晚飯@咖啡弄~

之前見到雜誌同好多blogger都介紹了這間台灣有名食店, 一直都有興趣去試吓, 終於今次行過尖沙咀, 而且見到好似唔係好多人排隊, 於是就排吓~~ 結果排了20多分鐘就有位, 不過要搭枱, 老公嚷著好肚餓, 當然拿拿臨入去坐了~~

去過的朋友都知道, 這裡繁忙時間只可坐1.5小時, 而且每人都要叫一杯飲品作最低消費~ 不過老公不太喜歡這條"規則", 覺得既然都會叫食物, 為何仍需要每人叫飲品? 不過自己反而覺得, "被迫"叫飲品就有藉口試吓它們出名的果茶, 嘻嘻 :p

很精美的menu, 原來它們的官網也很精美, 有齊menu的食物, 等位中可以看網頁揀定食咩~~
(官網: http://www.coffee-alley.com/)

自己叫了一份熱鮮果茶~ 味道酸酸甜甜, 很醒胃, 而且真係加了很多果汁同水果, 食到的有蘋果、橙、提子, 另外有熱情果、青檸, 仲發現有一粒酸梅, 難怪味道特別~~ 而且份量不少, 可以倒5-6杯, 光是飲茶都已經飽飽哋~~ 個人挺喜歡呀~~

老公叫了一杯茉香蜜桃冰茶, 味道就冇鮮果茶咁獨特, 同普通茉香綠茶差不多, 不過賣相幾靚, 有可吃的蜜桃、青蘋果片、橙, 仲有紅色一粒粒的酸果子~~ 一時唔記得這些紅色果子是什麼名稱添~~

主菜是一份現烤燻雞吐司披薩~~ 本來我們有叫北極蝦沙拉土司佐馬鈴薯, 可是賣哂了...不過都好, 因為我們發現這裡的食物都有一定份量, 以我們的胃口, 食埋甜品已經覺得好飽~ 講番呢份pizza, 味道唔錯, 入面有雞肉, 意大利肉腸片、蕃茄片等, 加上脆脆的酥皮餅底, 好食~~ 另外那個整成雪糕球般的是碎蛋沙律, 又係好好味, 好滑~~ 不過唔知覺得好食係咪因為我們太餓, 因為這份食物要等20分鐘架......

最後就是甜品: 鹽味焦糖冰淇淋鬆餅~ 好明顯如果叫士多啤梨或朱古力味看來更搶眼, 不過老公想試吓呢款, 就試一次~~ waffles大大份, 有糖漿、忌廉同vanilla雪糕伴食, 多重口感, 再加埋杏仁同夏令營果仁, 同時間很多口味~~ 不過我們太細食, 食到最後覺得好飽, 差點食唔哂~~ 唯一想講就係希望可以俾多些糖漿, 因為用糖漿點來食最好味, 忌廉反而冇咩味道......另外其實所謂的鹽味在那裡? 是指果仁嗎?~~

總結來說, 食物質素唔錯, 侍應都細心, 不過真係有心理準備要排好耐, 或者揀些不多人的時段幫襯更好~~ 聽講台灣本店整得仲好食, 希望第時再去台灣有機會光顧呀~~

http://www.openrice.com/zh/hongkong/restaurant/%E5%B0%96%E6%B2%99%E5%92%80-%E5%92%96%E5%95%A1%E5%BC%84/166483

https://zh-hk.facebook.com/coffeealley