藍莓芝士餅~

一年一度, 老公生日, 很久沒有整蛋糕, 不過要返工, 為了他, 於是揀一個簡單又好味的, 就整紐約芝士餅加藍莓 ^^~

自己同老公都覺得很好味 ^^~~~


食譜有很多, 主要用了"甜琛廚房"的食譜 (下面有link), 大家都可以看看其他食譜, 揀一個自己心水的, 因為這個是不加檸檬或檸檬汁, 而且我用藍莓取代了酸忌廉, 個人覺得都好食, 而且製法可以再簡單啲~~

因為我的6吋模係可以脫模, 於是除了成個模舖牛油紙 (baking paper), 外層要加錫紙圍住個底~

用隔水的方式先整溶50g的無鹽牛油, 另外打發三隻蛋~~ 蛋要先由雪櫃取出放約1-2小時, 令它們成為"室溫蛋"~

一舊250g 的cream cheese放在室內1-2小時, 就會容易打發~~

用打蛋機及低速打發芝士, 一邊慢慢加50g糖~ 攬到creamy狀就ok~

之後加蛋漿~ 記得以前學過, 蛋漿可以唔駛加哂, 每次逐少少加, 一加就要同混合物攪勻, 冇哂蛋汁先可以再加, 如果睇落已經夠蛋漿 (即係啲芝士開始水水哋), 就已經足夠, 唔好再加了~~

之後加入牛油, 稍為攪勻便可, 唔好打發過度~~

今次係用隔水蒸的方式, 先將混合物倒入蛋糕模, 將模放在一個較高身的焗盤中間, 然後注入熱水, 約2cm高~~ 如果一邊焗的時候啲水冇哂, 記住要繼續加水~~

焗爐預熱160度, 我就開了上下火, 焗50分鐘 (食譜就話60分鐘, 因為人人的焗爐不同)~~ 焗到中途, 見到蛋糕面開始金黃, 於是在面上加一塊錫紙~~ 到50分鐘, 用牙簽插入去一試, 冇黏住, 即係熟了~~

金黃色很漂亮~~~

放涼10-15分鐘就可以脫模~~ 剛剛拎出來時比較高, 冷凍之後就矮了~~ 食譜話可以即食, 如果雪吓仲好味~~ 其實我係早一日整定, 當然係放入雪櫃 (0-4度)~~

生日正日, 拎出來之後, 再加藍莓果醬同一粒粒新鮮藍莓在面上, 就完成啦~~~ 好快就食哂~~

大家有興趣可以看看以下的食譜:

甜琛廚房: http://sweetheartkitchen.com/recipes/new-york-cheesecake-2/

http://i-cook.appspot.com/recipe?id=37

http://www.leisure-cat.com/frm_1189.htm

http://bonniechu.blogspot.hk/2012/11/blog-post_21.html

http://www.beautyexchange.com.hk/column/122408

http://www.rthk.org.hk/elearning/dessert/cake_nycheesecake.htm