電飯煲焗蛋糕: 中伏?...

之前在網上見到好多人用電飯煲可以整到不同的美食, 例如蕃茄飯、焗雞之類, 自己就有興趣試吓整蛋糕, 於是找了這個食譜, 諗住"快靚正", 點知......

材料有以下呢幾樣:
Pancake粉: 200克
牛奶: 130ml
雞蛋: 1隻
綠茶粉: 1湯匙
牛油: 少少

材料似乎唔多, 應該唔太難整掛~~ 又可以用番之前包綠茶粉~~

按食譜指示, 將所有材料撈在一齊, 就變了一堆綠色混合物~~ 最好就攬至滑身~~

之後將牛油塗在煲底同煲邊, 之後將綠色混合物倒入飯煲中~~

食譜話要焗35分鐘, 於是按掣, 諗住冇問題......點知個飯煲煮唔夠10分鐘就跳掣......好明顯唔得, 於是唯有再按掣, 點知個掣按唔到......後來上網找資料, 原來象牌的飯煲就係咁, 煮10分鐘或過熱就會跳掣, 即係唔可以好似食譜講, 用"普通電飯煲"都得......

於是唯有危險少少, 自己按住個掣唔放......其實會有過熱的危險, 大家唔好學我呀......結果按吓放吓個掣就30分鐘...

原來整出來的成品好像一個大pancake......不太像蛋糕呀......

切出來再食入口, 根本係pancake味喎 (綠茶味pancake...)...即係呢個食譜唔係好得......中伏添.......唔緊要啦, 剩下的pancake粉下次都係用來整pancake算了~~

看來整蛋糕真係唔可以懶, 用番焗爐、或者整蒸蛋糕/凍餅仲好食~~ 又或者問題出在自己的電飯煲, 用個西施飯煲或有焗蛋糕功能的飯煲會好d~~ 又或者用另一啲電飯煲蛋糕食譜會更好~~

唔緊要啦, 整嘢食就係要成日做實驗先知什麼好食不好食呀 :P