它和普通的食店有啲唔同, 大家知唔知呢?~~

種菜小試驗~

之前都好想在家種植物, 不過未諗到想種咩...之後有朋友來探我哋時送了一些DIY盆栽套裝, 不過試了2次都唔成功......又諗過種咩之際, 屋苑第一次舉行種植計劃, 諗住都係報吓名就算, 點知又抽中咗, 即刻諗快啲...

後來喺網上找到資料, 有一間叫"陳平記菜種行", 教人種小棠菜:
http://chanseed.silver.yp.com.hk/index_topic.php?did=32008&didpath=/31625/32008&charset=big5

未種過菜的我們, 就決定試一試~~

Tiffany

我本身是很喜歡看話劇、看書等, 之前都有寫另一個blog~ 如果有blog友是看開那個blog而看這裡, 可能文章會重覆了~ 而沒有看過我寫這類文章的blog友, 唔知大家又覺得怎樣?

這個Tiffany, 當然不是平時那個。

好味的奇異果汁~

唔知大家近呢一兩個周末有冇行過旺角呢? 有冇試過以下呢樽奇異果汁呢?

整蛋糕@Coup Kitchen~

之前見過blog友Florence製作的朱古力半圓球蛋糕, 覺得好吸引, 一宜都希望找機會去學整, 終於8月找了機會上堂~ 原本選的是"紅桑子開心果仁半圓球蛋糕"課程, 可惜當日竟然打風, 結果要轉時間......最後還是選了一樣的"朱古力薄脆半圓球蛋糕"~~

又讓大家看看成品先~~

夜遊米埔~

今年第2次去米埔啦~~ 這次選了"春夏導賞團"的夜間團, 有個很好聽的名稱:
"午夜歷奇 - 星空下の躍動"~ 選了夜晚的導賞團, 除了可以避開炎熱的氣溫, 也是想碰運氣, 睇吓是否能夠看到螢火蟲、蝙蝠等夜晚出沒的動物~~

自家製朱古力雪糕

好耐之前已經想自己整雪糕食, 不過成日都冇時間, 8月時終於買了材料, 按食譜整啦~~ 今次整的雪糕是不需要用雪糕機架~~

(俾個樣大家睇吓先~~)

西貢的銀河與星流跡~

唔知大家仲記唔記得之前提過自己去萬宜水庫, 夜晚就去了一個地方, 究竟是為了什麼呢?

就是為了它~ 西貢天上的銀河~~ (大家在相上click一下, 就可以看到放大了的版本~~~)

清遠、英德行 (3)

第2日早上, 天氣都不錯~ 吃完自助早餐之後, 因為未到集合時間, 就同老公出去行一陣~~

清遠、英德行 (2)

去完所謂的"洞天仙境"之後去邊度呢? 先來一張相給大家看看先:

清遠、英德行 (1)

有段時間冇出過香港啦~~ 好想好想出走一下, 近近哋都好啦~~ 於是都係揀大陸團最實惠~~
老公唔想請假, 可以選的是2天團, 佢又唔想淨係住酒店, 希望可以有些活動或者看看風景, 又要平靚正, 又要之前未去過......都幾難揀架......

結果揀咗永x的清遠、英德2天團~~ 可能因為價錢抵 (團費$400都唔駛, 計埋小費、其他都係$500一個~) 這個團都好受歡迎, 同一日有2團共80多人, 幸好分做2團, 唔係咁多人真係好難一齊行~~

(先來一張英西峰林的照片做封面先)~

手工書進階班~

自從學了初階之後, 都希望再學埋進階班, 最少學多一款手工書啦, 所以趁住近來有時間, 又參加了另一班: Exposed spine sewing with tapes and cords~~

萬宜水庫遊~

8月的星期五, 我同老公都拿了一天假, 因為晚上有個特別活動, 不過出席之前, 老公想在附近行行, 於是我們就坐車入了西貢北潭涌~ 於西貢碼頭巴士總站坐94號巴士於中途下車就OK (因為總站是黃石碼頭), 不過94號巴士係半個小時一班 (大約30分及00分一班), 所以真係要望望時間表~~ 又或者可以去小巴總站坐9號綠色小巴, 於中途下車都得 (因為總站是麥理浩夫人渡假村), 不過都係15-30分鐘一班, 都係要去望望時間表架~~

由北潭涌行入去, 未到萬宜水庫入口之前, 有2條郊遊徑, 一條是北澤涌自然教育徑, 不過今次我們行了另一條: 上窰家樂徑~

近來吃過的餐廳 (2)@泰味村、山西刀削麵、HD、吉尼利CAFE~

近來又偶然幫襯了不少餐廳, 記一記先, 又等自己同大家可以望望一些美食解肚餓~~

某日想起有間泰國餐廳, 搭車經過好多次都未試過, 於是趁住這日得閒, 試吓味道如何~ 這間是泰味村, 室內有卡位, 室外都有位, 而且有膠布"包住"同有蓋的~

香港蝴蝶節~

8月4日, 難得天清氣朗, 我們一早決定參加"綠色力量"舉辦的"香港蝴蝶節", 於是就向城門郊野公園進發~~

去城門郊野公園不難, 在荃灣兆和街同眾安街交界有82號綠色小巴, 一程車就到~ 星期日及公眾假期去的話仲有一架94S小巴, 由荃灣西鐵站去城門水塘, 大家有需要可以check吓~~

