晚飯@夏麵館~

兩、三年前曾經在圓方商場幫襯過一次, 覺得味道都不錯, 而且仲要排隊先有位坐~~ 這次輪到附近開了分店, 終於找了機會試試~~ 其實原本係想試另一間日式食店, 但實在太多人等位, 這間反而等了一陣就有位~ 唔通係什麼預兆?~

本來有想過叫2人餐, 不過又怕吃不完, 於是還是散點~~

我們吃上海菜的最愛一: 雞絲粉皮~~ 一樣間間都唔會整得唔好食, 不過又唔會好好食的食物~~ 不過我們就是愛那些麻醬加上食材的味道與感覺~~

另一樣至愛: 小籠包~~ 不過, 一見到個樣就覺得都係麻麻, 竟然係走樣的......果然味道都係普通, 而且夾起時要小心翼翼, 怕整穿......

又叫了一個店內指名的招牌菜: 醬茶鴨......明明係鴨, 又明明有醬, 點解食落覺得冇咩味呢?...而且放涼了一陣, 已經覺得有點油膩......有點失望哩...

還有一個排骨麵~~ 可是一早叫了剪麵方便分來吃, 但點知冇......豬扒瘦巴巴, 包住的粉漿仲多過肉, 口內只覺得油膩冇肉味......麵就合格, 但豬扒水準不夠......

難道新界區分店往往都是質素較差? 還是自己期望過高?......可能下次有機會試吓其他分店, 睇吓會唔會好食D~~

http://www.xiamianguan.com/

http://www.openrice.com/restaurant/sr2.htm?shopid=151022&tc=sr1

http://www.openrice.com/restaurant/sr2.htm?shopid=84021&tc=sr1

http://gourmetkc.blogspot.hk/2010/07/blog-post_21.html

http://lohas.pixnet.net/blog/post/30496260