清遠、英德行 (3)

第2日早上, 天氣都不錯~ 吃完自助早餐之後, 因為未到集合時間, 就同老公出去行一陣~~

酒店附近有一條北江大橋 (上圖的就是了, 從酒店影出去~), 於是行上去看看~~

雖然是天晴, 不過煙霞頗大, 不太看到對岸的景物...

橋上的人不多, 車就多好多~

金光閃閃~~

行完仲有時間, 因為酒店住客可以免費用酒店的泳池 (仲有小小的健身室、羽毛球場、網球場等), 老公就去了游水, 唔識游水的我就周圍看看~~

之後夠鐘集隊了~~ 又是時候繼續行程~

今日的行程就普通多了...首先是去看看這間"紅不讓"土產店公司...

入面就有養菇的工場~~

有些菇長得好似一盆花, 都幾有趣~~

這朵白色菇都幾特別~~

之後就去看鹿仔的養殖場~~ 有些鹿是單獨飼養的~~

這隻叫四不像~~ 和普通鹿的樣子頗不同~~

另一個欄入面就有隻母鹿, 牠的後面有隻小鹿呀~~ 介紹的員工說牠是當日早上剛出世的, 所以企都未識呀~~

佢嘅媽咪好似唔係好點理佢, 任得佢自己練企...

希望鹿仔會冇事啦~~

其實入面仲有好多鹿, 不過同人一樣怕曬, 隻隻都躲在簷下...

之後又是購物時間~ 不過今次望完一輪都冇興趣, 因為啲產品唔係靈芝、鹿產品就係菇菌、茶葉......之前買過都食唔哂, 都係算了...

看完土產市場, 大家就去吃午飯~ 今次吃的是火鍋, 真想不到大熱天時食火鍋, 好彩餐廳有冷氣, 味道也算可以~

吃完午飯就去了另一個景點: 金雞岩~ 初初還以為一個景點, 點知原來係一個拜神的地方, 對拜神冇興趣的我當然幾悶, 不過是行程的一部份都要參與...

唯一比較可取的是這個山洞, 和昨日看的洞天仙境有啲相似, 而且洞入面氣溫較低, 比出面舒服多了~ 不過可看的不多...

最後就是去了這條"御金街"~ 還以為有什麼可看, 原來這裡本來想成為公路收費站旁的補給站, 點知經營不善, 令到商店愈來愈少, 現在成了我們臨回去的"洗手間景點"......大陸的景點往往就有這些問題, 唔改善好, 想旅遊業好都幾難...

坐完3個多小時車, 終於返到深圳, 再順便申請回鄉卡e-道, 返到香港都晚上9點~ 咁就完成了2日的行程~~

總體上來說, 可以看到英西峰林的景色很不錯, 酒店及食物都算合格, 不過購物同拜神都令人怕怕, 而且大陸的洗手間及配套仍然冇咩改善......可以小休2日, 就忘記那些小問題啦~

 

送上一些清遠鮮花作結~~