到咗之後, 選擇上樓梯那條路, 就可以去到遊客中心及踏上自然教育徑~~

龍鼓灘~

7月某個下午, 閒著沒有事做, 我們原本想去另一處行山, 不過呢幾日都有驟雨, 擔心唔知會唔會行行下落雨, 結果揀咗一個搭車就可以到的地方: 龍鼓灘~

想去的朋友, 可以在屯門西鐵站坐K52接駁巴士, 坐到去龍鼓灘總站就ok~ 中途會經過內港碼頭、發電廠、環保園等設施, 都係第一次見到~~

去到一落車不久, 就下了一場驟雨, 等了一輪, 幸好停了, 於是周圍看看有什麼景點, 因為我們完全沒有做過資料搜集~~~行過一間好大的臨海燒烤樂園, 沿住海傍車路行了一段, 突然見到有個牌:

原來這裡有個白海豚瞭望台, 唔知係咪真係見到白海豚呢? 或者又有什麼看呢? 行去睇睇先~~

再行前一點, 就見到標示牌及一條樓梯~~ 行上去~~

雖然小山丘不算好高, 不過樓梯都有百幾級, 行了一段, 影一影相或休息一下再行會好啲~~

初試皮革DIY材料包~

上年在團購買了2份皮革DIY材料包, 終於抽到時間試整其中一份, 就是散紙/鎖匙包~~

首先開箱~~ 入面有哂材料、紙模及說明書~~ 今次整的包包要用2塊大一點的皮革, 一條拉鍊、蠟線、2支針、裝飾皮條、一支1mm的圓斬、銅扣同一塊小皮革~

手工書~

自從以前去Amor學整手工相簿、又整過證書套之後, 很久沒有試過DIY本子~ 剛巧在FB見到這個手工書初班, 時間合適又有位, 當然即刻報名上堂~~

首先都係選材料~ 先選了一塊鍾意的布, 揀來揀去又係揀咗一塊花布~~ 可以同之前整的證書套襯埋啦~~ 這次導師一早裁好所有咭紙同書本內頁紙張, 選了布之後都係由導師再裁成合適的大小, 她的手工好快, 等一陣就搞掂~~

近來吃過的餐廳@金坊、松記、爭鮮、牛一~

好久未寫過美食, 嚟番個美食小記先~~

有日行過荃灣, 見到間泰式餐廳, 諗住好耐都冇食過泰菜, 於是見唔係好多人等位, 又等吓~~ 點知都等咗半小時先有位~~後來先知原來它是長龍店之一, 就係"金坊"啦~

叫了一個炸軟殼蟹、海南雞飯~~ 炸物係自己至愛, 味道唔錯~~ 至於雞飯的去骨雞都幾滑, 不過飯味同汁料就普通...個人覺得食過最好味的雞飯喺"小曼谷", 呢間唔夠佢好味~~

仲叫了一份燒帶子, 味道不過不失~~ 後來我們再叫了一個蒜蓉包, 點知等咗好耐先有, 而且侍應覺得我們叫得少, 態度普通...

幸好有送甜品, 馬荳糕同大菜糕一份~~ 馬荳糕的味道都唔錯~~

還有兩杯菠蘿冰同椰汁冰~~ 似乎最好味都係飲品、甜品同炸蟹~~

總體來說水準合格, 不過唔算最好食, 真係唔明點解咁多人等位~~

金坊泰國美食: http://www.openrice.com/restaurant/sr2.htm?shopid=19494&tc=sr1

個人就推介"小曼谷", 它的海南雞飯好多時下午就買哂, 夜市想食都未必有架~ 仲有其他好味食物: http://www.openrice.com/restaurant/sr2.htm?shopid=14787&tc=sr1

有日又幫襯一間新開的糖水店, 是著名糖水店"松記"的分店~~

老公叫了一個楊枝金露~~ 入面的芒果都幾多, 而且柚子唔苦, 加埋西米露, 味道不錯~~

自己就叫了一個心太軟朱古力蛋糕配曲奇雪糕~~ 蛋糕嘅賣相比平時差了少少, 唔知點解多咗條邊, 不過味道幾好, 配埋雪糕, 一冷一熱, 感覺幾好~~

有機會要試吓其他甜品~~又可以試埋其他分店比較一下~~

松記糖水: http://www.openrice.com/restaurant/sr2.htm?shopid=136918&tc=sr1


又有日行過爭鮮壽司店, 因為時間早, 唔駛排隊, 當然入去食吓~~

之前諗住碟碟8蚊, 款式未必好多, 不過感覺唔錯, 除了必食的三文魚、鰻魚、蝦、刺身等等, 軍艦、小食、甜品等都有, 比想像中好, 而且味道比得上不少壽司店, 怪不得咁多人排隊幫襯~~ 不過可能因為好多人, 所以侍應都唔係好兼顧到, 例如唔記得補充豉油碟、杯, 要問先有~~

好似食咗好多, 埋單都唔駛$100~, 有機會要再幫襯~~


再講埋日式火鍋~~ 今次就幫襯"牛一", 諗唔到平日都好多人等位~~

先食前菜: 生壕4隻, 因為有半價先食~~ 味道都ok~~

之後當然開始打邊爐~~ 今次揀了番茄豬骨湯, 都幾好味~~ 濃味湯配美國牛都不錯~~

影相出嚟望落好紅, 其實淺色啲嘅~~ 湯底味道幾好~~

仲有其他食物, 例如唔同嘅肉丸、菜、麵、烏冬、配料等等, 都可以去自助枱攞~~ 選擇都算多, 各類都有七、八款~~ 煮咗之後都幾好味~~

食埋甜品, 有vanilla雪糕或者原味/藍莓乳酪, 可以自己再加配料, 不錯~~

牛一: http://www.openrice.com/restaurant/sr2.htm?shopid=120056&tc=sr1

食咗咁多嘢, 要做多啲運動減肥啦~~