夜遊米埔~

今年第2次去米埔啦~~ 這次選了"春夏導賞團"的夜間團, 有個很好聽的名稱:
"午夜歷奇 - 星空下の躍動"~ 選了夜晚的導賞團, 除了可以避開炎熱的氣溫, 也是想碰運氣, 睇吓是否能夠看到螢火蟲、蝙蝠等夜晚出沒的動物~~

我們又係揀咗先搭小巴去到米埔村, 再行入去遊客中心~ 這個星期下了不少雨, 難得這日算是有些曙光, 自覺那些雲好好看, 又不停在影相~~

努力步行+欣賞風景中~~

雖然夏天不算是觀鳥的季節, 不過仍然看到不少雀鳥, 例如漁塘上有不少鷺鳥~~ 但牠們很有警覺性, 一見到人就飛走, 這張可算是偷拍了~~

行到入去啦~~ 好彩又係冇遲到~~

導賞員先講解了部份的行程, 跟住大家就沿路行入禁區範圍~ 這次起點是平時去米埔的入口, 即係有好多漁塘的一邊, 而唔係上次觀鳥的另一邊禁區~ 沿路有夕陽護送我們~~

沿途又見到這些紅樹林~~ 見到它們平安地在繼續成長, 感覺欣慰~

之後我們行去蘆葦草的一邊~~ 第一次來米埔時就見過, 又見到它們了~~ 仍是生得好高~~

走過蘆葦小徑, 就係......

久違了的蓮花池~~ 仍然有很多睡蓮及蓮葉, 不過周圍就有一堆堆粉紅色的物體, 原來是福壽螺的卵子......福壽螺是外來生物, 會破壞這裡的生態, 希望它們不要愈來愈多......

寧靜而優美的環境, 但很需要大家努力的保護~ 所以個人真係唔贊成發展任何郊野公園, 不只是因為減少了休憩的地方, 更重要是保護我們僅有的大自然呀......

因為到了傍晚時份, 所以睡蓮真係開始瞓覺, 很多都合上了, 少數好似這朵也快要去睡覺~~

我們行到去教育中心之後, 已經開始天黑~ 大家先吃一些自備小食, 然後再聽有關今次行程的講解, 例如介紹米埔的夜行生物種類及特性, 另外就是外出夜行時一定要用紅色光的電筒, 因為普通電筒的燈光太耀眼, 會嚇走生物或者破壞牠們的眼睛~ 其實只要用普通電筒再加一張紅色玻璃紙就OK~~

之後就開始夜行時間~~ 首先要行一段泥路, 因為之前落過雨, 泥土都好濕好滑, 行的時候要小心翼翼......因為我們要行去可以見到螢火蟲的草地去遠望牠們~~ 唔知大家之前有冇去過米埔或其他地方睇螢火蟲, 係咪好多的呢? 其實當晚我們都看到幾隻綠色螢火蟲在飛來飛去, 雖然數目不多, 不過第一次見到都覺得幾幸運~~ 牠們"來無踪、去無影", 要影低好難, 所以帶哂工具都拍唔到, 不過見到都好好了~~

之後我們就周圍行行, 嘗試找尋其他動物, 不過開始下大雨, 大家都開了傘子慢慢行~ 行到中途, 竟然有個大蜘蛛網擋路, 係大到好似萬聖節的裝飾, 中間真係有隻蜘蛛......於是大家要逐個"捐"過去先行到, 都幾驚險......

行了一會, 去到一個涼亭, 開始一個新活動:

這個是蝙蝠探測儀, 調較到某個頻道, 就可以聽到蝙蝠發出的超聲波, 從而知道牠們的位置~ 導賞員教我們調至40-60kHz, 向周圍掃瞄, 就有機會接收到~ 結果有幾次真係聽到, 不過太黑, 真係見唔到真身, 偶爾見到有黑影飛過, 唔知係咪呢?

導賞員仲帶我們看一個蝙蝠箱, 即是俾蝙蝠住的人工"屋企", 入面真係有一隻, 不過好細隻, 落足眼力先睇到, 所以都係影唔到~~

行了好一會, 返回教育中心, 竟然見到一隻小樹蛙, 大家都立刻拍照~~ 因為用紅光電筒照住, 所以變了紅色~~ 細細隻好得意~~

之後又見到另一隻~~ 這張相執過, 所以就唔係紅色啦~~ 伏在欄杆上, 幾有趣~~

還見到有一條水蛇......好彩佢唔郁嘅~

之後我們跟導賞員去看用昆蟲誘捕器捉到的昆蟲~~

唔知係咪因為多人, 所以唔係捉到好多~ 小強、蟲仔就唔影啦, 影蜻蜓好d~~

呢個就係昆蟲誘捕器, 開了燈光之後 (記得好似係紫外線燈), 昆蟲就會被吸引走來, 就可以用盒捉住牠們~~

夜晚真係幾黑~~ 行返出去的時候沒有電筒, 就要一步一步小心~ 不過其實米埔的光害頗嚴重, 因為附近深圳的高樓大廈同埋附近鄉村都有不少燈光, 所以未至於好黑, 不過都要慢慢行~

終於行到出去啦~~ 今次雖然不是見到好多動物, 不過可以見到螢火蟲, 聽到蝙蝠同其他動物的聲音, 在安全的情況下體驗米埔的夜晚, 都是一個不錯的體驗~~ 最後係有車送出去元朗, 都算好方便~ 希望下次有機會再參觀啦~~

如果大家有興趣到米埔參觀或參加不同季節的導賞團, 可以看看:

http://www.wwf.org.hk/getinvolved/gomaipo/