濕地學堂 (鳥類篇) 進階班~

上年參加了濕地公園的觀鳥初班 (詳情可看上年的blog)~ 這次偶爾看看濕地公園網站, 又發現觀鳥班在2月舉行~ 既然已經上過初班, 這次當然揀進階班, 不過日子在2月14日~ 唔緊要啦, 就當情人節的節目去觀鳥都唔錯~~

其實這次的內容同初階班相似,  都係免費參加, 只要俾30蚊的入場費就可以了~~首先都係在室內聽講座~ 不過今次遲到, 去到已經介紹緊香港不同的水鳥~ 唔好以為情人節就冇人上堂, 看來都有30-40人報了名參加~~

今次份notes彩色印刷, 介紹了不同的常見水鳥~~ 一陣間就有得看真身了~~

聽完講解, 已經係午餐時間, 於是又去了唯一的快餐店, 又叫了同一樣的焗豬扒飯, 同花旗參杞子桂圓特飲~ 呢度最好食應該都係呢個焗飯, 幾乎次次來都是吃這個~~

吃完午餐又未到集合時間, 於是又自己周圍行吓~~ 今次又見到貝貝的兇惡樣~~

雖然係冬天, 不過濕地公園都有不少花可看~~ "毛毛花"近呢幾個星期成日見到架~~

去了觀鳥亭, 可以看到濕地公園主樓對出的大湖~~ 這天都有不少鳥兒~~

將老公拍的照片放大一下~~ 上面黑色那些是鸕鶿, 牠們是捕魚高手~~ 下面那幾隻白色雀鳥就是黑臉琵鷺, 又見到牠們啦~~~

之後仲愈來愈多, 有6隻一齊~~ 不過很快就飛走了~~

就算看不到雀仔, 只看這片風景都覺得很舒暢~~

之後又周圍行吓~~ 見到這片殘荷之景~~ 應該夏天又會變得綠油油的~~

上年拍到牠, 今年牠又出現了~~ 看來牠已經習慣有不少人為牠拍照, 牠真係企定定俾人影架, 好有趣~

估不到冬天都看到睡蓮同荷花~~

有幾朵開得不錯, 不過都是分開一朵朵來開~~

草兒也很好看~~

這天遊人不看, 可能因為天灰灰, 驚會下雨, 而且好多人拍拖都去其他地方, 不過都見到不少情侶來談心架~~

掛住看漂亮的花卉植物, 好似未入正題添~~

好啦, 終於大家集合一齊去觀鳥~~ 當然要帶望遠鏡~~ 另一部是導賞用的收音器, 當導賞員講解時, 就可以直接收音, 佢又唔需要大聲說話騷擾到雀仔, 我們又容易聽到他的解說~~ 上年那部是舊款, 今年呢部hi-tech咗~~

其實濕地公園在冬天有好多不同的雀仔可看, 不過我們的相機都是普通貨色, 不是單反, 沒有超長鏡頭, 所以可以清楚影到的雀仔不多, 不過用肉眼見到已經好開心~~ 這天我們幾乎可以看到大約7成notes介紹的雀仔, 算是幾幸運了~~ 上圖那隻就是notes頭頁介紹的小鸊鷉~~

在河灘觀鳥屋都看到不少雀仔, 不過牠們距離遠, 拍得不太好, 都是用肉眼看好一點~~ 去完河灘就去呢度: 泥灘觀鳥屋~~

又見到一大班鸕鶿~ 米埔都好多呢種雀鳥~~

它的後面有隻雀仔, 嘴巴彎彎的, 很得意~~ (忘了牠的名字...)

遠處一大堆白色都是雀仔~~ 好多鷺鳥呀~~

這隻是蒼鷺, 形態幾優美~~

白鷺的形態都唔錯架, 牠的附近仲有另外一些小鳥, 不過唔用大相機真係影唔到~~ 不過肉眼睇到好多都已足夠~~ 兩個幾小時的戶外觀鳥時間真係好快過, 都有點不捨得走, 希望下次再來都可以見到這麼多雀仔~~ 這天都幾好彩, 後一日有落雨, 參加了初階班的朋友可能就有點狼狽了~

由於臨近新年, 活動一完結又匆匆趕去同親戚食飯~~ 下次來濕地公園可以悠閒一點就更好~~

如果大家有興趣參加, 可以看看濕地公園的網頁:

http://www.wetlandpark.gov.hk/tc/education/wetland_classroom_bird.asp (觀鳥班每年舉辦一次, 通常在冬天, 例如1、2或3月, 下年可以1月開始留意就有機會報名)

http://www.wetlandpark.gov.hk/tc/education/Bird_Watching_Festival_2014.asp (濕地公園現正舉行觀鳥節, 有好多不同的活動, 適合一家大細~~)